Rampur Nawad 2650 Crore Property: નવાબ પરિવારમાં 50 વર્ષની લડાઈનો અંત, 26 અબજની પ્રોપર્ટીની વહેંચણી થશે – end of 50 years of battle in nawab family of rampur 2650 crore properties will devide into 16 heirs

0


હાઈલાઈટ્સ:

  • ઉત્તર પ્રદેશના રામપુરના નવાબ પરિવારની લગભગ 2600 કરોડથી વધુની પ્રોપર્ટી છે
  • 31 જુલાઈ 2019ના રોજ SCએ શરિયા મુજબ મિલકત વહેંચવાનો આદેશ કર્યો હતો
  • સંપત્તિમાં 200 એકર જમીનનું બેનઝીર સહિતના પેલેસ, ખાનગી રેલવે સ્ટેશન પણ છે

ઉત્તર પ્રદેશના રામપુર નવાબ પરિવારની 26.50 અબજ રૂપિયાની સંપત્તિની વહેંચણીને લઈને પાંચ દાયકાની લાંબી કાનૂની લડાઈ બાદ કોર્ટનો નિર્ણય આવ્યો છે. રામપુર કોર્ટે 16 વારસદારો વચ્ચે મિલકતને વહેંચવાનો નિર્ણય આપ્યો છે. આ વિભાજન શરિયા કાયદા મુજબ હશે.

રામપુરના જિલ્લા ન્યાયાધીશે જુલાઈ 2019માં સુપ્રીમ કોર્ટે આપેલા ‘પાર્ટીશન પ્લાન’ હેઠળ આ ચુકાદો આપ્યો છે. નવાબ પરિવારની સંપત્તિ સંબંધિત કેસની વિગતો આપતા, વારસદાર કાઝિમ અલી ખાનના વકીલ મુકેશ સક્સેનાએ જણાવ્યું કે, ‘ફાઇલ કોર્ટના અંતિમ આદેશ માટે સુપ્રીમ કોર્ટમાં મોકલવામાં આવી છે.’

રામપુર ડિસ્ટ્રિક્ટ ગવર્મેન્ટ કાઉન્સિલ અરુણ પ્રકાશે અમારા સહયોગી અખબાર ટાઈમ્સ ઑફ ઈન્ડિયા સાથેની વાતચીતમાં જણાવ્યું કે, ‘વિભાજનની આ યોજના હેઠળ તમામ 16 કાનૂની વારસદારોને હિસ્સો મળશે. લાંબી કાનૂની લડાઈ દરમિયાન બે કાનૂની વારસદારો મૃત્યુ પામ્યા. જેથી હવે તેમના વારસદારોને પણ હિસ્સો મળશે.

નવાબ પરિવારની રામપુરમાં 2600 કરોડથી વધુની સંપત્તિ છે. 31 જુલાઈ 2019ના રોજ સુપ્રીમ કોર્ટે નવાબની સંપત્તિને શરિયા અનુસાર વિભાજીત કરવાનો આદેશ જાહેર કર્યો હતો, ત્યારબાદ હવે ડિસ્ટ્રિક્ટ જજની કોર્ટમાં નિર્ણય આવ્યો છે. વિભાજિત થનારી મિલકતોમાં બેનઝીર બાગ પેલેસ, સરહરી કુંડા પેલેસ, શાહબાદ બાગ પેલેસ, ખાનગી રેલ્વે સ્ટેશનની 200 એકર જમીનનો સમાવેશ થાય છે.

નવાબ પરિવારની મિલકતના વિભાજનમાં 18 પક્ષો હતા. તેમાંથી બેના મોત પણ થયા છે. આમાં સૌથી મોટો હિસ્સો પાકિસ્તાનના એર ચીફ માર્શલ સ્વર્ગસ્થ અબ્દુલ રહીમ ખાનની પત્ની મેહરુનિશાનો છે. પ્રોપર્ટીમાં તેમનો પોતાનો હિસ્સો લગભગ 7.292 ટકા છે.



Source link

What’s your Reaction?
+1
0
+1
0
+1
0
+1
0
+1
0
+1
0
+1
0

LEAVE A REPLY

Please enter your comment!
Please enter your name here