અસિત મોદીના આકરા નિયમો કે પછી બબિતાજી, આખરે કેમ TMKOC છોડી રહ્યો છે ટપ્પુ? – here is why raj anadkat aka tapu of tmkoc decided to quit the show

0


હાઈલાઈટ્સ:

  • ટુંક સમયમાં તારક મહેતા કા ઉલટા ચશ્મા છોડી દેશે ટપ્પુ.
  • મેકર્સ દ્વારા લાદવામાં આવતા નિયંત્રણોથી કંટાળ્યો રાજ?
  • ટીમ રાજ અનડકતને મનાવી લેશે કે નવો ટપ્પુ શોધવો પડશે?

થોડા સમય પહેલા સુધી એવુ કહેવામાં આવતુ હતું કે રાજ અનડકટ એટલે કે ટપ્પુ પ્રોડ્યુસર અસિત મોદીના ફેવરિટ કન્ટેસ્ટન્ટ્સમાંથી એક છે. પરંતુ તાજેતરમાં અમારા સહયોગી ઈટાઈમ્સને પ્રાપ્ત જાણકારી અનુસાર રાજ અનડકત હવે ટુંક જ સમયમાં શોને અલવિદા કહેવાનો છે. 20મી ડિસેમ્બરના રોજ રાજ અનડકતનો શૂટિંગનો છેલ્લો દિવસ હશે.પ્રાપ્ત જાણકારી અનુસાર અસિત મોદીની ટીમની રાજ સાથે વાતચીત ચાલી રહી છે પરંતુ વાતનું નિરાકરણ આવે તેમ લાગી નથી રહ્યું.

સૂત્રના જણાવ્યા અનુસાર રાજ અનડકતે તારક મહેતા કા ઉલટા ચશ્માની કાસ્ટ અને ક્રૂમાં પોતાના ખાસ સભ્યોને જાણકારી આપી છે કે 20મી ડિસેમ્બરના દિવસે સેટ પર તેનો અંતિમ દિવસ હશે. પરંતુ તારક મહેતા કા ઉલટા ચશ્માના ફેન્સને એક પ્રશ્ન થઈ રહ્યો છે કે આખરે રાજ એકાએક કેમ આ શો છોડવાની વાત કરી રહ્યો છે? એવી તો શું સમસ્યા છે કે તે હવે ટપ્પુનું પાત્ર ભજવવા નથી માંગતો. ઉલ્લેખનીય છે કે તારક મહેતા કા ઉલટા ચશ્મામાં ટપ્પુનું પાત્ર મુખ્ય પાત્રોમાંથી એક ગણવામાં આવે છે.

ચોથી એનિવર્સરી પર અનુષ્કા શર્માએ ખોલ્યું સુખી લગ્નજીવનનું રહસ્ય, વિરાટે શેર કર્યો સુંદર ફેમિલી ફોટો

ઉલ્લેખનીય છે કે શૉમાં બબિતાજીનું પાત્ર ભજવતી અભિનેત્રી મુનમુન દત્તા થોડા સમય પહેલા એક જાતિસૂચક શબ્દના ઉપયોગ બદલ વિવાદમાં સપડાઈ હતી. તે સમયે પ્રોડક્શન હાઉસે તમામ કલાકારો પાસે એક દસ્તાવેજ પર હસ્તાક્ષર કરાવ્યા હતા જેમાં લખવામાં આવ્યુ હતું કે, તેઓ કોઈ પણ પ્રકારના અપમાનજનક શબ્દનો ઉલ્લેખ નહીં કરે, જાતિસૂચક અથવા ધાર્મિક લાગણીઓ દુભાય તેવા શબ્દોનો ઉલ્લેખ નહીં કરે. પ્રાપ્ત જાણકારી અનુસાર આખી ટીમમાંથી માત્ર એક અભિનેતાએ આ કરાર પર હસ્તાક્ષર કરવાથી ઈનકાર કરી દીધો હતો અને આજ સુધી હસ્તાક્ષર નથી કર્યા. અને તે કોઈ બીજુ નહીં પણ રાજ જ હતો.

