pm modi on cryptocurrency: પીએમ મોદીએ ક્રિપ્ટોકરન્સી પર દુનિયાના દેશોને એક જેવા નિયમ બનાવવા કરી અપીલ – pm modi appeal to form global rules for cryptocurrency and social media

0


હાઈલાઈટ્સ:

  • અમેરિકાના પ્રેસિડન્ટ જો બાઈડનની યજમાનીમા લોકશાહી સંમેલન યોજાયું હતું.
  • આ સંમેલનને ડિજટલ માધ્યમથી સંબોધતા પીએમ મોદીએ ક્રિપ્ટોકરન્સી અને સોશ્યલ મીડિયા અંગે વાત કરી.
  • તેમણે લોકાશાહીના મહત્વ અંગે વૈશ્વિક દેશોને માહિતગાર કર્યા.

નવી દિલ્હી: વડાપ્રધાન નરેન્દ્ર મોદીએ શુક્રવારે સોશ્યલ મીડિયા અને ક્રિપ્ટોકરન્સી જેવી ઉભરતી ટેકનોલોજી માટે વૈશ્વિક નિયમો બનાવવાને લઈને સંયુક્ત પ્રયાસો કરવાની અપીલ કરી. તેમણે ઈચ્છા વ્યક્ત કરી કે, તેનો ઉપયોગ લોકશાહીને નબળી બનાવવાને બદલે તેને મજબૂત કરવા માટે થાય. અમેરિકાના પ્રેસિડન્ટ જો બાઈડનની યજમાનીમાં યોજાયેલા લોકશાહી સંમેલનને ડિજિટલ માધ્યમથી સંબોધતા મોદીએ કહ્યું કે, સ્વતંત્ર તેમજ નિષ્પક્ષ ચૂંટણી કરાવવાના પોતાના અનુભવ વહેંચવામાં ભારતને ખુશી થશે.

તેમણે એમ પણ કહ્યું કે, ‘લોકશાહી માત્ર જનતાની, જનતા દ્વારા, જનતા માટે જ નથી, પરંતુ જનતા સાથે, જનતામાં સમાહિત પણ છે.’ વડાપ્રધાને કહ્યું કે, ‘બહુ પક્ષીય ચૂંટણી, સ્વતંત્ર ન્યાયપાલિકા અને સ્વતંત્ર મીડિયા જેવી સંચરચનાત્મક વિશેષતાઓ લોકશાહીના મહત્વપૂર્ણ તત્વ છે.’

એક વર્ષમાં 15,000 ટકા વધી ચૂકી છે આ ક્રિપ્ટોકરન્સી, હજુ પણ બચ્યો છે દમ!

પીએમ મોદીએ કહ્યું કે, ‘જોકે, લોકશાહીની માળખાગત મજબૂતી આપણા નાગરિકો અને સમાજમાં નિહિત ભાવના અને સિદ્ધાંતો છે.’

પીએમએ પોતાના સંબંધોનની શરૂઆત કરતા કહ્યું કે, તેઓ સંમેલનમાં વિશ્વના સૌથી મોટી લોકશાહીનું પ્રતિનિધિત્વ કરી ગૌરવશાળી અનુભવ કરી રહ્યા છે. તેમણે કહ્યું કે, ‘લોકશાહી ભાવના અમારા સંસ્કૃતિના સિદ્ધાંતો’ તેમણે કહ્યું કે, સદીઓનું કોલોનિયલ શાસન ભારતના લોકોની લોકશાહી ભાવનાને દબાવી શકશે નહીં.
બિટકોઈનની વાત છૂપાવશો તો ભરવો પડશે 20 કરોડ રૂપિયા દંડ!
મોદીએ કહ્યું કે, ‘તેને ભારતની આઝાદીની સાથે ફરીથી પૂર્ણ અભિવ્યક્તિ મળી અને તેને છેલ્લા 75 વર્ષોમાં લોકશાહી રાષ્ટ્ર નિર્માણી એક અસાધારણ ગાથા રચી. તે બધા ક્ષેત્રોમાં અભૂતપૂર્વ સામાજિક-આર્થિક સમાવેશની એક ગાથા છે. તે અકલ્પનીય પ્રમાણમાં સ્વાસ્થ્ય, શિક્ષણ અને માનવ કલ્યાણમાં નિરંતર પ્રગતિની ગાથા છે.’

વડાપ્રધાને કહ્યું કે, ‘ભારતની ગાથા વિશ્વને એક સંદેશ છે કે, લોકશાહી સફળ થઈ શકે છે, લોકશાહી સફળ રહી છે અને લોકશાહી સફળતાપૂર્વક કામ કરતી રહેશે.’

17 તોપોની સલામી સાથે જનરલ બિપિન રાવતના અંતિમ સંસ્કાર



Source link

What’s your Reaction?
+1
0
+1
0
+1
0
+1
0
+1
0
+1
0
+1
0

LEAVE A REPLY

Please enter your comment!
Please enter your name here