omicron variant: ઓમિક્રોન સામે લડવામાં બીજી લહેરમાં મળેલો બોધપાઠ ભારતની મદદ કરશેઃ સરકારી રિપોર્ટ – lesson from coronavirus second wave will help india fight against omicron says government report

0


હાઈલાઈટ્સ:

  • નવા વેરિયન્ટથી વિશ્વ ફફડી રહ્યું છે ત્યારે રાહતની એક વાત એ પણ છે કે અત્યાર સુધી તેનો અનુભવ ડરામણો રહ્યો નથી
  • ભારતના અર્થતંત્ર પર કોવિડના ઓમિક્રોન વેરિયન્ટની અસર ઘણી ઓછી ગંભીર જોવા મળશે તેવી અપેક્ષા છે: રિપોર્ટ
  • જોકે, આ રિપોર્ટમાં કોરોનાના નિયમોનું પાલન કરવા પર ભાર મૂકવામાં આવ્યો છે

નવી દિલ્હીઃ હાલમાં સમગ્ર વિશ્વની નજર કોરોના વાયરસના નવા વેરિયન્ટ ઓમિક્રોન પર છે. વૈજ્ઞાનિકો એક-એક કેસનો અભ્યાસ કરી રહ્યા છે. જે દેશોમાં આ નવો અને ખતરનાક વેરિયન્ટ સામે આવ્યો છે ત્યાં પ્રત્યેક કેસને ગંભીરતાથી લેવામાં આવી રહ્યો છે. એક તરફ આ નવા વેરિયન્ટથી વિશ્વ ફફડી રહ્યું છે ત્યારે રાહતની એક વાત એ પણ છે કે અત્યાર સુધી તેનો અનુભવ ડરામણો રહ્યો નથી.

કોરોનાના આ નવા વેરિયન્ટના દર્દીઓમાં તેના લક્ષણો હળવા જોવા મળી રહ્યા છે. ઓમિક્રોન વેરિયન્ટનો સૌ પ્રથમ કેસ સાઉથ આફ્રિકામાં સામે આવ્યો હતો. ત્યાંના ડોક્ટરોનો અત્યાર સુધીનો અનુભવ પણ આવો જ રહ્યો છે. ભારતમાં પણ આ વેરિયન્ટના દર્દીઓમાં મોટો ભાગના દર્દીઓના લક્ષણો હળવા જ રહ્યા છે.

ગુજરાતમાં કોરોનાના કેસોમાં સતત વધારો, આજે નવા 71 દર્દી નોંધાયા
આ ઉપરાંત તાજેતરમાં નાણા મંત્રાલયના રિપોર્ટમાં કહેવામાં આવ્યું છે કે, ભારતના અર્થતંત્ર પર કોવિડના ઓમિક્રોન વેરિયન્ટની અસર ઘણી ઓછી ગંભીર જોવા મળશે તેવી અપેક્ષા છે. પરંતુ તમામ લોકોએ તેનો ફેલાવો ન થાય તે માટે તમામ જરૂરી પગલાં અને તકેદારી રાખવી જોઈએ.

પોતાના માસિક ઈકોનોમિક રિવ્યુમાં નાણા મંત્રાલયે જણાવ્યું છે કે 2020-21માં કોરોનાકાળમાં વિશ્વના તમામ દેશોની અર્થવ્યવસ્થા મુશ્કેલીમાં મૂકાઈ ગઈ હતી. જેમાં ભારત એવા ગણ્યાગાંઠ્યા દેશોમાં સામેલ છે જેની અર્થવ્યવસ્થામાં આ રોગચાળા બાદ મજબૂત રીતે ઉછળો આવ્યો છે. આ રિપોર્ટમાં તે પણ આશા રાખવામાં આવી છે કે ઓમિક્રોન વેરિયન્ટ ડેલ્ટા કરતા પણ વધારે ચેપી છે પરંતુ વેક્સીનેશનના કારણે તેની તીવ્રતા વધારે નહીં હોય.
ઓમિક્રોનના દર્દીઓની સારવાર કરનારા જામનગરના નિષ્ણાતોએ જણાવ્યા તેના લક્ષણોજોકે, તેમાં ચેતવણી પણ આપવામાં આવી છે કે અર્થતંત્રમાં ચાલી રહેલી રિકવરીને જાળવી રાખવા સામે ઓમિક્રોન પડકારજનક બની શકે છે. આ ઉપરાંત તેમાં ભારપૂર્વક કોવિડ અનુરૂપ નિયમોનું પાલન કરવાનું પણ જણાવવામાં આવ્યું છે. આ રિપોર્ટમાં કહેવામાં આવ્યું છે કે, બીજી લહેરમાંથી મળેલો બોધપાઠ ભારતને આ નવા વેરિયન્ટ સામે લડવા માટે મદદરૂપ થશે. આ ઉપરાંત ભારતમાં ઝડપી રસીકરણના કારણે પણ તેની સામે લડવામાં મદદ મળશે.

કેન્દ્રીય સ્વાસ્થ્ય મંત્રાલયના ડેટા પ્રમાણે ભારતમાં શનિવારે કોરોનાના 7,992 નવા કેસ નોંધાયા છે. હાલમાં દેશમાં એક્ટિવ કેસની સંખ્યા 93,277 છે. જે 559 દિવસમાં સૌથી ઓછી છે. હાલમાં દેશમાં કોવિડના નવા વેરિયન્ટ ઓમિક્રોનના 33 કેસ નોંધાયા છે.



Source link

What’s your Reaction?
+1
0
+1
0
+1
0
+1
0
+1
0
+1
0
+1
0

LEAVE A REPLY

Please enter your comment!
Please enter your name here