asha patel mla: ઊંઝાનાં MLA આશા પટેલની હાલત ગંભીર, CM ભૂપેન્દ્ર પટેલ હોસ્પિટલ પહોંચ્યા – unjha mla asha patel in critical condition post diagnosed with dengue

0


હાઈલાઈટ્સ:

  • 07 ડિસેમ્બરના રોજ દિલ્હીથી પરત થયા બાદ આશા પટેલને ડેન્ગ્યુ થયો હતો
  • બે દિવસની સારવારની કોઈ અસર ના થતાં અમદાવાદની હોસ્પિટલમાં દાખલ કરાયાં
  • કેટલાક અંગોએ કામ કરવાનું બંધ કરતાં મહિલા ધારાસભ્યને વેન્ટિલેટર પર રખાયાં

અમદાવાદ: ઊંઝાના મહિલા ધારાસભ્ય આશાબેન પટેલની હાલત ગંભીર હોવાનું જાણવા મળી રહ્યું છે. હાલ તેઓ અમદાવાદની ઝાયડસ હોસ્પિટલમાં એડમિટ છે. તેમને લાઈફ સપોર્ટ સિસ્ટમ પર રાખવામાં આવ્યાં છે. ટીવી રિપોર્ટ્સ અનુસાર, આશાબેનના કેટલાક અંગોએ કામ કરવાનું બંધ કરી દીધું છે. હાલ તેમનું ડાયાલિસિસ કરવામાં આવી રહ્યું છે. આજે સીએમ ભૂપેન્દ્ર પટેલ ભાજપના આગેવાનો સાથે આશાબેનની સ્થિતિ જાણવા માટે હોસ્પિટલમાં પહોંચ્યા હતા.

આરોગ્ય મંત્રી ઋષિકેશ પટેલ પણ આશાબેનના ખબરઅંતર જાણવા માટે હોસ્પિટલમાં પહોંચ્યા હતા. તેમણે મીડિયા સાથે વાત કરતા જણાવ્યું હતું કે આશાબેનની તબિયત હાલ સ્ટેબલ છે, અને શ્રેષ્ઠ ડૉક્ટરો તેમની સારવાર કરી રહ્યા છે. પોતે સતત ડૉક્ટરના સંપર્કમાં હોવાનું પણ ઋષિકેશ પટેલે જણાવ્યું હતું.

આશાબેનને મળવા માટે મહેસાણાથી પણ કેટલાક આગેવાનો અને તેમના સમર્થકો આવી રહ્યા છે, પરંતુ તેમની સ્થિતિને જોતાં હાલ કોઈને પણ મળવા માટે હોસ્પિટલ મંજૂરી નથી આપી રહી. બીજી તરફ, તેમના પરિવારજનો પણ તેઓ જલ્દી સાજા થઈ જાય તેવી પ્રાર્થના કરી રહ્યા છે. આશાબેન માત્ર 44 વર્ષના છે. કેમેસ્ટ્રીમાં પીએચડીની પદવી ધરાવતા આશા પટેલ રાજકારણમાં ઘણા સમયથી સક્રિય છે, પરંતુ પહેલીવાર તેઓ 2017માં ધારાસભ્ય બન્યાં હતાં.

ઝાયડસ હોસ્પિટલના ડિરેક્ટર ડૉ. વી.એન. શાહના જણાવ્યા અનુસાર, આશાબેનના કેટલાક અંગો કામ ના કરતા હોવાથી તેમને ICCUમાં રાખવામાં આવ્યા છે. હાલ તેમને બચાવવાના તમામ પ્રયાસ કરવામાં આવી રહ્યા છે, પરંતુ આવી સ્થિતિમાં દર્દીના બચવાની આશા ખૂબ જ ઓછી હોય છે. આશાબેન દિલ્હીથી પરત ફર્યા બાદ તેમને ડેન્ગ્યુ થયો હતો. તેમને 07મી ડિસેમ્બરે તાવ આવ્યો હતો, ત્યારથી જ તેમની સ્થિતિ ખરાબ છે.

આશા પટેલને ડેન્ગ્યુ થયો હોવાનું નિદાન થતાં તેમની સારવાર કરવામાં આવી રહી હતી. જોકે, તબિયતમાં કોઈ ફેર ના પડતાં તેમને શુક્રવારે અમદાવાદની ઝાયડસ હોસ્પિટલમાં લાવવામાં આવ્યા હતા. આશાબેનના લીવર અને ફેફસાં પર ઈન્ફેક્શનની ગંભીર અસર પડી હોવાનું જાણવા મળી રહ્યું છે. એક અહેવાલ અનુસાર, તેમનું લીવર ખરાબ રીતે ડેમેજ થયું છે, અને તેણે કામ કરવાનું બંધ કરી દીધું છે. તેમના કેટલાક અંગો કામ ના કરતા હોવાથી તેમને લાઈફ સપોર્ટ સિસ્ટમ પર રાખવામાં આવ્યા છે.

2017માં કોંગ્રેસની ટિકિટ પર ઊંઝા વિધાનસભા બેઠક પર ચૂંટણી લડી વિજયી બનેલા આશાબેને બે જ વર્ષમાં પક્ષની નેતાગીરીથી નારાજ થઈને રાજીનામું આપી દીધું હતું. ત્યારબાદ તેઓ 2019માં ભાજપની ટિકિટ પરથી ઊંઝા બેઠક પરથી જ વિધાનસભા ચૂંટણી લડ્યાં હતાં અને જીત્યાં પણ હતાં.



Source link

What’s your Reaction?
+1
0
+1
0
+1
0
+1
0
+1
0
+1
0
+1
0

LEAVE A REPLY

Please enter your comment!
Please enter your name here