omicron cases in india: મહારાષ્ટ્રમાં સાડા ત્રણ વર્ષનો બાળક ઓમિક્રોનથી સંક્રમિત, સરકારે માસ્કને લઈ આપી ચેતવણી – 3.5 year old child infected with omicron in maharashtra, govt warns of masks

0


હાઈલાઈટ્સ:

  • દેશમાં ઓમિક્રોન વેરિયન્ટનો કુલ આંક 32 પર પહોંચ્યો
  • મહારાષ્ટ્રમાં 3.5 વર્ષનો બાળક પર ઓમિક્રોનથી સંક્રમિત
  • કેન્દ્ર સરકારે માસ્કના ઉપયોગને લઈ લોકોને આપી ચેતવણી

દેશમાં કોરોનાના નવા વેરિયન્ટ ઓમિક્રોનનાં કેસોમાં સતત વધારો જોવા મળી રહ્યો છે. મહારાષ્ટ્રમાંથી ઓમિક્રોનના નવા 7 કેસો સામે આવ્યા છે, જેમાં 3 મુંબઈથી તો 4 કેસ પિંપરી ચિંચવાડથી મળ્યા છે. પિંપરી ચિંચવાડમાં એક સાડા ત્રણ વર્ષનો બાળક પણ ઓમિક્રોનથી સંક્રમિત થયો છે. મહારાષ્ટ્રના સ્વાસ્થ્ય વિભાગ અનુસાર મહારાષ્ટ્રમાં હવે ઓમિક્રોનના કેસોની સંખ્યા 17 થઈ ગઈ છે. જ્યારે શુક્વારે દેશભરમાં ઓમિક્રોનના વધુ 9 કેસ નોંધાયા હતા. આ સાથે દેશમાં હવે ઓમિક્રોન કેસોનો કુલ આંક 32 પર પહોંચ્યો છે. આ ઉપરાંત આજે કેન્દ્ર સરકાર દ્વારા લોકોને માસ્કને લઈને ચેતવણી આપવામાં આવી છે.

મહારાષ્ટ્રમાં આજે ઓમિક્રોનના 7 નવા કેસો મળ્યા

મહારાષ્ટ્રના સ્વાસ્થ્ય વિભાગ અનુસાર મુંબઈમાં મળેલ 3 દર્દીઓ તંઝાનિયા, બ્રિટેન અને દક્ષિણ આફ્રિકા-નૈરોબીથી આવેલા હતા અને તેઓની ઉંમર 48, 25 અને 37 વર્ષ છે, અને તમામ લોકો પુરુષ છે. આ ઉપરાંત પુણેના ચિંચવડમાંથી ચારમાંથી 3 દર્દીઓએ નાઈઝિરિયન મહિલાઓના સંપર્કમાં રહેલા હતા, જેમાં અગાઉ ઓમિક્રોન સંક્રમણની પુષ્ટિ કરવામાં આવી હતી. આજે મળેલ 7 નવા દર્દીઓમાંથી ચાર દર્દીઓએ રસીના બંને ડોઝ લીધા હતા, જ્યારે એક વ્યક્તિએ સિંગલ ડોઝ લીધો હતો. એક વ્યક્તિએ રસી લીધી ન હતી, જ્યારે સાડા ત્રણ વર્ષનો બાળક રસી લેવા માટે યોગ્યતાને પાત્ર નથી.

જામનગરમાં Omicronના વધુ બે કેસ નોંધાયા, દર્દીના પત્ની અને સાળો પોઝિટિવ

માસ્કને લઈને સરકારે આપી ચેતવણી

આ ઉપરાંત સરકારે દેશમાં માસ્કનો ઉપયોગ ઓછો થતાં ચિંતા વ્યક્ત કરી હતી અને કહ્યું હતું કે, અત્યારે આપણે અત્યંત ગંભીર લેવલ પર ચાલી રહ્યા છીએ. નીતિ આયોગના સભ્ય ડો. વી.કે. પોલે જણાવ્યું કે, દેશમાં માસ્કનો ઉપયોગ બીજી લહેરના અગાઉના લેવલ કરતાં પણ ઘટી ગયો છે. અને આ રીતે ફરી એકવાર આપણે ડેન્જર ઝોનમાં પ્રવેશી ચૂક્યા છીએ.

માસ્કનો ઉપયોગ ટાળવા અંગે તેઓએ કહ્યું કે, સુરક્ષાની ક્ષમતાની દ્રષ્ટિએ જોઈએ તો, આપણે અત્યારે નીચા લેવલ પર છીએ, ખુબ જ રિસ્કી અને અસ્વીકાર્ય લેવલ પર છીએ. આ ઉપરાંત પોલે જણાવ્યું કે, આપણે યાદ રાખવું જોઈએ કે વેક્સિન અને માસ્ક બંને ખુબ જ જરૂરી છે. આ ઉપરાંત પોલે જણાવ્યું કે, લોકોને વૈશ્વિક સ્થિતિમાંથી શિખવાની જરૂર છે.



Source link

What’s your Reaction?
+1
0
+1
0
+1
0
+1
0
+1
0
+1
0
+1
0

LEAVE A REPLY

Please enter your comment!
Please enter your name here