dwarka khambhaliya highway: દ્વારકા-ખંભાળિયા હાઈવે પર બે કાર વચ્ચે સર્જાયો અકસ્માત, 4નાં મોત – incident of accident reporting at dwarka khambhaliya highway four person died

0


હાઈલાઈટ્સ:

  • દેવભૂમિ દ્વારકા જિલ્લાના દ્વારકા-ખંભાળિયા વચ્ચે હાઈવે પર આજે સાંજે 2 કાર વચ્ચે ગમખ્વાર અકસ્માત સર્જાયો હતો.
  • અકસ્માતની આ ઘટનામાં કારમાં સવાર 4 લોકોના ઘટનાસ્થળે જ મોત નીપજ્યા હતા.
  • પ્રાથમિક તપાસમાં તમામ મૃતકો અમદાવાદના રહેવાસી હોવાનું જાણવા મળ્યું છે.

ગુજરાતના દેવભૂમિ દ્વારકા જિલ્લાના દ્વારકા-ખંભાળિયા હાઈવે પર બે કાર વચ્ચે ભયંકર અકસ્માત સર્જાતા 4 લોકોના ઘટનાસ્થળ પર જ મોત નીપજ્યા છે. જ્યારે બે લોકો ઈજાગ્રસ્ત થયા છે. મળતી માહિતી મુજબ, દેવભૂમિ દ્વારકા જિલ્લાના દ્વારકા-ખંભાળિયા વચ્ચે હાઈવે પર આજે સાંજે 2 કાર વચ્ચે ગમખ્વાર અકસ્માત સર્જાયો હતો. અકસ્માતની આ ઘટનામાં કારમાં સવાર 4 લોકોના ઘટનાસ્થળે જ મોત નીપજ્યા હતા. એક ન્યૂઝ વેબસાઈટના જણાવ્યા મુજબ, પ્રાથમિક તપાસમાં તમામ મૃતકો અમદાવાદના રહેવાસી હોવાનું જાણવા મળ્યું છે. અકસ્માતની આ ઘટનામાં એક બાળક સહિત બે લોકોને ઈજા પહોંચતા તેઓ બંનેને સારવાર માટે દ્વારકાની હોસ્પિટલમાં ખસેડવામાં આવ્યા છે. દેવભૂમિ દ્વારકા પોલીસ દ્વારા આ મામલે વધુ તપાસ હાથ ધરવામા આવી છે.

કોરોના: ગુજરાતમાં નવા 63 કેસ, 24 કલાકમાં 3 દર્દીના મોત

વધુ મળતી માહિતી મુજબ, અમદાવાદનો એક પરિવાર દ્વારકા જગત મંદિરે દર્શન કરવા પોતાના ખાનગી વાહન દ્વારા આવ્યો હતો. તેઓ દ્વારકા જગતમંદિરમાં દર્શન કરીને પરત અમદાવાદ જઈ રહ્યા હતા ત્યારે દ્વારકાથી આશરે 30 કિલોમીટર દૂર તેઓને અકસ્માત નડ્યો હતો. આંબલિયા ચોકડી પાસે બે કાર વચ્ચે જોરદાર ટક્કર થતાં આ અકસ્માત સર્જાયો હતો. જેમાં એક કારમાં બેઠેલા ચાર લોકોનું ઘટનાસ્થળે જ મોત થયું હતું.

કઠલાલ-કપડવંજ રોડ પર ગમખ્વાર અકસ્માતમાં 5 યુવાનનાં મોત

કઠલાલના કપડવંજ રોડ પર પોરડા નજીક ગત મોડી રાત્રે ટેન્કર અને કાર વચ્ચેના અકસ્માતમાં 5ના મોત નીપજ્યા છે. અકસ્માતમાં મૃત્યુ પામનારા તમામ લોકો વિરમગામ અને લખતર તાલુકાના વતની હોવાનું જાણવા મળ્યું છે. કઠલાલ પોલીસે આ અંગે ગુનો નોંધી વધુ તપાસ હાથ ધરી દીધી છે. ટેન્કર અને સ્વિફ્ટ કાર વચ્ચે અકસ્માત થતાં કારનો કચ્ચરઘાણ વળી ગયો હતો. 4 વ્યક્તિના ઘટનાસ્થળે કરુણ મોત નીપજ્યા હતા, જ્યારે એક વ્યક્તિને સારવાર અર્થે 108 એમ્બ્યુલન્સ મારફત ખસેડાયો હતો, જેનું પણ ટૂંકી સારવાર દરમિયાન મૃત્યુ થયું હતું.



Source link

What’s your Reaction?
+1
0
+1
0
+1
0
+1
0
+1
0
+1
0
+1
0

LEAVE A REPLY

Please enter your comment!
Please enter your name here