general bipin rawat cremation: આર્મી યુનિફોર્મમાં માસુમ, વ્હીલચેરમાં ‘ફૌજી’.. CDS રાવતને દેશ આપી રહ્યો છે અંતિમ વિદાય – india pays last respect to first cds bipin rawat little girl wearing army uniform

0


તમિલનાડુના કુન્નુરમાં 8 ડિસેમ્બરે હેલિકોપ્ટર ક્રેશ દુર્ઘટનામાં શહીદ થયેલા CDS જનરલ બિપિન રાવત અને તેમના પત્નીના દિલ્હી ખાતે અંતિમ સંસ્કાર થવાના છે. ત્યારે અંતિમ દર્શન માટે તેમના પાર્થિવદેહ તેમના નિવાસસ્થાને રાખવામાં આવ્યા છે, જ્યાં તેમના ઘરની બહાર મોટી સંખ્યામાં લોકો શ્રદ્ધાંજલિ આપવા માટે પહોંચી રહ્યા છે. આ દરમિયાન કોઈ વ્હીલચેર પર તો કોઈ પોતાના બાળકને આર્મી યુનિફોર્મમાં સાથે લઈને આવ્યા છે. એકઠી થયેલી ભીડ ‘ભારતીય સેના જિંદાબાદ…’, સીડીએસ રાવત અમર રહે…’ના નારા લગાવી રહી છે.
આજે CDS રાવત અને તેમના પત્નીના અંતિમ સંસ્કાર, પાર્થિવ દેહ નિવાસસ્થાને લવાયા

સેનાનો યુનિફોર્મ પહેરેલી માસૂમ બાળકીનો સલામ
પ્રાપ્ત માહિતી અનુસાર લોકો તેમના પ્રિય જનરલને અંતિમ વિદાય આપવા માટે કતારમાં ઉભા છે. દરમિયાન ભીડમાં એક છોકરીએ બધાનું ધ્યાન ખેંચ્યું હતું. 5-6 વર્ષની છોકરીએ આર્મીનો યુનિફોર્મ પહેર્યો છે અને હિંદુસ્તાનના વીર નાયકને સલામ કરી રહી છે.

જનરલને છેલ્લી સલામી આપવા ‘ફૌજી’ વ્હીલચેર પર આવ્યા
જનરલ રાવતને શ્રદ્ધાંજલિ આપવા આવેલા વ્હીલ ચેર પર બેઠેલા માણસની આ તસવીર બતાવે છે કે સીડીએસ રાવત આમ જ ‘પીપલ્સ જનરલ’ નહોતા કહેવાતા. આ દરમિયાન ભીડમાંના લોકો છેલ્લી યાત્રાએ જઈ રહેલા જનરલને તેમની નજરમાં હંમેશ માટે કેદ રાખવા માંગે છે.

પૂર્વ મુખ્યમંત્રી વ્હીલ ચેર પર પહોંચ્યા
જનરલ રાવતને શ્રદ્ધાંજલિ આપવા માટે તમામ નેતાઓ પહોંચ્યા હતા. કેન્દ્રીય મંત્રીઓ, વિવિધ રાજ્યોના મુખ્યમંત્રીઓ, પક્ષોના મોટા નેતાઓ… પરંતુ એક પૂર્વ મુખ્યમંત્રી વ્હીલચેર પર બેઠા હતા. આધાર વિના ચાલવું મુશ્કેલ હોવા છતાં, વૃદ્ધાવસ્થા, માંદગી, નબળાઇ ભૂલીને હરિયાણાના પૂર્વ મુખ્યમંત્રી ઓમ પ્રકાશ ચૌટાલા CDS રાવતને અંતિમ શ્રદ્ધાંજલિ આપવા પહોંચ્યા હતા.



Source link

What’s your Reaction?
+1
0
+1
0
+1
0
+1
0
+1
0
+1
0
+1
0

LEAVE A REPLY

Please enter your comment!
Please enter your name here