aunty saved nephew life: પાટા પર ફસાયો ભત્રીજાનો પગ અને સામે આવી ટ્રેન, ફોઈએ પોતાનો જીવ આપી માસૂમને બચાવ્યો – aunty saved life of nephew who is stuck between railway tracks in uttar pradesh

0


હાઈલાઈટ્સ:

  • ઉત્તર પ્રદેશમાં 3 વર્ષના માસૂમનો પગ પાટામાં ફસાયો
  • ફોઈએ પગ બહાર કાઢવા માટે અનેક પ્રયાસો કર્યાં
  • ટ્રેનને નજીક આવતાં જોઈ ફોઈ માસૂમ પર સૂઈ ગઈ
  • બંને પરથી ટ્રેન પસાર થતાં ફોઈના ચાર ટુકડાં થયા, માસૂમનો જીવ બચી ગયો

ઉત્તર પ્રદેશના મુરાદાબાદથી એક ચોંકાવનારો કિસ્સો સામે આવ્યો છે. પોતાના 3 વર્ષના ભત્રીજાને બચાવવા માટે 20 વર્ષીય ફોઈએ પોતાનો જીવ આપી દીધો હતો. 3 વર્ષના ભત્રીજાનો પગ પાટામાં ફસાઈ ગયો હતો અને તે જ સમયે સામેથી ટ્રેન આવી રહી હતી. ફોઈએ માસૂમનો પગ કાઢવા માટે અનેક પ્રયાસો કર્યાં, પણ તે સફળ ન રહી. અને આખરે ટ્રેનને નજીક આવતાં જોઈ ફોઈ માસૂમની ઉપર પાટા પર સૂઈ ગઈ હતી અને તે બંનેના પરથી ટ્રેન પસાર થઈ ગઈ હતી. આ દુર્ઘટનામાં ફોઈનાં ચાર ટુકડા થઈ ગયા હતા, પણ માસૂમનો જીવ બચી ગયો હતો.

ઉત્તર પ્રદેશના મુરાદાબાદના કુંદરકીના હુસૈનપુર ગામમાં 20 વર્ષીય શશિબાલા રહેતી હતી. તે પોતાના દાદીના ઘરે ભૈંસિયા ગઈ હતી. યુવતીના પિતા મેવારામે જણાવ્યું કે, 8 ડિસેમ્બરે શશિબાલાના મામાની દીકરી કવિતાના લગ્ન હતા. જેમાં ભાગ લેવા માટે તે પોતાના પિતા સાથે ગઈ હતી. આ દરમિયાન ગુરુવારે આ દુર્ઘટના સર્જાઈ હતી.

ગુરુવારની સાંજે પૂજાના કાર્યક્રમમાં શશિબાલા સમગ્ર પરિવારની સાથે મુરાદાબાદ-લખનઉ રેલવે લાઈનની બીજી તરફ ગઈ હતી. પૂજાથી પરત ફરતાં સમયે શશિબાલાના ભત્રીજા ત્રણ વર્ષીય આરવનો પગ પાટા પર ફસાઈ ગયો હતો. આરવ તેના મામા આનંદ પ્રકાશનો પુત્ર છે. આ દરમિયાન તેને ટ્રેનનો અવાજ સંભળાયો હતો. તેણે જોયું તો પૂરપાટ ઝડપથી ટ્રેન આવી રહી હતી. શશિબાલા આરવનો પગ નીકાળવાના અનેક પ્રયાસ કર્યાં. પણ તેને તેમાં સફળતા મળી નહીં.

શશિબાલાએ જોયું કે, ટ્રેન ખુબ જ નજીક આવી ગઈ છે અને તે બાળકને નીકાળી શકતી ન હતી, જે બાદ તેણે ખતરનાક નિર્ણય કર્યો હતો. બાળકને ટ્રેક પર સુવડાવીને તે તેના ઉપર સૂઈ ગઈ હતી. ટ્રેન તે બંનેના ઉપરથી પસાર થઈ ગઈ હતી. આ ઘટનાને જોઈ ત્યાં ઉપસ્થિત મહિલાઓનાં હોંશ ઉડી ગયા હતા. ઘટના બાદ મહિલાઓએ ટ્રેક પર જઈને જોયું તો શશિબાલાના ચાર ટુકડા થઈ ગયા હતા. જો કે બાળક બચી ગયું હતું. ઘટનાથી લગ્નનો માહોલ માતમમાં ફેરવાઈ ગયો હતો. પોલીસે પોસ્ટમાર્ટમ બાદ યુવતીનો મૃતદેહ પરિવારને સોંપી દીધો હતો.

લાડકવાયી પુત્રીના મોતથી પિતાની સ્થિતિ ખરાબ થઈ ગઈ છે. મેવાલાને કહ્યું કે, તેમની પત્ની આશાનું મોત 12 વર્ષ પહેલાં બીમારીને કારણે થયું હતું. તે સમયે શશિબાલાની ઉંમર 8 વર્ષની હતી. સંબંધીઓએ તેમના પર લગ્ન માટેનું દબાણ બનાવ્યું પણ પુત્રીનો ચહેરો જોઈને તેમણે લગ્ન માટે ના પાડી દીધી. તેઓએ કહ્યું કે, શશિબાલા તેમની એકમાત્ર સહારો હતી. અને ટૂંક સમયમાં જ તેના લગ્ન કરવાના હતા. અને આ માટે વાતો પણ જોવાનું શરૂ કરી દીધું હતું. આ ઘટનામાં આરવને સામાન્ય ઈજા પહોંચી છે. પોલીસે જણાવ્યું કે, તેના મોઢા પર પથ્થર વાગ્યો છે. અને તેને હોસ્પિટલમાં ભરતી કરવામાં આવ્યો છે અને તેની સારવાર ચાલુ છે.



Source link

What’s your Reaction?
+1
0
+1
0
+1
0
+1
0
+1
0
+1
0
+1
0

LEAVE A REPLY

Please enter your comment!
Please enter your name here