next cds of india: બિપિન રાવત બાદ આગામી CDS કેવી રીતે નક્કી કરાશે? કોણ-કોણ રેસમાં સામેલ? – how will the next cds be decided after bipin rawat? who is involved in the race?

0


હાઈલાઈટ્સ:

  • હેલિકોપ્ટર ક્રેશમાં ભારતે ગુમાવ્યા પ્રથમ સીડીએસ બિપિન રાવત
  • બિપિન રાવના સ્થાને ભારતના આગામી સીડીએસ કેવી રીતે નક્કી કરવામાં આવશે?
  • આગામી સીડીએસ તરીકે સેનાપ્રમુખ એમ.એમ.નરવણેનું નામ રેસમાં સૌથી ટોપ પર

બુધવારે તમિલનાડુ હેલિકોપ્ટર ક્રેશમાં જીવ ગુમાવ્યા બાદ આજે દેશના પ્રથમ સીડીએસ જનરલ બિપિન રાવતને સમગ્ર દેશે ભાવભીની શ્રદ્ધાંજલિ આપી હતી અને બાદમાં તેઓની દીકરીએ મુખાગ્નિ આપીને અંતિમ સંસ્કાર કર્યાં હતા. પણ હવે બિપિન રાવત બાદ તેમનું સ્થાન કોને સોંપવામાં આવશે તેને લઈને સવાલો ઉભા થઈ રહ્યા છે. સરકાર ટૂંક સમયમાં સીડીએસની નિયુક્તિની પ્રક્રિયા શરૂ કરશે. આ પદ માટેની રેસમાં સૌથી આગળ સેનાપ્રમુખ એમ.એમ.નરવણે છે. જો કે, આ મામલે અંતિમ નિર્ણય સરકારનો હશે.

કેવી રીતે CDSની પસંદગી કરવામાં આવશે?

સેનાના રિટાયર્ડ કમાન્ડરોનું કહેવું છે કે, જનરલ નરવણેને આ પદ માટે નિયુક્ત કરવા વિવેકપુર્ણ પગલું હશે. કારણ કે, તેઓ પાંચ મહિનાની અંદર સેનાપ્રમુખ પદથી રિટાયર થવાના છે. પણ આખરે સવાલ એ છે કે, સીડીએસની પસંદગી કેવી રીતે કરવામાં આવે છે. તો જણાવી દઈએ કે, એક્સપર્ટના જણાવ્યા અનુસાર, સરકાર આ માટે સેના, નૌસેના અને વાયુસેનાના સીનિયર કમાન્ડરોની એક સમિતિ બનાવવામાં આવશે.

બિપિન રાવતને 17 તોપોની સલામી સાથે અંતિમ વિદાય, દીકરીઓએ આપી મુખાગ્નિ

કેબિનેટની નિયુક્તિ સમિતિ અંતિમ નામ પર નિર્ણય કરશે

ત્રણેય સેનાઓને આગામી બે-ત્રણ દિવસમાં મળનાર મંજૂરી બાદ સમિતિને અંતિમ ઓપ અપાશે. પછી તેને મંજૂરી માટે રક્ષા મંત્રી રાજનાથ સિંહને મોકલવામાં આવશે. રક્ષા મંત્રી પાસેથી મંજૂરી મળ્યા બાદ નામો પર વિચાર માટે તેઓને કેબિનેટની નિયુક્તિ સમિતિની પાસે મોકલવામાં આવશે, જે ભારતના આગામી સીડીએસના નામ પર અંતિમ નિર્ણય લેશે.

ચીફ ઓફ ઈન્ટિગ્રેટેડ ડિફેન્સ સ્ટાફથી લઈને ચીફ્સ ઓફ સ્ટાફ કમિટીના અધ્યક્ષ સીડીએસ પદ માટે સંભવિત ઉમેદવારોની સમિતિ નક્કી કરવાની પ્રક્રિયામાં સામેલ હશે. સરકાર સીડીએસની નિયુક્તિ માટે એ જ પ્રોટોકોલનું પાલન કરશે, જે ત્રણેય સેનાઓના પ્રમુખોની નિયુક્તિ માટે નક્કી કરવામાં આવ્યા છે. સીડીએસ ચીફ્સ ઓફ સ્ટાફ કમિટીના અધ્યક્ષ હોય છે, જેમાં ત્રણેય સેનાઓના પ્રમુખ સામેલ હોય છે.
આર્મી યુનિફોર્મમાં માસુમ, વ્હીલચેરમાં ‘ફૌજી’.. CDS રાવતને દેશ આપી રહ્યો છે અંતિમ વિદાય
સીડીએસની રેસમાં કોણ-કોણ સામેલ?

સમજવામાં આવે છે કે જનરલ નરવણેના પ્રદર્શન તેમજ પૂર્વ લદ્દાખના મુદ્દાને તેઓએ જે રીતે સંભાળ્યો છે, તેને જોતાં આ પદ માટે તેઓની નિયુક્તિ પાક્કી માનવામાં આવી રહી છે. આ ઉપરાંત તે ત્રણેય સેના પ્રમુખોમાં સૌથી સીનિયર છે. બીજી બાજુ ભારતીય વાયુસેનાના પ્રમુખ એર ચીફ માર્શલ વી.આર.ચૌધરી અને નૌસેના પ્રમુખ એડમિરલ આર.હરિ કુમારે 30 સપ્ટેમ્બર અને 30 નવેમ્બરના રોજ પદભાર ગ્રહણ કર્યો હતો. જો કે, આ રેસમાં એર માર્શલ બીઆર કૃષ્ણાનું નામ પણ ચર્ચાઈ રહ્યું છે. જો કે, અહીં એ વાત સમજવી રહી છે, બિપિન રાવત ભારતના પ્રથમ સીડીએસ હતા. એટલે કે તેમના ઉત્તરાધિકારીનો કોઈ ઈતિહાસ નથી. એટલે આગામી સીડીએસ સરકાર જ નક્કી કરશે અને એકાદ અઠવાડિયામાં સરકાર દ્વારા નવા સીડીએસની જાહેરાત કરી દેવામાં આવશે તેવું માનવામાં આવી રહ્યું છે.



Source link

What’s your Reaction?
+1
0
+1
0
+1
0
+1
0
+1
0
+1
0
+1
0

LEAVE A REPLY

Please enter your comment!
Please enter your name here