pm narendra modi twitter account hacked: PM મોદીનું ટ્વિટર એકાઉન્ટ હેક, PMOએ કહ્યું- તે દરમિયાનની ટ્વિટને ઈગ્નોર કરો – pm modi twitter account hacked bitcoin officially adopted link posted and removed

0


હાઈલાઈટ્સ:

  • ટ્વિટરની સુરક્ષા પર ગંભીર સવાલ, PM નરેન્દ્ર મોદીનું એકાઉન્ટ હેક
  • ભારતે બિટકોઈનને કાનૂની માન્યતા આપી છે, તેવું ટ્વિટ કરાયું હતું
  • થોડીવારમાં તેને ડિલીટ કર્યા પછી, તે જ ટ્વિટ ફરીથી પોસ્ટ કરાયું
  • સોશિયલ મીડિયા પર હલચલ મચી ગઈ છે, લોકો ટ્વિટર પર ગુસ્સે

નવી દિલ્હી: હેકર્સે વડાપ્રધાન નરેન્દ્ર મોદીના ઓફિશિયલ ટ્વિટર એકાઉન્ટને પણ હેક કરી દીધું. રવિવારે (12 ડિસેમ્બર) સવારે 2.11 વાગ્યે @narendramodi તરફથી સ્પામ ટ્વિટ કરવામાં આવ્યું હતું.. ટ્વિટમાં કહેવામાં આવ્યું છે કે, ‘ભારતે બિટકોઈનને સત્તાવાર રીતે કાનૂની સ્વીકૃતિ આપી દીધી છે. સરકારે અધિકૃત રીતે 500 BTC ખરીદ્યા છે અને તે દેશના તમામ નાગરિકોને તેનું વિતરણ કરી રહી છે. ભારત જલ્દી કરો…… ભવિષ્ય આજે આવી ગયું છે!’

જો કે, આ ટ્વિટ બે મિનિટમાં જ ડિલીટ થઈ ગયું. બીજી ટ્વિટ સવારે 2.14 કલાકે આવી હતી, જે પ્રથમ ટ્વિટની નકલ હતી. આ ટ્વિટ પણ તરત જ ડિલીટ થઈ ગયું. પીએમઓએ ટ્વિટ કરીને જાણકારી આપી કે મોદીનું એકાઉન્ટ થોડા સમય માટે હેક થયું છે. PMO દ્વારા સૂચના આપવામાં આવી હતી કે આ સમયગાળા દરમિયાન કરવામાં આવેલ કોઈપણ ટ્વિટને ‘ઈગ્નોર’ કરવામાં આવે.

સવારે 2.11 વાગ્યે પહેલું ટ્વિટ

2

ટ્વિટર પર હલચલ મચી ગઈ
લોકોએ તરત જ સોશિયલ મીડિયા પર સ્ક્રીનશોટ શેર કરવાનું શરૂ કરી દીધું. લોકોને નવાઈ લાગે છે કે વડાપ્રધાનનું ટ્વિટર એકાઉન્ટ પણ હેક થઈ શકે છે! યુઝર્સે તેને માત્ર ગંભીર સુરક્ષા ખતરો જ નહીં, કેટલાકે તેને ‘બિટકોઈન માફિયા’નું કામ ગણાવ્યું. ઘણાને એવો પણ ડર છે કે, આ ઘટના બાદ ક્રિપ્ટોકરન્સી પર પણ પ્રતિબંધ લાદવામાં આવી શકે છે.

3

પર્સનલ વેબસાઇટનું ટ્વિટર પણ થઈ ચૂક્યું છે હેક
ગયા વર્ષે સપ્ટેમ્બરમાં પીએમ મોદીની પર્સનલ વેબસાઇટ @narendramodi_inનું ટ્વિટર હેન્ડલ પણ હેક કરવામાં આવ્યું હતું. ત્યારે પણ હેકરે કોવિડ-19 રિલીફ ફંડ માટે દાન તરીકે બિટકોઈનની માંગણી કરી હતી. તે ટ્વિટ્સ પણ તરત જ ડિલીટ કરવામાં આવી હતી.

બિટકોઈન નથી આપવામાં આવી મંજૂરી
બિટકોઈન અથવા અન્ય કોઈપણ ક્રિપ્ટોકરન્સી ભારતમાં હજુ સુધી માન્ય નથી. આ મામલે અંતિમ નિર્ણય પીએમ મોદીએ લેવાનો છે. દેશના જુદા જુદા નિયમનકારો અને નિષ્ણાતોના ક્રિપ્ટો પર જુદા જુદા મંતવ્યો છે. ભારતની બેન્કિંગ રેગ્યુલેટર રિઝર્વ બેન્કે ક્રિપ્ટોકરન્સી અંગે ગંભીર ચિંતા વ્યક્ત કરી છે. ક્રિપ્ટોકરન્સી એન્ડ રેગ્યુલેશન ઑફ ઑફિશિયલ ડિજિટલ કરન્સી બિલ 2021 સંસદના શિયાળુ સત્રમાં રજૂ કરવામાં આવનાર છે. ભારત સરકારના નાણા મંત્રાલયે પ્રસ્તાવિત બિલ માટે ડ્રાફ્ટ તૈયાર કર્યો છે.



Source link

What’s your Reaction?
+1
0
+1
0
+1
0
+1
0
+1
0
+1
0
+1
0

LEAVE A REPLY

Please enter your comment!
Please enter your name here