brigadier ls lidder: હેલિકોપ્ટર ક્રેશ: બ્રિગેડિયર લિડ્ડરની પુત્રીએ આંસુ સાથે આપી અંતિમ વિદાય, ભાવુક કરશે તસવીરો – helicopter crash brigadier l s lidder’s daughter and wife pays last respect to him

0


હાઈલાઈટ્સ:

  • 8 ડિસેમ્બરે તમિલનાડુના કુન્નુરમાં વાયુસેનાનું હેલિકોપ્ટર ક્રેશ થયું હતું.
  • હેલિકોપ્ટર ક્રેશમાં સીડીએસ બિપિન રાવત સહિત સેનાના 12 જાંબાઝોએ જીવ ગુમાવ્યો છે.
  • બ્રિગેડિયર લિડ્ડરના શુક્રવારે અંતિમ સંસ્કાર કરવામાં આવ્યા છે.

7 મિનિટમાં જ હેલિકોપ્ટર લેન્ડ થવાનું હતું પરંતુ કિસ્મતને કંઈક અલગ જ મંજૂર હતું. લેન્ડિંગની ગણતરીની મિનિટો પહેલા જ હેલિકોપ્ટર આગનો ગોળો બની ગયું અને ચકનાચૂર થઈ ગયું. તમિલનાડુમાં થયેલા આ હેલિકોપ્ટર ક્રેશમાં દેશના પ્રથમ સીડીએસ બિપિન રાવત સહિત સેનાના 12 જાંબાઝોએ જીવ ગુમાવ્યો. તમામના પાર્થિવ દેહ ગુરુવારે દિલ્હી લવાયા હતા. શુક્રવારે તેમના અંતિમ સંસ્કાર કરવામાં આવી રહ્યા છે. બ્રિગેડિયર એલ.એસ. લિડ્ડરના શુક્રવારે અંતિમ સંસ્કાર કરવામાં આવ્યા છે.

આજે CDS રાવત અને તેમના પત્નીના અંતિમ સંસ્કાર, પાર્થિવ દેહ નિવાસસ્થાને લવાયા

બ્રિગેડિયરનો પાર્થિવ દેહ જોઈને તેમનાં પત્ની અને દીકરીની આંખમાંથી આંસુઓનો દરિયો છલકી ગયો હતો. જોકે, એક સૈનિકની પત્ની અને દીકરીએ પોતાને તૂટવા ના દીધા અને મન મજબૂત કરીને એકબીજાનો હાથ પકડી લીધો. બ્રિગેડિયર લિડ્ડરની દીકરી આસનાએ તેમના અંતિમ સંસ્કાર કર્યા હતા. મિલિટ્રી સન્માન સાથે તેમના અંતિમ સંસ્કાર કરવામાં આવ્યા હતા.

પતિની આખરી નિશાની મળતાં જ બ્રિગેડિયર લિડ્ડરનાં પત્નીના આંખમાં આંસુ આવી ગયા હતા. જોકે, આ દુઃખની ઘડીમાં તેમણે કાળજું કઠણ કર્યું હતું અને પતિને અંતિમ વિદાય આપી હતી. તેમની દીકરીએ પણ અંતિમ સંસ્કારની વિધિ આંખમાં આંસુ સાથે પૂરી કરી હતી.

lidder wife

ગુરુવારે રાત્રે દિલ્હીમાં બ્રિગેડિયર લિડ્ડરનો પાર્થિવ દેહ લવાયા બાદ તેમનાં પત્ની અને દીકરીએ આખરી સલામી આપી હતી. બંનેએ પાર્થિવ દેહને નમન કર્યા હતા. હવે તેઓ પરિવારની યાદોમાં જીવિત રહેશે.

lidder wife daughetr

પિતાના પાર્થિવ દેહને જોઈને દીકરી રડી પડી હતી ત્યારે સેનાના એક અધિકારીએ તેને સાંત્વના પાઠવી હતી. બ્રિગેડિયર લિડ્ડરનાં પત્ની પણ દીકરીને હિંમત આપતાં દેખાયા હતા.

રક્ષામંત્રી રાજનાથ સિંહે પણ બરાર સ્ક્વેર જઈને બ્રિગેડિયર લિડ્ડરને શ્રદ્ધાંજલિ પાઠવી હતી. રાષ્ટ્રીય સુરક્ષા સલાહકાર અજીત ડોવાલે પણ બ્રિગેડિયરને અંતિમ સલામી આપી હતી. આર્મી ચીફ એમએમ નરવણેએ પણ બ્રિગેડિયરને સલામી આપી હતી.

CDS રાવતનું હેલિકોપ્ટર કેવી રીતે ક્રેશ થયું? સૌથી વધુ પરેશાન કરી રહ્યો છે સવાલ

lidder

ઉલ્લેખનીય છે કે, બ્રિગેડિયર એલ.એસ. લિડ્ડર સીડીએસ બિપિન રાવતના ડીએ હતા. તેમને પ્રમોશન આપવામાં આવ્યું હતું અને આવતા મહિને તેઓ મેજર જનરલ બનવાના હતા. બ્રિગેડિયર લિડ્ડરના પિતા પણ ભારતીય સેનામાંથી બ્રિગેડિયરના પદે રહીને નિવૃત્ત થયા હતા. બ્રિગેડિયરનાં પત્ની વ્યવસાયે શિક્ષિકા છે અને દીકરી ધોરણ 12માં અભ્યાસ કરે છે. હરિયાણાના નિવાસી બ્રિગેડિયર લિડ્ડરને સેના મેડલ અને વિશિષ્ટ સેવા મેડલથી સન્માનિત કરવામાં આવ્યા હતા.



Source link

What’s your Reaction?
+1
0
+1
0
+1
0
+1
0
+1
0
+1
0
+1
0

LEAVE A REPLY

Please enter your comment!
Please enter your name here