આ સિવાય અસિત મોદીની ટીમ સાથે અન્ય એક બાબતે પણ રાજને બોલાચાલી થઈ હતી. રાજ અનડકતે પોતાની યુટ્યુબ ચેનલ પર એક વીડિયો શેર કર્યો હતો જેમાં તે ટપ્પુના પાત્રમાં હતો. ટીમ તરફથી તેને આ વીડિયો એડિટ કરવાનો આદેશ આપવામાં આવ્યો હતો. તારક મહેકા કા ઉલટા ચશ્માના તમામ કલાકારોને કહેવામાં આવ્યું છે કે તેઓ પોતાના પાત્રને લગતી કોઈ માહિતી સોશિયલ મીડિયા પર શેર નહીં કરે અને પોતાના પાત્ર તરીકે કોઈ સ્થળે હાજરી નહીં આપે.

‘તારક મહેતા કા ઉલ્ટા ચશ્મા’ને અલવિદા કહેશે ‘ટપ્પુ’, નાતાલ પહેલા પૂરું કરશે શૂટિંગ
આ સિવાય એક વાર પ્રોડક્શન ટીમે રાજની ટી-શર્ટ આસિસ્ટન્ટ ડિરેક્ટરને પહેરાવીને દિલીપ જોશી એટલે કે જેઠાલાલના પાત્ર સાથે સીન શૂટ કરાવ્યો હતો. રાજનો કોલ-ટાઈમ મોડો હતો, પરંતુ દિલીપ જોશી સાથેના સીનમાં ટપ્પુની ખાલી પીઠ બતાવવાની હોવાથી મેકર્સે એડીને રાજની ટી-શર્ટ પહેરાવીને શૂટ કરી લીધું. રાજ જ્યારે પોતાના સમયે સેટ પર આવ્યો તો તે એડીને પોતાની ટી-શર્ટમાં જોઈને ચોંકી ગયો. એડીને ટીમમાંથી કાઢી મૂકવામાં આવ્યો હતો. જો કે પછીથી ડિરેક્ટરની ટીમે ભેગા થઈને માંગ કરી કે તેઓ એડીને સેટ પર પાછા બોલાવવા માંગે છે અને આખરે તેમને પાછા બોલાવવમાં આવ્યા.

પાછલા ઘણાં સમયથી તારક મહેતા કા ઉલટા ચશ્માના સેટ પર કલાકારોને ઘણી ફરિયાદો થઈ રહી છે. શૉના ઘણાં બધા કલાકારોને મહિનામાં માત્ર 3 અથવા 4 વાર બોલાવવામાં આવે છે. તેઓ તારક મહેતા સાથે બંધાયેલા હોવાના કારણે બાકીના સમયમાં અન્ય કોઈ યોજના પણ ઘડી નથી શકતા. આ કારણે ઘણાં કલાકારોએ આર્થિક ભીંસનો પણ સામનો કરવો પડે છે. પ્રાપ્ત જાણકારી અનુસાર રાજ અનડકતને વેબ શૉ અને અન્ય પ્રોજેક્ટ્સની પણ ઓફર મળી છે. આ તમામ માહિતી વિશ્વસનીય સૂત્રો તરફથી પ્રાપ્ત થયેલી છે. રાજ અનડકત ખુલીને શૉ છોડવા પાછળનું કારણ જણાવશે કે કેમ તે એક પ્રશ્ન છે. રાજ ખરેખર શૉ છોડશે કે પછી મેકર્સ સાથે વાતચીત કરીને માફ કરી દેશે તે પણ જોવુ રહ્યું.



Source link

What’s your Reaction?
+1
0
+1
0
+1
0
+1
0
+1
0
+1
0
+1
0

LEAVE A REPLY

Please enter your comment!
Please enter your name here