cds general bipin rawat: દેશ દુઃખી છે પણ અટકશે નહીં, પીએમ મોદીએ કહ્યું-‘CDS જ્યાં પણ હશે, દેશની પ્રગતિના સાક્ષી બનશે’ – pm modi said in balrampur india is in deep misery but will growing with this pain

0


હાઈલાઈટ્સ:

  • બલરામપુર સરયૂ કેનાલ પ્રોજેક્ટના કાર્યક્રમમાં પીએમ મોદીએ શહીદોને શ્રદ્ધાંજલિ અર્પિત કરી
  • પીએમ મોદીએ કહ્યું-સૈનિક આખી જીંદગી સૈનિક જ રહે છે, કોઇ આગ એને મિટાવી શકતી નથી
  • સરકાર અને દેશની જનતા વધુ મહેનત કરીને ભારતને શક્તિશાળી અને સમૃદ્ધ બનાવશે

નવી દિલ્હીઃ 8 ડિસેમ્બર, બુધવારના દિવસે તમિલનાડુના કૂન્નુરમાં થયેલી હેલિકોપ્ટર દુર્ઘટનામાં CDS જનરલ બિપિન રાવત, એમના પત્ની મધુલિકા રાવત અને અન્ય 12 જવાનોના મોત થયા છે. આ દુર્ઘટનાને લીધે આખો દેશ શોકમગ્ન છે. દેશના પહેલા ચીફ ઓફ ડિફેન્સ સ્ટાફ જનરલ બિપિન રાવત સહિત અન્ય જવાનોની શહીદી અને જનરલ બિપિન રાવતના પત્ની મધુલિકા રાવતના નિધન પર પીએમ મોદીએ ભાવુક નિવેદન આપ્યું છે.

વડાપ્રધાન નરેન્દ્ર મોદીએ હેલિકોપ્ટ્ર દુર્ઘટનામાં શહીદ થયેલા સીડીએસ જનરલ બિપિન રાવત સહિત અન્ય 11 જવાનોની શહીદી તથા જનરલ રાવતના પત્નીના નિધન પર કહ્યું કે, દેશ આજે દુઃખમાં છે. ભારત આ પીડાને સહન કરીને પણ આગળ વધશે. તેમણે કહ્યું કે, જનરલ બિપિન રાવત જ્યાં પણ હશે, તેઓ દેશની પ્રગતિના સાક્ષી બનશે. પીએમ મોદીએ કહ્યું, સરકાર અને દેશની જનતા વધુ મહેનત કરીને ભારતને શક્તિશાળી અને સમૃદ્ધ બનાવશે.

પીએમ મોદીએ બલરામપુરમાં સરયૂ કેનાલ નેશનલ પ્રોજેક્ટના ઉદ્ધાટન કાર્યક્રમને સંબોધતાં કહ્યું, ભારત પીડામાં છે, પરંતુ આ પીડા સહન કરની પણ આપણે પ્રગિતિને રોકીશું નહીં. ભારત થંભશે નહી, અટકશે નહીં. તેમણે જણાવ્યું કે, દેશની સરહદોની સુરક્ષા વધારવાનું કામ, બોર્ડર પર ઇન્ફ્રાસ્ટ્રક્ચરને મજબૂત કરવાનું કામ, દેશની સેનાને આત્મનિર્ભર કરવાનું અભિયાન, ત્રણે સેનાઓ વચ્ચે તાલમેલ બેસાડવાનું અભિયાન આવા અનેક કામ ગતિમાન રહેશે. તેમણે કહ્યું, આપણે ભારતીયો મળીને મહેનત કરીશુ, દેશની અંદર અને દેશની બહાર રહેલા પડકારોનો સામનો કરીશું.

પીએમ મોદીએ દુર્ઘટનામાં શહીદ થયેલા જવાનોને શ્રદ્ધાંજલિ આપતાં કહ્યું, રાષ્ટ્ર નિર્માણકર્તાઓ અને રક્ષકોની આ ધરતીથી હું આજે દેશના વીર યોદ્ધાઓને પણ શ્રદ્ધાંજલિ અર્પિત કરું છે જેઓ 8 ડિસેમ્બરની હેલિકોપ્ટર દુર્ઘટનામાં શહીદ થયા છે. ભારતના પહેલા સીડીએસ જનરલ બિપિન રાવતના અચાનક જવાથી દરેક દેશપ્રેમી માટે આઘાત છે.

આ સાથે આ દુર્ઘટનામાં જીવિત રહેનારા એકમાત્ર ગ્રુપ કેપ્ટન વરુણ સિંહના સારા સ્વાસ્થ માટે પીએમ મોદીએ પ્રાર્થના કરી હતી.

CDS રાવતના નિધનથી દુનિયાના દેશો દુઃખી, રશિયાએ કહ્યું-ભારતે મહાન દેશભક્ત ગુમાવ્યા
તમિલનાડુમાં કૂન્નુર પાસેના જંગલોમાં 8 ડિસેમ્બરે એરફોર્સનું MI 17Y5 હેલિકોપ્ટર દુર્ઘટનાગ્રસ્ત થયું હતું. આ હેલિકોપ્ટરમાં દેશના પહેલા ચીફ ઓફ ડિફેન્સ સ્ટાફ જનરલ બિપિન રાવત, એમના પત્ની મધુલિકા સહિત કુલ 14 લોકો સવાર હતા. આ પૈકી ગ્રુપ કેપ્ટન વરુણ સિંહને છોડીને 13 લોકોના નિધન થયા હતા. સીડીએસ જનરલ બિપિન રાવત અને એમના પત્નીના અંતિમ સંસ્કાર શનિવારે કરવામાં આવ્યા હતાં. તેમની દીકરીઓએ ચિતાને મુખાગ્નિ આપી હતી અને તેમના અસ્થિ કલશે આજે હરિદ્વારમાં વિસર્જિત કરવામાં આવ્યા છે.
કુન્નુર હેલિકોપ્ટર દુર્ઘટનામાં શહીદ થયેલા વધુ 6 જવાનોના પાર્થિવ દેહની ઓળખ થઈ



Source link

What’s your Reaction?
+1
0
+1
0
+1
0
+1
0
+1
0
+1
0
+1
0

LEAVE A REPLY

Please enter your comment!
Please enter your name here