હિન્દુ ધર્મનો અંગીકાર કરશે ફિલ્મમેકર અલી અકબર અને તેમના પત્ની, જણાવ્યું આ કારણ – filmmaker ali akbar decides to accept hinduism to protest celebration by some people on bipin rawat’s demise

0


હાઈલાઈટ્સ:

  • કેરળના ફિલ્મમેકર અલી અકબરે ધર્મપરિવર્તનનો નિર્ણય કર્યો.
  • ફિલ્મમેકર અને તેમના પત્ની હવે હિન્દુ ધર્મનો અંગીકાર કરશે.
  • જનરલ બિપિન રાવતના મૃત્યુ પછી લીધો આ મોટો નિર્ણય.

કોચ્ચિ- હેલિકોપ્ટર ક્રેશની દુર્ભાગ્યપૂર્ણ ઘટનામાં સીડીએસ જનરલ બિપિન રાવત, તેમના પત્ની મધુલિકા સહિત અન્ય 11 લોકોએ જીવ ગુમાવ્યા છે. આ દુર્ઘટનાને કારણે આખો દેશ શોકાતુર છે. દેશભરમાં લોકો દુર્ઘટનામાં મૃત્યુ પામનારા લોકોના પરિવાર માટે સંવેદના વ્યક્ત કરી રહ્યા હતા. તે સમયે સોશિયલ મીડિયા પર ઘણાં લોકો એવા પણ હતા જે આ ઘટનાને કારણે ખુશ થઈ રહ્યા હતા. તેઓ સોશિયલ મીડિયા પર સ્માઈલ ઈમોજી સાથે રિએક્ટ કરી રહ્યા હતા. ઘણાં લોકોએ લોકોની આ વિચારધારાની ટીકા કરી, પરંતુ કેરળના એક ફિલ્મમેકરને આ વાત એટલી ખોટી લાગી કે તેમણે ઈસ્લામ ધર્મ છોડીને હિન્દુ ધર્મ સ્વીકારવાનો નિર્ણય કરી લીધો.

કુન્નુર હેલિકોપ્ટર દુર્ઘટનામાં શહીદ થયેલા વધુ 6 જવાનોના પાર્થિવ દેહની ઓળખ થઈ

કેરળના ફિલ્મમેકર અલી અકબર અને તેમના પત્ની સુલી અમ્માએ ઈસ્લામ છોડીને હિન્દુ ધર્મ અંગીકાર કરવાનો નિર્ણય કર્યો છે. અલી અકબરે કહ્યું કે, મુસ્લિમો દ્વારા કરવામાં આવેલી આ હરકતનો વિરોધ ઈસ્લામના સીનિયર નેતાઓ અને ધર્મગુરુઓએ પણ નથી કર્યો. દેશના બહાદુર દીકરાનું આ પ્રકારે અપમાન થાય તે સ્વીકાર્ય નથી. અકબરે સોશિયલ મીડિયા પર વીડિયો પોસ્ટ કરીને કહ્યું છે કે તેમનો ધર્મ પરથી વિશ્વાસ ઉઠી ગયો છે.

અલી અકબરે પોતાના વીડિયોમાં કહ્યું છે કે, મને જન્મથી જ જે ધર્મ મળ્યો હતો, આજે હું તેને ઉતારીને ફેંકી રહ્યો છું. આજથી હું મુસ્લિમ નથી. હું એક ભારતીય છું. મારો સંદેશ તે તમામ લોકો માટે છે, જેમણે ભારત વિરુદ્ધ સ્માઈલ વાળા ઈમોજી પોસ્ટ કર્યા છે. અકબરની આ પોસ્ટ પર પણ મિશ્ર પ્રતિક્રિયા આવી રહી છે. ઘણાં લોકોએ તેમને સમર્થન આપ્યું છે તો ઘણાં લોકોએ વિરોધ પણ વ્યક્ત કર્યો છે. જો કે, કોઈ કારણોસર આ પોસ્ટ હવે ફેસબુક પર ઉપલબ્ધ નથી.

હેલિકોપ્ટર ક્રેશ પહેલા સુબેદાર ગુરસેવકે ઘરે ફોન કર્યો હતો પણ કોઈએ ઉપાડ્યો નહીં
અમારા સહયોગી ટાઈમ્સ ઓફ ઈન્ડિયા સાથેની વાતચીતમાં અલી અકબરે કહ્યું કે, બિપિન રાવતના મૃત્યુની ખબર પર હસનારા મોટા ભાગના લોકો મુસ્લિમ હતા. તેઓ એટલા માટે હસી રહ્યા હતા કારણકે બિપિન રાવતે પાકિસ્તાન સાથે કાશ્મીરમાં સ્થિત આતંકવાદીઓ વિરુદ્ધ કડક પગલા લીધા હતા. હું આવા ધર્મ સાથે જોડાઈને નથી રહી શકતો.

અલી અકબરે આગળ જણાવ્યું કે તેઓ પોતાના પત્ની સાથે હિન્દુ ધર્મનો અંગીકાર કરશે અને આ માટે જરુરી કાર્યવાહી કરવામાં આવશે. ઉલ્લેખનીય છે કે તેઓ પહેલા ભારતીય જનતા પાર્ટીની પ્રદેશ સમિતિના સભ્ય હતા. પાર્ટી નેતૃત્વ સાથે ઓક્ટોબર મહિનામાં થયેલી ખટરાગ પછી તેમણે રાજીનામુ આપી દીધું હતું. ઉલ્લેખનીય છે કે વર્ષ 2015માં પણ તેઓ ચર્ચામાં આવ્યા હતા. તે સમયે તેમણે આરોપ મૂક્યો હતો કે મદ્રસામાં તેમની સાથે દુષ્કર્મ આચરવામાં આવ્યુ હતું.



Source link

What’s your Reaction?
+1
0
+1
0
+1
0
+1
0
+1
0
+1
0
+1
0

LEAVE A REPLY

Please enter your comment!
Please enter your name here