balkrishna doshi: ગુજરાતના જાણીતા આર્કિટેક્ટ બાલકૃષ્ણ દોશીને યુકેનો પ્રતિષ્ઠિત રોયલ ગોલ્ડ મેડલ એનાયત થશે – renown architect balkrishna doshi to receive 2022’s royal gold medal

0


હાઈલાઈટ્સ:

  • બી.વી. દોશીને રોયલ ગોલ્ડ મેડલ એનાયત કરવાની જાહેરાત થતાં પીએમ મોદીએ અભિનંદન પાઠવ્યા.
  • 94 વર્ષીય બાલકૃષ્ણ દોશીએ 70 વર્ષની કારકિર્દીમાં 100થી વધુ પ્રોજેક્ટ્સ પર કામ કર્યું છે.
  • અમદાવાદમાં આવેલી અનેક જાણીતી ઈમારતોની ડિઝાઈન બી.વી. દોશીએ તૈયાર કરી છે.

ગુજરાતના જાણીતા આર્કિટેક્ટ બાલકૃષ્ણ દોશીને યુનાઈટેડ કિંગ્ડમનો સૌથી પ્રતિષ્ઠિત રોયલ ગોલ્ડ મેડલ 2022 એનાયત કરવાની જાહેરાત શુક્રવારે કરવામાં આવી છે. આ પ્રસંગે વડાપ્રધાન નરેન્દ્ર મોદીએ પણ બી.વી. દોશીને શુભેચ્છા પાઠવી હતી. પીએમ મોદીએ ટ્વિટ કરતાં લખ્યું હતું, “જાણીતા આર્કિટેક્ટ શ્રી બાલકૃષ્ણ દોશીજી સાથે વાત કરી અને રોયલ ગોલ્ડ મેડલ 2022ના અવોર્ડ માટે તેમને અભિનંદન પાઠવ્યા. આર્કિટેક્ચરની દુનિયામાં તેમનું યોગદાન અભૂતપૂર્વ છે. રચનાત્મક, વૈવિધ્યસભર અને અનોખું હોવાના કારણે તેમનું કામ વિશ્વભરમાં વખણાયું છે.”

દિલ્હીથી અપહ્યત છોકરો અમદાવાદમાં કિડનેપર્સની નજર ચૂકવીને ફરાર થઈ ગયો

જણાવી દઈએ કે, યુકેનો રોયલ ગોલ્ડ મેડલ આર્કિટેક્ચર ક્ષેત્રનું વિશ્વનું સર્વોચ્ચ સન્માન છે. રોયલ ઈન્સ્ટીટ્યૂટ ઓફ બ્રિટિશ આર્કિટેક્ટ્સ (RIBA)એ જાહેરાત કરતાં જણાવ્યું હતું કે, વર્ષ 2022નું સન્માન બાલકૃષ્ણ દોશીને આપવામાં આવશે.

RIBAએ જણાવ્યું હતું કે, 94 વર્ષીય બાલકૃષ્ણ દોશીએ 70 વર્ષની કારકિર્દીમાં 100થી વધુ પ્રોજેક્ટ્સ પર કામ કર્યું છે અને દેશમાં સ્થાપત્યની દિશામાં અનેકને પ્રેરણા પૂરી પાડી છે. તેમણે પોતાના અનુભવ તેમજ શિક્ષણથી પણ આ ક્ષેત્રે લોકોની રૂચિ વધારી છે.

રોયલ ગોલ્ડ મેડલ બ્રિટનના મહારાણી ક્વિન એલિઝાબેથ દ્વિતીય દ્વારા માન્ય અવોર્ડ છે અને આ સન્માન કોઈ વ્યક્તિ અથવા સમૂહને સ્થાપત્ય ક્ષેત્રે નોંધનીય કામગીરી કરવા બદલ આપવામાં આવે છે.

બી.વી. દોશીનો જન્મ 1927માં પૂણેમાં થયો હતો. તેમનો પરિવાર ફર્નિચર બનાવવાના વ્યવસાય સાથે સંકળાયેલો હતો. તેમણે જે.જે. સ્કૂલ ઓફ આર્કિટેક્ચરમાં અભ્યાસ કર્યો તે અગાઉ ચાર વર્ષ સુધી પેરિસમાં કે કોર્બુઝી સાથે વરિષ્ઠ ડિઝાઈનર (1951-55) તરીકે કામ કરતા હતા. આ ઉપરાંત ભારતમાં પણ ચાર વર્ષ સુધી તેમણે કેટલાક પ્રોજેક્ટ્સ સંભાળ્યા હતા. આ પહેલા બી.વી. દોશીને સ્થાપત્ય ક્ષેત્રનો પુલિત્ઝર કહેવાતો પ્રિત્ઝર પ્રાઈઝ અવોર્ડ 2018માં એનાયત કરાયો હતો.

AMTSમાં શરૂ કરાશે ડિજિટલ પેમેન્ટ સિસ્ટમ, UPI એપથી ટિકિટ ખરીદી શકશે મુસાફરો

આ ઉપરાંત તેમણે લુઈ કાહ્ન સાથે સહયોગી તરીકે ઈન્ડિયન ઈન્સ્ટીટ્યૂટ ઓફ મેનેજમેન્ટના અમદાવાદના ભવનનું કામ કર્યું હતું અને એક દાયકા સુદી તેઓ જોડાયેલા રહ્યા હતા. અમદાવાદમાં શ્રેયસ સ્કૂલ, સેપ્ટ યુનિવર્સિટી, અટીરા ગેસ્ટ હાઉસ, પ્રેમાભાઈ હોલ, ટાગોર હોલ, અમદાવાદની ગુફા, કનોરિયા સેન્ટર ફોર આર્ટ્સ વગેરે તેમની જાણીતી ડિઝાઈન્સ છે.



Source link

What’s your Reaction?
+1
0
+1
0
+1
0
+1
0
+1
0
+1
0
+1
0

LEAVE A REPLY

Please enter your comment!
Please enter your name here