cds bipin rawat: FB પર CDS બિપિન રાવતના મૃત્યુ અંગે વિવાદાસ્પદ પોસ્ટ લખનારની ધરપકડ – amrelis shiva ahir arrested for controversial post on cds bipin rawat’s death on social media

0


હાઈલાઈટ્સ:

  • બુધવારે હેલિકોપ્ટર ક્રેશ દુર્ઘટનામાં CDS બિપિન રાવત સહિત 13 લોકોના મૃત્યુ થયા હતા
  • રાજુલાના ભેરાઈ ગામના શિવા આહિરે ફેસબુક પર વિવાદાસ્પદ પોસ્ટ મૂકતા વિવાદ સર્જાયો
  • અમદાવાદ સાયબર ક્રાઈમની ટીમે પોસ્ટ લખનાર શિવા આહિરને પકડી પૂછપરછ શરૂ કરી

અમદાવાદ: તમિલનાડુના કુન્નુરમાં હેલિકોપ્ટર ક્રેશ દુર્ઘટનામાં દેશના પ્રથમ CDS બિપિન રાવત અને તેમના પત્ની સહિત 13 લોકોના મૃત્યુ થતાં સમગ્ર દેશમાં શોકની લાગણી વ્યાપી ગઈ છે. ત્યારે અમરેલી જિલ્લાના રાજુલાના ભેરાઈ ગામના યુવક શિવા આહિરે ફેસબુક પર એક વિવાદાસ્પદ પોસ્ટ લખી હતી, જેની સાયબર ક્રાઈમને જાણ થતાં તાત્કાલિક પોસ્ટ હટાવી લેવાઈ હતી અને શિવા આહિર નામના યુવકને અમરેલીથી ઝડપી લીધો હતો.

રાજુલાના શિવા આહિરે અમદાવાદ સાયબર ક્રાઈમે ઝડપી લીધો
પ્રાપ્ત માહિતી અનુસાર એક તરફ સોશિયલ મીડિયા પર શહીદ બિપિન રાવત અને અન્ય શહીદોને શ્રદ્ધાંજલિ આપવામાં આવી રહી હતી ત્યારે આ વિવાદાસ્પદ પોસ્ટથી લોકોની લાગણી દુભાઈ હતી અને મોટો વિવાદ ઉભો થયો હતો. શિવા આહિરે લખેલા વિવાદાસ્પદ લખાણને કારણે અમદાવાદ સાયબર ક્રાઈમની ટીમે લખાણ દૂર કરીને શિવા આહિરને ઝડપીને આગળની કાર્યવાહી હાથ ધરવામાં આવી છે.

હેલિકોપ્ટર ક્રેશ દુર્ઘટનામાં CDS બિપિન રાવત સહિત 13નાં મૃત્યુ
ઉલ્લેખનીય છે કે, બુધવારે તમિલનાડુમાં કુન્નુરમાં ઈન્ડિયન એરફોર્સ (IAF)નું હેલિકોપ્ટર ક્રેશ થયું હતું, જેમાં CDS બિપિન રાવત અને તેમના પત્ની સહિત 13ના મૃત્યુ થયા હતા, જો કે, હજી એકની હોસ્પિટલમાં સારવાર ચાલી રહી હોવાનું જાણવા મળ્યું છે. CDS બિપિન રાવતના અકસ્માતને મૃત્યુને લઈને સમગ્ર દેશમાં શોકની લાગણી ફેલાઈ ગઈ છે. ગઈકાલે બિપિન રાવત સહિત દુર્ઘટનામાં શહીદ થયેલા તમામના પાર્થિવદેહ દિલ્હી લવાયા હતા જ્યાં વડાપ્રધાન નરેન્દ્ર મોદી અને રક્ષામંત્રી રાજનાથસિંહે શ્રદ્ધાંજલિ અર્પણ કરી હતી.



Source link

What’s your Reaction?
+1
0
+1
0
+1
0
+1
0
+1
0
+1
0
+1
0

LEAVE A REPLY

Please enter your comment!
Please enter your name here