shivangi joshi: આનંદીનો 18મો બર્થ ડે ‘બાલિકા વધૂ 2’માં લાવશે ટ્વિસ્ટ, આનંદ સામે ખુલશે મોટું રહસ્ય! – balika vadhu 2 upcoming episode maadi baa to make jigar and anandi’s marriage official

0


હાઈલાઈટ્સ:

  • બાલિકા વધૂ 2 સીરિયલમાં આનંદીના 18મા જન્મદિવસની ઉજવણી જોવા મળશે.
  • આનંદીના બર્થ ડે પર માડી બા જિગર અને આનંદીના લગ્નને ઓફિશિયલ કરશે.
  • જિગર આનંદી સાથે જબરદસ્તી સુહાગરાત મનાવાની કોશિશ કરશે.

‘યે રિશ્તા ક્યા કહેલાતા હૈ’માં નાયરાનો રોલ કરીને સૌના દિલ જીત્યા બાદ એક્ટ્રેસ શિવાંગી જોશી હવે ‘બાલિકા વધૂ 2’માં જોવા મળી રહી છે. આ શોમાં આનંદીના રોલમાં શિવાંગી જોવા મળે છે. ‘બાલિકા વધૂ 2’માં તાજેતરમાં જ આનંદી તરીકે શિવાંગીની એન્ટ્રી થઈ છે અને તે પોતાના પર્ફોર્મન્સથી ફેન્સના દિલ જીતી રહી છે.

નાયરાનું પાત્ર દિલની નજીક હોવા છતાં કેમ શિવાંગી જોષીએ શો છોડીને ‘આનંદી’ બનવાનું નક્કી કર્યું?

સીરિયલમાં હવે આગામી ટ્રેક આનંદીના 18મા બર્થ ડે સેલિબ્રેશનનો આવવાનો છે. શિવાંગી જોશીએ શોના અપકમિંગ ટ્વિસ્ટ વિશે વાત કરી છે. ન્યૂઝ એજન્સીને આપેલા ઈન્ટરવ્યૂમાં શિવાંગીએ જણાવ્યું, “આનંદીનો 18મો બર્થ ડે શોમાં નવો જ વળાંક લઈને આવશે. જિગર અને તેનો પરિવાર આનંદી સાથેના તેના લગ્ન પર મહોર મારવા આતુર છે. પરંતુ નસીબે આનંદી માટે કંઈ જ બીજું જ વિચારીને રાખ્યું છે. હું ‘બાલિકા વધૂ’નો ભાગ બનીને ખૂબ જ ખુશ છું. આનંદીનો નવો અવતાર ભજવવાની મજા આવે છે.”

આગામી એપિસોડમાં દર્શકોને જોવા મળશે કે, આનંદીના 18મા બર્થ ડે પર જિગર (એક્ટર સમૃદ્ધ બાવા) અને માડી બા (કેતકી દવે) સૌને કહી દેશે કે હવે કાયદાકીય રીતે જિગર અને આનંદી પતિ-પત્ની બની ગયા છે. આ વાત પરિસ્થિતિમાં મોટા ફેરફારો લઈને આવશે કારણકે આનંદી આગળ ભણવા માગે છે.

હલદી સેરેમનીમાં કેટરિનાએ વિકીના ગાલ પર લગાવી પીઠી, કપલ પર વરસાવાઈ હતી ગુલાબની પાંખડીઓ

આનંદીનું પાત્ર ભજવવામાં મળતાં આનંદ વિશે વાત કરતાં શિવાંગીએ આગળ કહ્યું, “સતત પ્રગતિ કરતું, શક્તિશાળી અને ઘણાં લોકો માટે પ્રેરણારૂપ સાબિત થતું પાત્ર ભજવવામાં ખૂબ મજા આવે છે. આશા છે કે, દર્શકોને પણ મારી આ જર્નીનો ભાગ બનીને આનંદ થશે.” ઉલ્લેખનીય છે કે, શોમાં થોડા દિવસ પહેલા જ જિગરના રોલમાં સમૃદ્ધ બાવા, આનંદી તરીકે શિવાંગી જોષી અને તેના મિત્ર આનંદના રોલમાં એક્ટર રણદીપ રાયની એન્ટ્રી થઈ હતી.

આ તરફ ચેનલે એક પ્રોમો રિલીઝ કર્યો છે. જેમાં જોઈ શકાય છે કે જિગર આનંદી સાથે જબરદસ્તી સુહાગરાત મનાવાની કોશિશ કરે છે. ત્યારે જેમ-તેમ કરીને આનંદી ત્યાંથી ભાગી જાય છે. દુલ્હાનના વેશમાં માથામાં સિંદૂર અને ગળામાં મંગળસૂત્ર સાથે રસ્તામાં આનંદીને આનંદ ભાગતી જોઈને ચોંકી જાય છે. ત્યારે આનંદને આનંદી અને જિગરના સંબંધ વિશે જાણ થશે ત્યારે શું થશે? શોની આગળની વાર્તા રસપ્રદ બની રહેશે તેવું લાગી રહ્યું છે.





Source link

What’s your Reaction?
+1
0
+1
0
+1
0
+1
0
+1
0
+1
0
+1
0

LEAVE A REPLY

Please enter your comment!
Please enter your name here