groom suicide after first night: હાથની મહેંદી સુકાઈ ન હતી ત્યાં નવોઢા બની ગઈ વિધવા, સુહાગરાત બાદ પતિએ કર્યો આપઘાત – newly wed groom ends life after first night in kolkata

0


હાઈલાઈટ્સ:

  • સુહાગરાત બાદ સવારે પતિએ ગળેફાંસો ખાઈ આપઘાત કર્યો
  • સવારે પત્નીને ઉઠાડી પતિએ તેને સ્નાન કરવા મોકલી દીધી
  • પત્ની અડધો કલાક બાદ પરત ફરી ત્યાં સુધી પતિએ જીવન ટૂંકાવી દીધું

લગ્નને માંડ 24 કલાક પણ થયા ન હતા, હાથની મહેંદી હજુ પણ સુકાઈ ન હતી, નવા-નવા લગ્નનો ઉત્સાહ નવોઢાના મનમાં ઉત્સાહ હજુ ઓસર્યો પણ ન હતો, ત્યાં જ પતિએ આપઘાત કરીને જીવન ટૂંકાવી દેતાં નવોઢા ચોંધાર આંસુએ રડી રહી છે. સુહાગરાત મનાવ્યા બાદ સવારે જ્યારે નવોઢા સ્નાન કરીને રૂમમાં પરત ફરી તો પતિએ ગળેફાંસો ખાઈ આપઘાત કરી દીધો હતો. અને આ રીતે સંસાર શરૂ થતાં પહેલાં જ ઉજડી ગયો હતો. હવે નવોઢાને એ વાત સમજ આવી રહી નથી કે, આખરે પતિએ આપઘાત કેમ કર્યો. જો કે, આ મામલે પોલીસે ગુનો નોંધીને તપાસ શરૂ કરી છે. બીજી બાજુ આ ઘટનાથી યુવક અને યુવતીના પરિવારમાં સન્નાટો પ્રસરી ગયો છે.

આ ઘટના પશ્ચિમ બંગાળના કોલકાતાના બી ગાર્ડનના શાલીમાર વિસ્તારની છે. અહીં રહેતાં 24 વર્ષીય આદર્શ સાવના લગ્ન 7 ડિસેમ્બરના રોજ બેરકપુરની રહેવાસી યુવતી સાથે થયા હતા. યુવક અને યુવતીની મરજીથી આ લગ્ન થયા હતા. લગ્ન અગાઉ બંને જણા છ મહિનાથી એકબીજાના સંપર્કમાં હતા અને દરરોજ ફોન પર વાત કરતાં હતા. બંને લગ્નને લઈને ભારે રોમાંચ અનુભવતા હતા. 7 ડિસેમ્બરે લગ્ન કર્યાં બાદ આઠ ડિસેમ્બરે દુલ્હન સાસરીમાં આવી હતી.

સાસરીમાં પહોંચ્યા બાદ ગુરુવારના રોજ યુવક અને યુવતીએ સુહાગરાત મનાવી હતી. શુક્રવારની સવારે ઊંઘમાંથી ઉઠતાંની સાથે જ યુવકે નવોઢાને સ્નાન કરવા માટે મોકલી દીધી હતી. જે બાદ યુવતી અડધો કલાક બાદ સ્નાન કરીને રૂમમાં પરત ફરી હતી. પણ રૂમમાં પગ મૂકતાંની સાથે જ તેણે જે દ્રશ્યો જોયાં તે જોઈને નવોઢાં ભારે આઘાતમાં ગરકાવ થઈ ગઈ હતી. પતિએ ગળેફાંસો ખાઈને જીવન ટૂંકાવી દીધું હતું.

પતિએ આ રીતે આપઘાત કરી લેતાં નવોઢાએ બૂમરાણ મચાવી દીધી હતી. જેથી પરિવારજનો દોડી આવ્યા હતા. અને તાત્કાલિક યુવકને હોસ્પિટલ લઈને પહોંચ્યા હતા. પણ ફરજ પરનાં ડોક્ટરોએ તેને મૃત જાહેર કર્યો હતો. દુલ્હને કહ્યું કે, શુક્રવારની સવારે તેઓએ મને નહાવા મોકલી દીધી અને અડધો કલાક બાદ પરત આવી તો તેઓએ ગળેફાંસો ખાઈ લીધો હતો. મને સમજમાં આવી રહ્યું નથી કે મારી દુનિયા વસે તે પહેલાં જ કેમ ઉજડી ગઈ.

સમગ્ર ઘટનાની જાણ પોલીસને થતાં પોલીસ પણ ચોંકી ઉઠી હતી. આ મામલે પોલીસે ગુનો નોંધીને તપાસનો ધમધમાટ શરૂ કર્યો છે. સાથે જ યુવકની લાશનું પોસ્ટમાર્ટમ કરીને મૃતદેહ અંતિમ સંસ્કાર માટે પરિવારને પરત સોંપાયો હતો. પોલીસે આ મામલે પરિવારની સાથે-સાથે પાડોશીઓ અને સંબંધીઓની પૂછપરછ શરૂ કરી છે.



Source link

What’s your Reaction?
+1
0
+1
0
+1
0
+1
0
+1
0
+1
0
+1
0

LEAVE A REPLY

Please enter your comment!
Please enter your name here