Shivangi joshi: નાયરાનું પાત્ર દિલની નજીક હોવા છતાં કેમ શિવાંગી જોષીએ શો છોડીને ‘આનંદી’ બનવાનું નક્કી કર્યું? – shivangi joshi talks about accepting balika vadhu 2 right after quitting yeh rishta kya kehlata hain

0


હાઈલાઈટ્સ:

  • નાયરા અને કાયરાની વાર્તા હંમેશા મારી નજીક રહેશે અને તેમને ક્યારેય ભૂલીશ નહીં: શિવાંગી.
  • શિવાંગી જોષીને સારી વાર્તા હોય તો કોઈપણ માધ્યમમાં કામ કરવામાં વાંધો નથી.
  • નાયરાને પ્રેમ મળ્યો તેવો લોકો આનંદીને પણ આપશે તેવો શિવાંગીને વિશ્વાસ છે.

શિવાંગી જોષી હાલ સીરિયલ ‘બાલિકા વધૂ 2’માં આનંદીના રોલમાં જોવા મળે છે. ‘યે રિશ્તા ક્યા કહેલાતા હૈ’ સીરિયલ છોડ્યા પછી તરત જ શિવાંગીએ આનંદીનો રોલ સ્વીકારી લીધો હતો. ત્યારે અમારા સહયોગી ઈટાઈમ્સ ટીવી સાથેની એક્સક્લુઝિવ વાતચીતમાં તેણે આ પાછળનું કારણ જણાવ્યું છે.

દીકરીની સંગીત સેરેમનીમાં ઢોલના તાલે ગરબે ઘુમ્યા ‘જેઠાલાલ’, મહેમાન સાથે મળીને ગીત ગાયું

પાંચ વર્ષ સુધી ‘યે રિશ્તા ક્યા કહેલાતા હૈ’માં નાયરાનો રોલ કરનારી શિવાંગીનું કહેવું છે કે તે આ પાત્રને આજીવન યાદ રાખશે. નાયરાને દિલમાં રાખીને તે ‘બાલિકા વધૂ 2’ તરફ આગળ વધી છે. શિવાંગીએ કહ્યું, “હું ક્યારેય નાયરાના પાત્રને નહીં ભૂલું. આ રોલ મારા દિલની ખૂબ નજીક છે અને હંમેશા રહેશે. નાયરા અને કાયરાની વાર્તા હંમેશા મારી નજીક રહેશે અને તેમને ક્યારેય ભૂલીશ નહીં. જ્યાં સુધી આનંદીના રોલની વાત છે તો એક એક્ટર તરીકે હું નવા-નવા રોલ કરવા માગુ છું. હું જીવનમાં પ્રગતિ કરવા ઈચ્છું છું. લોકોએ મને નાયરા તરીકે પ્રેમ આપ્યો હતો અને હવે હું આનંદીનો રોલ કરી રહી છું ત્યારે મને વિશ્વાસ છે કે મારા શુભેચ્છકો પ્રેમ આપશે. નાયરા મારા દિલની નજીક છે અને ‘બાલિકા વધૂ 2’ દ્વારા હું જીવનમાં આગળ વધી રહી છું.”

‘બાલિકા વધૂ 2’ માટે હા કેમ પાડી તે વિશે વાત કરતાં શિવાંગીએ કહ્યું, “જે ક્ષણે શોના મેકર્સે મને વાર્તા કીધી ત્યારે જ મને ગમી ગઈ ગતી. શો માટે હા પાડવાનું આ મહત્વનું કારણ છે. આ શો દ્વારા મજબૂત મેસેજ પણ મળે છે. જ્યારે મેં સીરિયલની વાર્તા સાંભળી ત્યારે મનમાં પોઝિટિવ લાગણી આવી હતી. મને અંદરથી થતું હતું કે આ શોને હા પાડીને મેં સાચો નિર્ણય કર્યો છે.”

શિવાંગીનું કહેવું છે કે, તેને સારી વાર્તા આકર્ષ છે પછી માધ્યમ ગમે તે કેમ ના હોય. “હું સારા પ્રોજેક્ટ કરવા માગુ છું અને તેમાં માધ્યમનું કોઈ બંધન નથી. ટેલિવિઝન, ફિલ્મો અને ઓટીટીનો અલગ-અલગ દર્શક વર્ગ છે. કોઈપણ માધ્યમ નાનું કે મોટું હોય તેવું હું નથી માનતી. દરેક વ્યક્તિ જીવનમાં આગળ વધવા માગે છે અને એટલે જ તેઓ ફિલ્મો કરવા માટે પ્રેરાય છે. મારી વાત કરું તો મેં સારા પ્રોજેક્ટ માટે દરવાજા ખુલ્લા રાખ્યા છે અને તેમાં માધ્યમથી કોઈ ફરક નથી પડતો”, તેમ એક્ટ્રેસે ઉમેર્યું.
સનીએ ‘પરજાઈ’ કેટરિનાનું કૌશલ પરિવારમાં કર્યું સ્વાગત, વિકી પરણી જતાં અનુષ્કા શર્માને કેમ થઈ શાંતિ?

કમ્ફર્ટ ઝોનની બહાર નીકળીને શિવાંગી ક્યારેય કામ કરશે? આ પ્રશ્નના જવાબમાં એક્ટ્રેસે કહ્યું, “મેં ક્યારે ઓટીટી પ્લેટફોર્મ પર શો કરવાનું વિચાર્યું નથી કારણકે હાલ મારી પાસે તેનો કોઈ પ્રોજેક્ટ નથી. જ્યારે મને જે-તે વિષય પર પ્રોજેક્ટ ઓફર થશે ત્યારે કમ્ફર્ટ લેવલની બહાર કેટલું જવું પડે છે તે જોઈશ. ચોક્કસથી મારા કેટલાક નિયમો હશે પરંતુ હાલ હું તેના વિશે નથી વિચારી રહી.”





Source link

What’s your Reaction?
+1
0
+1
0
+1
0
+1
0
+1
0
+1
0
+1
0

LEAVE A REPLY

Please enter your comment!
Please enter your name here