Omicron Cases in Gujarat: કોરોનાથી સંક્રમિત થનારા તમામના સેમ્પલ જિનોમ સિક્વન્સિંગ માટે મોકલાશે – samples of all corona infected will be sent for genome sequencing decision of rajkot municipal corporation

0


હાઈલાઈટ્સ:

  • ઓમિક્રોનના વધતા કેસોને જોતા રાજકોટ મહાનગરપાલિકા દ્વારા નિર્ણય લેવામાં આવ્યો છે
  • ગુજરાતમાં છેલ્લા 24 કલાકમાં કોરોના વાયરસના 63 કેસ નોંધાયા, 3 દર્દીના મોતથી ફફડાટ
  • શુક્રવારે જામનગરમાં કોરોનાના ઓમિક્રોન વેરિયન્ટના વધુ બે કેસ નોંધાતા કુલ સંખ્યા 3 થઈ

રાજકોટ/અમદાવાદ: શુક્રવારે જામનગરમાં કોરોનાના નવા વેરિયન્ટ ઓમિક્રોનના વધુ બે કેસ નોંધાતા ફફડાટ ફેલાઈ ગયો છે. ત્યારે રાજકોટ મ્યુનિસિપલ કોર્પોરેશન (RMC)ના આરોગ્ય વિભાગે મહત્વપૂર્ણ નિર્ણય લીધો છે. જે મુજબ હવેથી રાજકોટમાં કોરોના સંક્રમિત થનારા તમામ નાગરિકોના સેમ્પલ જિનોમ સિક્વન્સિંગ માટે મોકલવામાં આવશે. હાઈ રિસ્ક દેશોમાંથી આવતા ઉપરાંત આવા દેશોમાં ટ્રાવેલ હિસ્ટ્રી નથી તેવા નાગરિકો કોરોના સંક્રમિત થશે તો તેમના સેમ્પલ પણ જિનોમ સિક્વન્સિંગ માટે મોકલવામાં આવશે.

ગુજરાતમાં ઓમિક્રોનના કેસની સંખ્યા 3 પર પહોંચી
ટીવી રિપોર્ટ મુજબ રાજકોટમાંથી સંક્રમિત થયેલા 13 લોકોના સેમ્પલ જિનોમ સિક્વન્સિંગ માટે મોકલાયા હતા, જેમાંથી 10 દર્દીમાં કોરોના વાયરસનો ડેલ્ટા વેરિયન્ટ જોવા મળ્યો છે, જ્યારે 3 સેમ્પલના રિપોર્ટ આવવાનો બાકી હોવાનું જાણવા મળ્યું છે. ઉલ્લેખનીય છે કે ગુજરાતમાં કોરોના વાયરસના નવા વેરિયન્ટ ઓમિક્રોનના કેસની સંખ્યા 3 પર પહોંચી ગઈ છે અને ત્રણેય કેસ જામનગરમાં જ નોંધાયા છે.

લંડનથી અમદાવાદ આવેલા યુવકને કોરોના, પરિવાર ક્વોરેન્ટાઈન
પ્રાપ્ત માહિતી અનુસાર લંડનથી અમદાવાદ આવેલા વડોદરાનો 22 વર્ષીય યુવકનો એરપોર્ટ પર કોરોનાનો રિપોર્ટ પોઝિટિવ આવ્યો છે. મીડિયા રિપોર્ટ મુજબ યુવકનો રિપોર્ટ પોઝિટિવ આવતા યુવક સહિત તેના પરિવારના તમામ સભ્યોને ક્વોરેન્ટાઈન કરવામાં આવ્યા છે. તેમજ આ યુવકમાં કોરોનાનો ક્યો વેરિયન્ટ છે તે જાણવા માટે સેમ્પલ જિનોમ સિક્વન્સિંગ માટે મોકલવામાં આવ્યા હોવાનું જાણવા મળ્યું છે.

છેલ્લા 24 કલાકમાં 3 દર્દીના મોત, 63 કેસ નોંધાયા
રાજ્યના આરોગ્ય વિભાગ દ્વારા જાહેર કરાયેલા આંકડા મુજબ છેલ્લા 24 કલાકમાં ગુજરાતમાં કોરોના વાયરસના નવા 63 કેસ નોંધાયા છે જ્યારે 39 દર્દી સાજા થયા છે. જો કે, ચોંકાવનારી બાબત એ છે કે, એક જ દિવસમાં 3 દર્દીના મોત થતાં કુલ મૃત્યુઆંક 10098 પર પહોંચ્યો છે. ગુજરાતમાં કોવિડ-19માંથી સાજા થવાનો દર 98.72 ટકા નોંધાયો છે. છેલ્લા 24 કલાકમાં નોંધાયેલા કેસમાં અમદાવાદમાં 13, જામનગર-સુરત-વડોદરામાં 11, કચ્છ-નવસારી-વલસાડમાં 3, રાજકોટમાં 2, આણંદ, બનાસકાંઠા ગાંધીનગર, પંચમહાલ, રાજકોટ (જિલ્લો), વડોદરા (જિલ્લો)ના 1-1 કેસનો સમાવેશ થાય છે.



Source link

What’s your Reaction?
+1
0
+1
0
+1
0
+1
0
+1
0
+1
0
+1
0

LEAVE A REPLY

Please enter your comment!
Please enter your name here