pm modi gets emotional: બિપિન રાવતના નિધન બાદ PM મોદી થયા ભાવુક, કહ્યું- ભારત આજે દુઃખી છે – pm modi gets emotional over demise of general bipin rawat, says india is mourning

0


હાઈલાઈટ્સ:

  • યુપીના બલરામપુરમાં જનરલ બિપિન રાવતને યાદ કરતાં ભાવુક થયા પીએમ મોદી
  • પીએમ મોદીએ કહ્યું કે, દેશ આજે દુઃખી છે. જનરલ બિપિન રાવત જ્યાં પણ હશે, ત્યાંથી ભારતને આગળ વધતાં જોશે
  • સાથે પીએમ મોદીએ ગ્રૃપ કેપ્ટન વરુણ સિંહ માટે મા પાટેશ્વરીને પ્રાથના કરી

તમિલનાડુ હેલિકોપ્ટર ક્રેશ બાદ દેશના પ્રથમ સીડીએસ બિપિન રાવતના નિધનથી સમગ્ર દેશમાં દુઃખની લાગણી છવાઈ ગઈ છે. ભારતે સાચા દેશભક્ત ગુમાવતા પ્રધાનમંત્રી નરેન્દ્ર મોદી પણ તેઓનાં નિધનથી અત્યંત ભાવુક થઈ ગયા છે. અને બિપિન રાવતને ગુમાવવાનું દુઃખ તેઓની વાણીમાંથી છલકાઈ આવે છે. ઉત્તર પ્રદેશના સરયુ કેનાલ નેશનલ પ્રોજેક્ટ સમારોહમાં જનતાને સંબોધન કરતાં પીએમ મોદી બિપિન રાવતને યાદ કરતાં ભાવુક થઈ ગયા હતા અને કહ્યું કે, જનરલ બિપિન રાવત આવનારા દિવસોમાં પોતાના ભારતને નવા સંકલ્પો સાથે આગળ વધતાં જોશો.

PM મોદીએ ભાવુક થઈને કહ્યું કે, ભારત દુઃખમાં છે

ઉત્તર પ્રદેશના બલરામપુરમાં ખુબ જ ભાવુક અંદાજમાં પીએમ મોદીએ કહ્યું કે, ભારત દુઃખમાં છે, પણ દર્દ સહન કરતાં પણ આપણે ન તો પોતાની ગતિ રોકીએ છીએ, અને ન તો પોતાની પ્રગતિ. ભારત રોકાશે નહીં, ભારત થમશે નહીં. પીએમ મોદીએ કહ્યું કે, જનરલ બિપિન રાવત આવનારા દિવસોમાં પોતાના ભારતને નવા સંકલ્પોની સાથે, તે જ્યાં પણ હશે, ત્યાંથી ભારતને આગળ વધતાં જોશે. દેશની સીમાઓની સુરક્ષા વધારવાનું કામ, બોર્ડર ઈન્ફ્રાસ્ટ્રક્ચરને મજબૂત કરવાનું કામ, દેશની સેનાઓને આત્મનિર્ભર બનાવવાનું અભિયાન, ત્રણેય સેનાઓમાં તાલમેલ સુદ્દઢ કરવાનું અભિયાન, આવાં અનેક કામ ઝડપથી આગળ વધતાં રહેશે. તેઓએ કહ્યું કે, અમે ભારતીય મળીને વધારે મહેનત કરીશું, દેશના અંદર અને દેશની બહાર બેસેલાં દરેક પડકારોનો સામનો કરીશું. ભારતને વધારે શક્તિશાળી અને સમૃદ્ધ બનાવીશું.

જનરલ બિપિન રાવતનું જવું દરેક રાષ્ટ્રભક્ત માટે મોટું નુકસાનઃ પીએમ મોદી

પીએમ મોદીએ બિપિન રાવત સહિત દુર્ઘટનામાં જીવ ન્યોછાવર કરનાર જવાનોને પણ શ્રદ્ધાંજલિ અર્પી હતી. તેઓએ કહ્યું કે, રાષ્ટ્ર નિર્માતાઓ અને રાષ્ટ્ર રક્ષકોની આ ધરતીમાં આજે દેશના એ તમામ વીર યોદ્ધાઓને પણ શ્રદ્ધાંજલિ આપી રહ્યો છું, જેમનું 8 ડિસેમ્બરના રોજ હેલિકોપ્ટર દુર્ઘટનામાં નિધન થઈ ગયું છે. ભારતના પ્રથમ ચીફ ઓફ ડિફેન્સ સ્ટાફ જનરલ બિપિન રાવતનું જવું દરેક ભારતપ્રેમી માટે, દરેક રાષ્ટ્રભક્ત માટે બહુ મોટી ક્ષતિ છે. જનરલ બિપિન રાવતજી જેટલા જાબાંજ હતા, દેશની સેનાઓને આત્મનિર્ભર બનાવવા માટે જેટલી મહેનત કરતા હતા, સમગ્ર દેશ તેઓનું સાક્ષી રહ્યું છે.

જનરલ રાવતના પિતાએ કઈ રીતે મૂક્યો હતો લગ્નનો પ્રસ્તાવ? મધુલિકાના ભાઈએ વાગોળી યાદો

ગીતાના શ્લોક સાથે પીએમ મોદીએ કહી આ વાત

આ ઉપરાંત પીએમ મોદીએ કહ્યું કે, કોઈપણ સૈનિક સેનામાં રહેવા સુધી જ સૈનિક રહેતો નથી, તે જીવનભર સૈનિક રહે છે. તેનું સમગ્ર જીવન એક યોદ્ધાની જેમ હોય છે. દેશની આન-બાન-શાન માટે તે દરેક ક્ષણે સમર્પિત હોય છે. તેઓએ ગીતાના શ્વોક કહેતાં કહ્યું કે, ગીતામાં કહેવામાં આવ્યું છે કે नैनं छिन्दन्ति शस्त्राणि नैनं दहति पावकः ન શસ્ત્ર તેને છિન્ન-ભિન્ન કરી શકે છે, ન અગ્નિ તેને સળગાવી શકે છે.
કુન્નુર હેલિકોપ્ટર દુર્ઘટનામાં શહીદ થયેલા વધુ 6 જવાનોના પાર્થિવ દેહની ઓળખ થઈ
કેપ્ટન વરુણ સિંહ માટે મા પાટેશ્વરીને પ્રાથના કરી

સાથે-સાથે પીએમ નરેન્દ્ર મોદીએ દુર્ઘટનામાં જીવતાં બચેલાં એકમાત્ર જાબંજ ગ્રૃપ કેપ્ટન વરુણ સિંહના સ્વસ્થ થવાની પ્રાથના પણ કરી હતી. પીએમ મોદીએ કહ્યું કે, યુપીના સપૂત, દેવરિયાના રહેવાસી ગ્રૃપ કેપ્ટન વરુણ સિંહજીનું જીવન બચાવવા માટે ડોક્ટર તમામ પ્રયાસો કરી રહ્યા છે. હું મા પાટેશ્વરીથી તેમના જીવનની રક્ષાની પ્રાથના કરું છું. દેશ આજે વરુણ સિંહજીના પરિવારની સાથે છે, જે વીરોને આપણે ગુમાવ્યા છે, તેમના પરિવારોની સાથે છે.



Source link

What’s your Reaction?
+1
0
+1
0
+1
0
+1
0
+1
0
+1
0
+1
0

LEAVE A REPLY

Please enter your comment!
Please enter your name here