4 died in car accident in nadiad: કપડવંજ-નડિયાદ રોડ પર કાર અને ટેન્કર વચ્ચે ગમખ્વાર અકસ્માત, 4નાં મોત – 4 killed in accident between car and tanker in nadiad

0


હાઈલાઈટ્સ:

  • કપડવંજ-નડિયાદ રોડ પર મોડીરાતે ટેન્કર અને કાર વચ્ચે ગમખ્વાર અકસ્માતની ઘટના
  • કારમાં સવાર પાંચમાંથી 4નાં ઘટનાસ્થળે મોત, મૃતદેહોને PM માટે હોસ્પિટલ ખસેડાયા
  • અકસ્માતમાં મોતને ભેટેલા બે સુરેન્દ્રનગરના તો બે વિરમગામના હોવાનું સામે આવ્યું છે

નડિયાદ: કપડવંજ-નડિયાદ રોડ પર મોડીરાતે ટેન્કર અને કાર વચ્ચે ગમખ્વાર અકસ્માતની ઘટના બની હતી, જેમાં કારમાં સવાર 4 લોકોના મોત થયા છે જ્યારે એકને ગંભીર ઈજાઓ થતાં સારવાર માટે હોસ્પિટલ ખસેડવામાં આવ્યો હોવાનું જાણવા મળ્યું છે. મીડિયા રિપોર્ટ મુજબ મૃતકોમાં બે વ્યક્તિ સુરેન્દ્રનગર જિલ્લાના લખતર તાલુકાના છે જ્યારે અન્ય બે મૃતક વિરમગામના રહેવાસી છે. અકસ્માતને પગલે સ્થાનિક પોલીસ દ્વારા વધુ તપાસ કાર્યવાહી હાથ ધરવામાં આવી છે.

મીડિયા રિપોર્ટ મુજબ કઠલાલના પોરડા પાટીયા નજીક મોડીરાત્રે અકસ્માત સર્જાયો હતો. સ્વીફટ કાર કપડવંજથી કઠલાલ તરફ આવી રહી હતી તે દરમિયાન ટેન્કરને ઓવરટેક કરવા જતા કાર પલટી મારી હતી, જેમાં કારનો કચ્ચરઘાણ વળી જતાં અંદર સવાર પાંચ પૈકી 4નાં મોત થયા હતા જ્યારે એકને ગંભીર ઈજાઓ થઈ હતી. અકસ્માતની તસવીરો પણ સામે આવી છે, જેના પરથી અંદાજ લગાવી શકાય છે કે, અકસ્માત કેટલો કંભીર હતો.

પ્રાપ્ત માહિતી અનુસાર જે કારમાં અકસ્માત સર્જાયો તેમાં પાંચ લોકો સવાર હતા. જેમાંથી ચાર લોકોના ઘટના સ્થળે જ મોત નિપજ્યા હતા. તો એક વ્યક્તિ ગંભીર રીતે ઘાયલ થયો હતો. ગંભીર રીતે ઈજાગ્રસ્ત વ્યક્તિને કઠલાલની ખાનગી હોસ્પિટલ ખસેડાયો અને મૃતકોના મૃતદેહોને કઠલાલ સામૂહિક આરોગ્ય કેન્દ્રમાં પોસ્ટમોર્ટમ માટે ખસેડવામાં આવ્યા હતા. બનાવની જાણ થતાં સ્થાનિક પોલીસનો કાફલો ઘટનાસ્થળે પહોંચ્યો હતો અને અકસ્માતને મોતનો ગુનો નોંધીને આગળની કાર્યવાહી હાથ ધરી હતી.



Source link

What’s your Reaction?
+1
0
+1
0
+1
0
+1
0
+1
0
+1
0
+1
0

LEAVE A REPLY

Please enter your comment!
Please enter your name here