ujala circle: ઉજાલા ચોકડી પર ખાનગી બસવાળા પાસેથી હપ્તો ઉઘરાવતા છ લુખ્ખા ઝડપાયા – six arrested by zone 7 dcp squad for extorting money from bus operators at ujala circle

0


હાઈલાઈટ્સ:

  • ઉજાલા સર્કલ પરથી પસાર થતી દરેક ખાનગી બસો પાસેથી 200 રુપિયા હપ્તો લેવાતો હતો
  • બસ ઓપરેટર્સ ડીસીપીને ફરિયાદ કરવા પહોંચ્યા, પોલીસે છ લુખ્ખાની ગેંગને ઝડપી લીધી
  • જોકે, પોલીસે આરોપીઓ વિરુદ્ધ હળવી કલમો લગાવી હોવાનો ફરિયાદીના વકીનો આક્ષેપ

અમદાવાદ: શહેરના છેવાડે આવેલા સરખેજમાં હાઈવે પર ઉજાલા ચોકડીથી પસાર થતી ખાનગી બસોને રોકી 200 રુપિયાનો હપ્તો પડાવતા છ લુખ્ખાને પોલીસે ઝડપી લીધા છે. અમદાવાદ શહેર પોલીસના ઝોન-7 ડીસીપી પ્રેમસુખ ડેલુને આ મામલે ફરિયાદ મળી હતી. જેના આધારે તેઓ પોતે બસ ઓપરેટર બનીને ઉજાલા ચોકડી પહોંચ્યા હતા. જ્યાં એક આરોપી તેમની પાસેથી હપ્તો માગવા આવતા જ ડીસીપીની ટીમે તેને ઝડપી લીધો હતો.

3 ડિસેમ્બરના રોજ કેટલાક ખાનગી બસ ઓપરેટર્સ ઝોન 7 ડીસીપી પ્રેમસુખ ડેલુ પાસે ઉજાલા ચોકડી પર અસામાજીક તત્વો દ્વારા હપ્તા ઉઘરાવાતા હોવાની ફરિયાદ લઈને પહોંચ્યા હતા. ફરિયાદમાં જણાવાયું હતું કે સંજય ભરવાડ, દિનેશ ભરવાડ, મનીષ પટેલ, ધવલ પટેલ, વિશાલ પટેલ અને સંજય ભરવાડ નામના શખસો પોતાના કેટલાક મળતિયાઓ સાથે ઉજાલા ચોકડી પરથી પસાર થતી બસોને રોકીને 200 રુપિયા પડાવે છે.

બસ ઓપરેટર્સનો એવો પણ આક્ષેપ હતો કે આ અસામાજીક તત્વો પોતાની સાથે તલવાર, ડંડા તેમજ પાઈપો રાખે છે. જો કોઈ હપ્તો આપવાનો ઈનકાર કરે તો તેને ઢોર માર મારવામાં આવે છે. તેમણે એવું પણ કહ્યું હતું કે અગાઉ તેઓ હપ્તો આપી દેતા હતા, પરંતુ કોરોના પછી ધંધામાં ભારે મંદી ચાલતી હોવાથી તેમને રોજના 200 રુપિયા લુખ્ખાને આપવા પોસાતા નથી.

આ અરજીના આધારે ડીસીપી પ્રેમસુખ ડેલુ ઘટનાસ્થળ પર હોંચ્યા હતા. બસ ઓપરેટરના વેશમાં ઉજાલા ચોકડી ગયેલા ડીસીપી ડેલુ પાસેથી એક શખસ હપ્તો માગવા આવ્યો હતો. જેને તેમની સ્ક્વોડે પકડી લીધો હતો. ત્યારબાદ કુલ છ લોકોને પકડીને સેટેલાઈટમાં આવેલી ડીસીપી ઓફિસે લાવવામાં આવ્યા હતા. ત્યારબાદ તેમને સરખેજ પોલીસ સ્ટેશન લઈ જવાયા હતા જ્યાં તેમની વિરુદ્ધ ખંડણી ઉઘરાવવાની ફરિયાદ નોંધવામાં આવી હતી.

જોકે, ફરિયાદ પક્ષના વકીલ મુસા ખતુંબરાએ આક્ષેપ કર્યો હતો કે પોલીસે આરોપીઓ વિરુદ્ધ હળવી કલમો લગાવી છે. આરોપીઓએ જે કૃત્ય કર્યું છે તેને જોતા તેમની સામે ખંડણીનું રેકેટ ચલાવવા સહિતની કલમો લગાડી શકાઈ હોત.



Source link

What’s your Reaction?
+1
0
+1
0
+1
0
+1
0
+1
0
+1
0
+1
0

LEAVE A REPLY

Please enter your comment!
Please enter your name here