gandhinagar’s youth died in australia: ઓસ્ટ્રેલિયામાં ગાંધીનગરના યુવકનું મોત, મૃતદેહને વતન મોકલવા ફાળો એકઠો કરાયો – gandhinagr’s youth died in australia, who went for study

0


| I am Gujarat | Updated: Dec 11, 2021, 9:31 PM

ગાંધીનગરના માણસાના પડુસમામાં રહેતો 22 વર્ષીય જય પટેલ તાજેતરમાં જ ઓસ્ટ્રેલિયા ખાતે અભ્યાસ કરવા માટે ગયો હતો. શુક્રવારે બપોરે તેનું મોત નીપજ્યુ હતુ. આ વાતના સમાચાર સાંભળીને પરિવાર શોકમાં ગરકાવ છે

 

હાઈલાઈટ્સ:

  • ગાંધીનગરના માણસાના પડુસમામાં રહેતા યુવકનું ઓસ્ટ્રેલિયામાં મોત
  • તાજેતરમાં જ 22 વર્ષીય યુવક જય પટેલ ઓસ્ટ્રેલિયા ભણવા માટે ગયો હતો
  • શુક્રવારે બપોરે મોત થયુ, આ સમાચાર બાદ પરિવાર પર આભ તૂટી પડ્યુ

અમદાવાદઃ ફરી એક વાર ભારતીય યુવકનું વિદેશી ધરતી પર મોત થયુ હોવાના માઠા સમાચાર સામે આવ્યા છે. ગાંધીનગરમાં રહેતા યુવકનું ઓસ્ટ્રેલિયાના મેલબોર્નમાં મોત થયા યુવકના પરિવારમાં શોકનું મોજુ ફરી વળ્યું છે મહત્વનું છે કે, આ યુવક તાજેતરમાં જ ઓસ્ટ્રેલિયા ખાતે અભ્યાસ કરવા માટે ગયો હતો. ત્યારે તેના મોતના સમાચાર સાંભળીને પરિવાર પર આભ તૂટી પડ્યું છે. બીજી તરફ, યુવકના મૃતદેહને માદરે વતન પહોંચાડવા માટે ફાળો પણ એકઠો કરવામાં આવ્યો છે.

મૃતક યુવક ગાંધીનગરના માણસાના પડુસમાનો વતની છે. 22 વર્ષીય યુવક જય ભરત પટેલ તાજેતરમાં જ ઓસ્ટ્રેલિયાના મેલબોર્ન ખાતે અભ્યાસ માટે ગયો હતો. ત્યારે શુક્રવારે બપોરે તેનું કોઈ કારણોસર મોત નીપજ્યું હતું. યુવકનું મોત કયા કારણોસર નીપજ્યુ તે હજુ સુધી જાણવા મળ્યુ નથી. તેના મોતનું કારણ અકબંધ છે અને પોલીસ એ દિશામાં તપાસ કરી રહી છે. યુવકના મૃતદેહને માદરે વતન પરત મોકલવા માટે કામગીરી ચાલી રહી છે. મૃતદેહને પરત મોકલવા માટે લોકો ફાળો એકઠો કરી રહ્યા છે.
ગુજરાતમાં કોરોનાના કેસોમાં સતત વધારો, આજે નવા 71 દર્દી નોંધાયા
મહત્વનું છે કે, ભારતીય સમુદાયે અડધો કલાકમાં 20 હજાર ડૉલર જેટલી રકમ ઉઘરાવી હતી. બીજી તરફ, મૃતક જયના પરિવારને મદદ કરવા માટે પણ આહ્વાન કરવામાં આવી રહ્યું છે. ટૂંક સમયમાં ભારતીય સમુદાયે 43 હજાર ડૉલરથી પણ વધુનું ભંડોણ એકત્ર કર્યુ હતુ. મહત્વનું છે કે, સોમવારે મૃતક જય પટેલનું પોસ્ટમોર્ટમ કરવામાં આવશે. ત્યારે પોસ્ટમોર્ટમ રિપોર્ટમાં મોતનું સાચુ કારણ સામે આવશે.
‘મને કેમ ટક્કર મારી’, કહીને ઠગ ટોળકી વેપારીની કારમાંથી 5 લાખ ભરેલી બેગ લઈ ફરાર
યુવક સ્ટુડન્ટ વિઝા પર ઓસ્ટ્રેલિયાના મેલબોર્ન ખાતે અભ્યાસ કરવા માટે ગયો હતો. ત્યારે શુક્રવારે બપોરે તેનું મોત થયુ હોવાના સમાચાર મળ્યા હતા. જુવાનજોધ દીકરાનું મોત થયુ હોવાના સમાચાર સાંભળીને પરિવારમાં શોકનો માહોલ છવાયો હતો. ત્યારે હાલ યુવકના મૃતદેહને વતન લાવવા માટે કાર્યવાહી કરવામાં આવી રહી છે. ભારતીય સમુદાયના લોકો પણ યુવકની મદદ માટે આગળ આવી રહ્યા છે. ત્યારે સોમવારે પોસ્ટમોર્ટમ બાદ મોતનું સાચુ કારણ જાણવા મળશે.

ચટાકેદાર ચટણી સાથે અહીંની કચોરી, સેવ-મમરા ના ખાધા હોય તેવો અમદાવાદી શોધવો મુશ્કેલ છે!

આસપાસના શહેરોના સમાચાર

Gujarati News – I am Gujarat: ગુજરાત, દેશ, વિદેશ, શિક્ષણ, બિઝનેસ, મૂવી, જ્યોતિષ, ધર્મ, સ્પોર્ટ્સના લેટેસ્ટ સમાચાર ઉપરાંત વાયરલ ન્યૂઝ મેળવવા માટે ડાઉનલોડ કરો I am Gujaratની એપ

Web Title : gandhinagr’s youth died in australia, who went for study
Gujarati News from I Am Gujarat, TIL Network



Source link

What’s your Reaction?
+1
0
+1
0
+1
0
+1
0
+1
0
+1
0
+1
0

LEAVE A REPLY

Please enter your comment!
Please enter your name here