mla ashaben patel: ઉંઝાના ધારાસભ્ય આશાબેન પટેલની હાલત ગંભીર, ડેંગ્યુ થયા બાદ લીવર થયું ડેમેજ – mla ashaben patel’s condition serious, liver damage after dengue

0


હાઈલાઈટ્સ:

  • ડેંગ્યુ થયા બાદ લીવર ડેમેજ થતા ઊંઝાના ધારાસભ્ય આશાબેન પટેલની હાલત ગંભીર.
  • બે દિવસ ઊંઝાની હોસ્પિટલમાં સારવાર અપાયા બાદ અમદાવાદની ઝાયડસ હોસ્પિટલમાં એડમિટ કરાયા.
  • મળતી માહિતી મુજબ, તેમને હાલમાં વેન્ટિલેટર પર રાખવામાં આવ્યા છે.

અમદાવાદ: મહેસાણા જિલ્લાના ઉંઝાના ધારાસભ્ય આશાબેન પટેલને પણ ડેંગ્યુ થયા બાદ તેમનું લીવર ડેમેજ થયું હોવાનું જણાવાઈ રહ્યું છે. તેમને હાલ અમદાવાદની ઝાયડસ હોસ્પિટલમાં એડમિટ કરાયા હોવાનું અને વેન્ટિલેટર પર રાખવામાં આવ્યા હોવાનું જાણવા મળી રહ્યું છે. તેઓ દિલ્હીથી આવ્યા પછી ડેંગ્યુનો શિકાર બન્યા હતા.

કોરોના: ગુજરાતમાં નવા 63 કેસ, 24 કલાકમાં 3 દર્દીના મોત

આશાબેન પટેલ દિલ્હીથી પાછા આવ્યા પછી 7 તારીખે તેમને તાવ આવ્યો હતો. બાદમાં તેમને ડેંગ્યુ હોવાનું નિદાન થયું હતું. બે દિવસ ઉંઝાની હોસ્પિટલમાં સારવાર લઈ રહ્યા હતા. જ્યાં તેમની તબિયત વધુ બગડતાં શુક્રવારે તેમને અમદાવાદની ઝાયડસ હોસ્પિટલમાં લાવવામાં આવ્યા છે. ડેંગ્યુના કારણે તેમનું લીવર ડેમેજ થયું હોવાથી તેમની સ્થિતિ ગંભીર બનતાં હાલમાં તેમને વેન્ટિલેટર પર રાખવામાં આવ્યા હોવાનું જણાવાઈ રહ્યું છે.
ઉંઝાઃ વરિયાળીનું ભુસુ, ક્રીમ કલરના પાવડરથી નકલી જીરું બનાવતી ફેક્ટરી ઝડપાઈ
ઉલ્લેખનીય છે કે, આશાબેન પટેલ વર્ષ 2017ની વિધાનસભા ચૂંટણીમાં ઉંઝા બેઠક પરથી કોંગ્રેસની ટિકિટ પર ચૂંટાઈ આવ્યા હતા. પરંતુ લોકસભા ચૂંટણી પહેલા 2 ફેબ્રુઆરી, 2019ના રોજ તેમણે કોંગ્રેસમાંથી રાજીનામું આપી દીધું હતું અને તે પછી યોજાયેલી પેટા ચૂંટણીમાં તેઓ ભાજપની ટિકિટ પર ભારે રસાકસી પછી ચૂંટાઈ આવ્યા હતા. ભાજપે આશાબેનને ટિકિટ આપતાં માજી ધારાસભ્ય નારાયણભાઇ પટેલ સહિતમાં નારાજગી ઊભી થઇ હતી. જેને લઈન ભાજપ માટે આ બેઠક ચિંતાનો વિષય બની ગઈ હતી. તેમ છતાં તેમ ભારે ચઢાવ ઉતાર બાદ તેમનો વિજય થયો હતો.

ઉલ્લેખનીય છે કે, રાજ્યમાં ઓમિક્રોનના ભય વચ્ચે કોરોનાના કેસો સતત વધી રહ્યા છે. આ સપ્તાહની શરૂઆતમાં જામનગરની એક વ્યક્તિને ઓમિક્રોનનું સંક્રમણ થયું હતું. આજે તેમના પત્ની અને સાળાને પણ ઓમિક્રોનનું સંક્રમણ થયાનું બહાર આવ્યું છે. બીજી તરફ રાજ્યમાં ડેંગ્યુ અને મેલેરિયાના કેસો પણ વધી રહ્યા છે. તેમાંય ડેંગ્યુના વધતા કેસોએ લોકોની ચિંતા વધારી દીધી છે. શહેર અને ગામડાંઓની હોસ્પિટલોમાં રોજેરોજ ડેંગ્યુના કેસો આવી રહ્યા છે. તેવામાં ઉંઝાના ધારાસભ્ય આશાબેન પટેલને ડેંગ્યુ થયા બાદ તેમની સ્થિતિ વધુ ગંભીર બનતા વેન્ટિલેટર પર રાખવામાં આવ્યા હોવાના સમાચારે લોકોમાં ડેંગ્યુને લઈને વધુ ફફડાટ ફેલાવી દીધો છે.

17 તોપોની સલામી સાથે જનરલ બિપિન રાવતના અંતિમ સંસ્કાર



Source link

What’s your Reaction?
+1
0
+1
0
+1
0
+1
0
+1
0
+1
0
+1
0

LEAVE A REPLY

Please enter your comment!
Please enter your name here