tamilnadu helicopter crash video: તમિલનાડુ હેલિકોપ્ટર ક્રેશનો વિડીયો ઉતારનાર ફોટોગ્રાફરે જણાવ્યો આંખે દેખ્યો અહેવાલ – photographer who shot video of tamilnadu helicopter crash says eyewitness report

0


હાઈલાઈટ્સ:

  • તમિલનાડુ હેલિકોપ્ટર ક્રેશમાં ફોટોગ્રાફરે રેકોર્ડ કર્યો 19 સેકન્ડનો વિડીયો
  • ફોટોગ્રાફરે હેલિકોપ્ટર ક્રેશનો આંખે દેખ્યો અહેવાલ જણાવ્યો
  • અચાનક હેલિકોપ્ટર ધુમ્મસમાં ગાયબ થઈ ગયું અને બાદમાં પ્રચંડ ધડાકો સંભળાયો

8 નવેમ્બર બુધવારના રોજ તમિલનાડુના નિલગીરી જિલ્લાના કુન્નુરમાં હેલિકોપ્ટર ક્રેશમાં ભારતે પ્રથમ ચીફ ઓફ ડિફેન્સ સ્ટાફ જનરલ બિપિન રાવતને ગુમાવી દીધા. આ ઉપરાંત બિપિન રાવતનાં પત્ની સહિત અન્ય 12 લોકોનાં પણ દુઃખદ નિધન થયા હતા. બુધવારે હેલિકોપ્ટર ક્રેશ પહેલાંના ઠીક અગાઉ 52 વર્ષીય ફોટોગ્રાફર વાય. જો એ હેલિકોપ્ટ ક્રેશનો વિડીયો પોતાના કેમેરામાં કેદ કરી લીધો હતો. તેમણે જણાવ્યું કે, ખરાબ હવામાન અને નબળી વિઝિબિલિટીને કારણે આ દુર્ઘટના સર્જાઈ હોઈ શકે છે.

વાય. જો તમિલનાડુના કોઈમ્બતુરના રમનથાપુરનથી ફોટોગ્રાફર છે. અને શુક્રવારની સવારે તેઓએ તેઓ પોતાના મિત્ર 52 વર્ષીય એચ. નઝાર સાથે પોલીસ કમિશનરની મુલાકાત કરી હતી. તેઓએ જણાવ્યું કે, કુન્નુર પાસે કટ્ટેરી વિસ્તારમાં તેઓ તસવીરો ખેંચવા માટે પહોંચ્યા હતા. જોએ ત્યાં હેલિકોપ્ટર પસાર થતાં જોયું અને તેણે પોતાના મોબાઈલમાં તેનો વિડીયો ઉતારવાનો શરૂ કરી દીધો હતો.

iaf chopper crash

જોનો મિત્ર નઝાર કોઈમ્બતુરના કરુમ્બુકડાઈ વિસ્તારના રહેવાસી છે, અને ગાંધીપુરમમાં પ્રિન્ટિંગ પ્રેસ ચલાવે છે. બુધવારે તેઓ પોતાના પરિવાર સાથે ઊટીની ટ્રિપ પર ગયા હતા. અને આ સમયે જો પણ તેમની સાથે જોડાયો હતો. જોએ જણાવ્યું કે, બપોરે 12.15 વાગ્યાની આસપાસ તેઓ કટ્ટેરી પાસે માઉન્ટેન ટ્રેન ટ્રેકની પાસે પહોંચ્યા હતા, જ્યાં પરિવારના સભ્યો ફોટો અને વિડીયો ઉતારી રહ્યા હતા. આ સમયે મેં હેલિકોપ્ટરનો અવાજ સાંભળ્યો અને તરત જ વિડીયો રેકોર્ડ કરવા લાગ્યો. તે 19 સમયનો વિડીયો છે. હેલિકોપ્ટર અચાનક ધુમ્મસમાં ખોવાઈ ગયું હતું. પણ થોડી જ સેકન્ડમાં અમને એક પ્રચંડ ધડાકો સંભળાયો હતો અને અમને લાગ્યું કે, હેલિકોપ્ટર ક્રેશ થઈ ગયું છે.
બિપિન રાવતને 17 તોપોની સલામી સાથે અંતિમ વિદાય, દીકરીઓએ આપી મુખાગ્નિ
નઝારે જણાવ્યું કે, સમગ્ર વિસ્તારમાં ધુમ્મસથી ઢંકાયેલો હતો, અને હેલિકોપ્ટર ધુમ્મસમાં ગાયબ થઈ ગયું હતું. અમે જોરદાર ધડાકો સાંભળ્યો હતો. હેલિકોપ્ટર ક્રેશ ઈન્વેસ્ટિગેશનમાં અમારો વિડીયો એ મુખ્ય પુરાવામાંનો એક છે. આ ઉપરાંત હેલિકોપ્ટર ક્રેશ થયા બાદ તેઓ પહાડ ઉપર ચઢ્યા હતા. જો કે, ત્યાં સુધી પોલીસ ઘટનાસ્થળે પહોંચી ગઈ હતી અને તેઓને આગળ જતાં અટકાવી દીધા હતા.

ફોટોગ્રાફર જોએ જણાવ્યું કે, ઊટી પહોંચ્યા બાદ આ મામલે અમે જિલ્લા કલેક્ટર કચેરી અને એસપી ઓફિસમાં અધિકારીઓનો સંપર્ક કરવાનો પ્રયાસ કર્યો હતો. પણ અમે આ સંદેશો તેમને સમજાવવામાં અસફળ રહ્યા હતા. જે બાદ અમે બંને ઘટનાસ્થળે પરત ફર્યાં હતા, અને ત્યાં ઉપસ્થિત અધિકારીઓને અમે આ સમગ્ર વિડીયો અંગે વાત કરી હતી.

17 તોપોની સલામી સાથે જનરલ બિપિન રાવતના અંતિમ સંસ્કાર



Source link

What’s your Reaction?
+1
0
+1
0
+1
0
+1
0
+1
0
+1
0
+1
0

LEAVE A REPLY

Please enter your comment!
Please enter your name here