gaurav khanna: ત્રણ જ મહિના માટે ‘અનુપમા’ સાથે જોડાયો હતો ‘અનુજ’? હવે શોને કહી દેશે અલવિદા? – will anuj kapadia’s character end in tv show anupamaa actor gaurav khanna clarifies

0


હાઈલાઈટ્સ:

  • ‘અનુપમા’ શોમાં ગૌરવ ખન્નાનો કોન્ટ્રાક્ટ માત્ર ત્રણ મહિનાનો હોવાની ઉડી હતી અફવા.
  • અનુજ અને અનુપમાની જોડી દર્શકોને ખૂબ પસંદ આવી રહી છે.
  • અનુપમા દ્વારા મળેલી સફળતા માટે ગૌરવ ખન્નાએ ઈશ્વરનો આભાર માન્યો છે.

‘અનુપમા’ સીરિયલમાં અનુજ કપાડિયાનો રોલ કરીને હાલ ઘરે-ઘરે જાણીતો થયેલો એક્ટર ગૌરવ ખન્ના છેલ્લા 15 વર્ષથી ટીવી ઈન્ડસ્ટ્રીનો ભાગ છે. જોકે, અનુજના પાત્ર દ્વારા તેને જેવી સફળતા મળી છે તેવી અગાઉ કોઈ પાત્રમાં મળી નથી. ટીવી ઈન્ડસ્ટ્રીમાં તેની બીજી ઈનિંગ્સ શરૂ થઈ છે. આ વિશે પૂછવામાં આવતાં ગૌરવે અમારા સહયોગી ઈટાઈમ્સ ટીવીને કહ્યું, “મારી ઈનિંગ્સ ચાલુ જ હતી પરંતુ વચ્ચે લોકડાઉનના કારણે ઘણી મેચ ના રમાઈ શકી. હું ટીવીમાં કામ કરતો જ હતો પણ હા જે પ્રેમ અને પ્રશંસા મારા હાલના રોલને મળી રહી છે તે અદ્ભૂત છે અને તેના માટે હું ઈશ્વરનો આભારી છું. અચાનકથી જ લોકો મને ફોન કરીને કહે છે કે હું સારી એક્ટિંગ કરું છું પણ તેમને કેવી રીતે કહેવું કે હું આ જ ક્ષમતાથી છેલ્લા 15 વર્ષથી એક્ટિંગ કરી રહ્યો છું. કહેવાય છે ને કે, સમયથી
પહેલા અને નસીબથી વધુ કોઈને કશું નથી મળતું.”

નાયરાનું પાત્ર દિલની નજીક હોવા છતાં કેમ શિવાંગી જોષીએ શો છોડીને ‘આનંદી’ બનવાનું નક્કી કર્યું?

થોડા દિવસ પહેલા જ મીડિયામાં અહેવાલો વહેતા થયા હતા કે ગૌરવ ખન્નાનો ‘અનુપમા’ શોમાં કોન્ટ્રાક્ટ પૂરો થઈ ગયો છે. આ અફવાઓને નકારતાં ગૌરવે કહ્યું, “જ્યારે હું શો સાથે જોડાયો ત્યારે રાજન શાહી સરે મને કહ્યું હતું કે, મારું પાત્ર મહત્વનું છે છતાં કશું જ કાયમી નથી. શોના લીડ એક્ટરને ખબર હોય છે કે તેનું પાત્ર શોમાં લાંબા સમય સુધી રહેશે પરંતુ તમે શોમાં વચ્ચેથી આવો છે, જેમ હું આવ્યો ત્યારે કશું જ નક્કી નથી હોતું. જોકે, મારો કોન્ટ્રાક્ટ ત્રણ મહિનાનો જ હતો અને તે પૂરો થઈ ગયો છે એ વાત અફવા જ છે.”

ગૌરવે પોતાના એક્ટિંગ કરિયર અને ક્રિકેટના પ્રેમ વિશે વાત કરતાં આગળ કહ્યું, “કાનપુર જેવા નાના શહેરમાંથી આવીને મનોરંજન ઈન્ડસ્ટ્રીમાં નામ કમાવવું મોટી વાત છે. મહેનત કરીને આગળ વધવા સિવાય મારી પાસે બીજો કોઈ વિકલ્પ નહોતો. ‘અનુપમા’ સીરિયલ મારા માટે ગેમ ચેન્જર સાબિત થઈ છે. છેલ્લી ઓવરમાં છેલ્લા બૉલે સિક્સ મારવા જેવી આ સ્થિતિ છે. હું હંમેશા માનું છું કે સારા એક્ટર કે સારા ક્રિકેટરને જીવનમાં યોગ્ય સમય તેનું વળતર મળી જ રહે છે. એટલે કહી શકાય કે, આ રોલની હું છેલ્લા 15 વર્ષથી રાહ જોતો હતો. ‘અનુપમા’ દ્વારા મળેલી ઓળખ વિશે ટૂંકમાં કહું તો હું અત્યાર સુધી રણજી રમતો હતો અને મને જાણે આઈપીએલ મળી ગઈ છે.”

દીકરીની સંગીત સેરેમનીમાં ઢોલના તાલે ગરબે ઘુમ્યા ‘જેઠાલાલ’, મહેમાન સાથે મળીને ગીત ગાયું

મુંબઈ આવીને ગૌરવ ખન્ના પોતાના વતન કાનપુરનું શું સૌથી વધુ યાદ કરે છે? આ વિશે જણાવતાં એક્ટરે કહ્યું, “મને કાનપુરનો શિયાળો ખૂબ ગમે છે. જેના બે કારણ છે. એક મને આ સીઝનમાં સ્ટાઈલિશ જેકેટ પહેરવા મળે છે, જે મુંબઈમાં શક્ય નથી. બીજું મલાઈ-માખણ જે શિયાળા દરમિયાન અમે કાનપુરમાં ખાતા હતા.”

ઉલ્લેખનીય છે કે, અનુજ કપાડિયા અનુપમાનો કોલેજ ફ્રેન્ડ અને તેનો પ્રેમી છે. 26 વર્ષ સુધી અનુજે અનુપમાને એકતરફી પ્રેમ કર્યો છે પરંતુ હવે અનુપમા પણ તેની તરફ આકર્ષાઈ રહી છે. અનુજ અને અનુપમાની કેમેસ્ટ્રી દર્શકોને પસંદ આવી રહી છે. અનુપમાના રોલમાં એક્ટ્રેસ રૂપાલી ગાંગુલી જોવા મળે છે.



Source link

What’s your Reaction?
+1
0
+1
0
+1
0
+1
0
+1
0
+1
0
+1
0

LEAVE A REPLY

Please enter your comment!
Please enter your name here