covid 19 vaccination: જૂનાગઢ જિલ્લામાં 100% રસીકરણ થયું, અંતરિયાળ વિસ્તારમાં ઘરે-ઘરે જઈને અપાઈ રસી – junagadh district is the first in the gujarat to achieve 100 percent covid 19 vaccination

0


હાઈલાઈટ્સ:

  • કોવિડ વેક્સિનેશન પ્રક્રિયાના દરેક રાઉન્ડમાં કુલ મળીને 10,75,622 ડોઝ આપ્યા
  • આરોગ્ય વિભાગની ટીમોએ અંતરિયાળ વિસ્તારોની રૂબરૂ મુલાકાત લીધી હતી
  • અન્ય રાજ્યોમાંથી મજૂરીકામ કરવા આવેલા શ્રમિકોને પણ અપાયો રસીનો ડોઝ

રાજકોટઃ જૂનાગઢનો મોટો હિસ્સો એટલે કે 30 ટકા જેટલો વિસ્તાર જંગલમાં આવેલો હોવા છતાં પણ આ રાજ્યનો પ્રથમ જિલ્લો છે જ્યાં 100 ટકા રસીકરણ થયું છે.

તમામ અવરોધોનો પાર કરીને, જિલ્લા આરોગ્યની ટીમો લોકોના ઘર સુધી પહોંચી હતી અને કોવિડ વેક્સિનેશન પ્રક્રિયાના દરેક રાઉન્ડમાં કુલ મળીને 10,75,622 ડોઝ આપ્યા હતા. તેમણે 10,47,502 ડોઝનો લક્ષ્યાંક રાખ્યો હતો, જે 287 સાઈટ પર આપવામાં આવ્યો હતો

ઓમિક્રોનના ભય વચ્ચે વધુ સાવચેત થયા ગુજરાતીઓ, માસ્કના વેચાણમાં ત્રણ ગણો વધારો
જિલ્લા અધિકારીઓએ તેમની ટીમના સભ્યોની દ્રઢતાના વખાણ કર્યા હતા, જેમણે આ લક્ષ્યાંકને શક્ય બનાવવા માટે ફોલો અપ્સ અને જાગૃતિ અભિયાન સાથે સતત દબાણ જાળવી રાખ્યું હતું. ધાર્મિક આગેવાનો અને ચૂંટાયેલા પ્રિતિનિધિઓની પણ મદદ લેવામાં આવી હતી. જેથી, લોકોને સમયસર તેમની રસી લેવા માટે સમજાવવામાં આવે.

જૂનાગઢના જિલ્લા કલેક્ટર રચિત રાજે જણાવ્યું હતું કે, ‘તે સામૂહિક પ્રયાસોનું પરિણામ છે, પરંતુ આશા વર્કર્સ અને મહિલા આરોગ્ય કર્મચારીોનો ખાસ ઉલ્લેખ કરવો જરૂરી છે, જેમણે મુખ્ય ભૂમિકા ભજવી હતી. અમે અમારા પડકારોને તકમાં બદલવા માગતા હતા. હુ પોતે ગિરનાર પર્વત પર ગયો હતો અને ત્યાંના મુખ્ય ધર્મગુરુને રસી લેવા માટે સમજાવ્યા હતા, જે બાદ તેમણે અન્ય લોકોને તેમને અનુસરવાની અપીલ કરી હતી’.

દોઢ વર્ષથી રાહ જોતાં વિદ્યાર્થીઓ માટે રાહત, 15 ડિસેમ્બરથી અભ્યાસ માટે ઓસ્ટ્રેલિયા જઈ શકશે
મેડિકલ અધિકારીઓને પ્રાથમિક આરોગ્ય કેન્દ્રો (પીએચસી)ની પ્રક્રિયા પર દેખરેખ રાખવા માટેની જવાબદારી સોંપવામાં આવી હતી. તાલુકાઓને પીએસીમાં વિભાજિત કરવામાં આવ્યા હતા અને લક્ષ્ય હાંસલ કરવા માટે સમયમર્યાદા આપવામાં આવી હતી.

જૂનાગઢ એક કૃષિપ્રધાન જિલ્લો છે અને મોટાભાગના લોકો ગામડાઓથી દૂર તેમના ખેતરોમાં રહે છે. જિલ્લામાં મોટાભાગના વિસ્તારોને જંગલો હેઠળ આવરી લેવામાં આવ્યા છે, જ્યાં પ્રાથમિક સારવાર કેન્દ્રો નથી. આરોગ્ય વિભાગની ટીમોએ આવા અંતરિયાળ વિસ્તારોની રૂબરૂ મુલાકાત લીધી હતી અને જ્યારે પણ જરૂર પડી ત્યારે સ્થાનિક પંચાયત અને પોલીસ વિભાગની મદદથી રાતે સેશન ગોઠવ્યા હતા અને રાતે પણ રસીકરણ ચાલુ રાખ્યું હતું. આરોગ્યની ટીમે લોકોને ઘરઆંગણે રસી આપવા માટે કુલ 2.22 લાખ ઘરોની મુલાકાત લીધી હતી. તેમણે પરપ્રાંતિય મજૂરોને પણ રસી આપી હતી, જેમણે અન્ય જિલ્લામાંથી પહેલો ડોઝ લીધો હતો.



Source link

What’s your Reaction?
+1
0
+1
0
+1
0
+1
0
+1
0
+1
0
+1
0

LEAVE A REPLY

Please enter your comment!
Please enter your name here