prithvi singh chauhan: હેલિકોપ્ટર ક્રેશઃ પિતાને મુખાગ્નિ આપ્યા બાદ 12 વર્ષની દીકરીએ કહ્યું- હું પણ પાયલોટ બનીશ – helicopter crash: after lyte father pyre 12 year old daughter says, i too will become an air force pilot

0


હાઈલાઈટ્સ:

  • હેલિકોપ્ટર ક્રેશમાં જીવ ગુમાવનાર પાયલોટ પૃથ્વીસિંહ ચૌહાણના અંતિમ સંસ્કાર
  • 7 વર્ષના પુત્ર, 12 વર્ષની દીકરીએ પિતાને મુખાગ્નિ આપી
  • 12 વર્ષની દીકરીએ કહ્યું કે, હું પણ પિતાની જેમ એરફોર્સમાં પાયલોટ બનીશ

તમિલનાડુ હેલિકોપ્ટર દુર્ઘટનાના શહીદ થયેલ વિંગ કમાન્ડર પૃથ્વીસિંહ ચૌહાણના આજે શનિવારે ઉત્તર પ્રદેશના આગ્રાના તાજગંજ સ્મશાનમાં અંતિમ સંસ્કાર કરવામાં આવ્યા હતા. હેલિકોપ્ટર દુર્ઘટના કે જેણે સીડીએસ બિપિન રાવત, તેમના પત્ની મધુલિકા સહિત 13 લોકોનાં જીવ લીધા, તેના પાયલોટ પૃથ્વીસિંહ ચૌહાણ હતા. પિતાને મુખાગ્નિ આપ્યા બાદ તેમની 12 વર્ષની દીકરીએ કહ્યું કે, હું પણ પિતાની જેમ એરફોર્સમાં પાયલોટ બનીશ. અંતિમ યાત્રા સમયે શહીદ જવાનના 7 વર્ષના પુત્રએ પિતાની કેપ પહેરી લીધી હતી અને તેમને સલામી હતી. આ દ્રશ્યો જોઈને સૌ કોઈની આંખોમાં પાણી આવી ગયા હતા. જે બાદ માતાએ પુત્રીને પણ આ કેપ પહેરાવી હતી.

આગ્રામાં વિંગ કમાન્ડર પૃથ્વીસિંહ ચૌહાણના રાજકીય સન્માન સાથે અંતિમ સંસ્કાર કરવામાં આવ્યા હતા. તેઓનાં 7 વર્ષના પુત્ર, 12 વર્ષની દીકરી અને પિતરાઈ ભાઈ પુષ્પેન્દ્ર સિંહે પરિવારના સભ્યો, એરફોર્સના અધિકારીઓ, સ્થાનિક તંત્ર અને પોલીસની હાજરીમાં તેમની ચિતાને મુખાગ્નિ આપ્યો હતો. વિંગ કમાન્ડરની 12 વર્ષની પુત્રીએ કહ્યું કે, તે પિતાના પગલાં પર ચાલશે અને ભારતીય એરફોર્સમાં પાયલોટ બનશે.

પિતાને મુખાગ્નિ આપ્યા બાદ ધોરણ 7માં ભણતી દીકરીએ કહ્યું કે, તે તેના પિતાને અનુસરશે કેમ કે, તે તેના હીરો હતા. આ ઉપરાંત દીકરીએ જણાવ્યું કે, મારા પિતા મને માર્ક્સ પર નહીં પણ અભ્યાસ પર ધ્યાન કેન્દ્રિત કરવાની સલાહ આપતા હતા. તેઓનું માનવું હતું કે, જો હું અભ્યાસ પર ધ્યાન કેન્દ્રિત કરીશ તો માર્ક્સ આપોઆપ સારા જ આવશે.

વર્ષ 2006માં પૃથ્વીના પરિવાર મધ્ય પ્રદેશના ગ્વાલિયરથી આગ્રામાં સ્થળાંતર કર્યું હતું. તેઓએ વર્ષ 2000માં સેવામાં જોડાયા હતા. અને ક્રેશ સમયે તેઓ કોઈમ્બતુરમાં એરફોર્સ સ્ટેશનમાં પોતાના એસાઈન્મેન્ટના ભાગરૂપે ચીફ ઓફ ડિફેન્સ સ્ટાફની સાથે ઉડાન ભરી રહ્યા હતા. આજે જ્યારે દયાલબાગથી તેમની અંતિમ યાત્રા શરૂ કરવામાં આવી ત્યારે લોકોએ રસ્તા પર ઉભા રહીને ફૂલો વરસાવ્યા હતા. તેઓનો નશ્વર દેહ સવારે 10 વાગ્યે આગ્રા એરપોર્ટ પર લાવવામાં આવ્યો હતો.

એરપોર્ટ પર કેન્દ્રીય રાજ્યમંત્રી અને આગ્રાના સાંસદ એસ.પી.સિંહ બઘેલ, એરફોર્સના અધિકારીઓ અને સ્થાનિક તંત્રના અધિકારીઓએ શ્રદ્ધાંજલિ આપી હતી. પૃથ્વીસિંહના પિતા સુરેન્દ્ર સિંહ, પત્ની કામિની સિંહ અને અન્ય પરિવારના સભ્યો અંતિમ સંસ્કાર સમયે સ્મશાનમાં ઉપસ્થિત હતા. હેલિકોપ્ટર ક્રેશમાં એકમાત્ર બચી જનાર ગૃપ કેપ્ટન વરુણ સિંહની સ્થિતિ ક્રિટિકલ છે, પણ તેઓ ખતરામાંથી બહાર છે તેવું જણાવવામાં આવી રહ્યું છે. અને બેંગલુરુની હોસ્પિટલ ખાતે તેઓની સારવાર ચાલી રહી છે.



Source link

What’s your Reaction?
+1
0
+1
0
+1
0
+1
0
+1
0
+1
0
+1
0

LEAVE A REPLY

Please enter your comment!
Please enter your name here