ગુજરાત બોર્ડે અભ્યાસક્રમમાં 30 ટકા ઘટાડો ના કરતાં વિદ્યાર્થીઓ પરેશાન, સંચાલક મંડળે કરી રજૂઆત – sanchalak mandal demands 30 percentage reduction in syllabus from gujarat board

0


હાઈલાઈટ્સ:

  • સંચલાક મંડળે 30 ટકા અભ્યાસક્રમ ઘટાડા માટે રાજ્યના મુખ્યમંત્રીને રજૂઆત કરી હતી.
  • આ રજૂઆત બાદ શિક્ષણમંત્રીએ શિક્ષણ વિભાગને યોગ્ય કાર્યવાહી કરવા સૂચના આપી છે.
  • સમગ્ર અભ્યાસક્રમ પૂરો થઈ શકે તેવી સ્થિતિ ના હોવાથી સંચાલક મંડળે રજૂઆત કરી છે.

અમદાવાદ: રાજ્યમાં બીજા શૈક્ષણિક સત્રનો પ્રારંભ થઈ ચૂક્યો છે પરંતુ હજી સુધી ધોરણ 1થી12માં 30 ટકા અભ્યાસક્રમ ઘટાડાની જાહેરાત ના થતાં વિદ્યાર્થીઓ અટવાયા છે. સંચલાક મંડળ દ્વારા 30 ટકા અભ્યાસક્રમ ઘટાડા માટે રાજ્યના મુખ્યમંત્રીને રજૂઆત કરવામાં આવી હતી. આ રજૂઆત બાદ શિક્ષણમંત્રીએ અભ્યાસક્રમ અંગેની નોંધ લીધી હતી અને શિક્ષણ વિભાગને યોગ્ય કાર્યવાહી કરવા માટે સૂચના આપી હોવાનું જાણવા મળે છે.

લગ્ન-ભોજન સમારંભોના કારણે ગુજરાતમાં કોરોનાના દર્દીઓ વધ્યા?

પ્રાપ્ત માહિતી અનુસાર, ગુજરાત બોર્ડ અને સેન્ટ્રલ બોર્ડ ઓફ સેકન્ડરી એજ્યુકેશન દ્વારા દર વર્ષે શૈક્ષણિક વર્ષની શરૂઆતથી અભ્યાસક્રમનું માસવાર આયોજન કરી સમય પત્રક જાહેર કરી દેવામાં આવે છે. જેના લીધે વિદ્યાર્થીઓ અને શિક્ષકોને પણ શિક્ષણકાર્યમાં સરળતા રહે છે. જોકે, આ વખતે પણ શૈક્ષણિક વર્ષની શરૂઆતમાં કોરોનાના કારણે ઓનલાઈન અભ્યાસ શરૂ કરાવાયો હતો. કોરોનાના કેસો ઘટતાં બાદમાં તબક્કાવાર સ્કૂલો શરૂ થઈ હતી.

દરમિયાન સેન્ટ્રલ બોર્ડ ઓફ સેકન્ડરી એજ્યુકેશન (CBSE) દ્વારા ગત વર્ષે અભ્યાસક્રમમાં 30 ટકા કાપ મૂકવામાં આવ્યો હતો. ચાલુ વર્ષે પણ CBSE દ્વારા આમ કરવામાં આવ્યું છે. ગુજરાત બોર્ડે પણ ગયા વર્ષે 30 ટકા અભ્યાસક્રમ ઘટાડ્યો હતો. પરંતુ આ વર્ષે ગુજરાત બોર્ડ દ્વારા અભ્યાસક્રમમાં ઘટાડાની જાહેરાત ના કરાતાં સંચાલકો, વિદ્યાર્થીઓ અને શિક્ષકો દ્વારા આ અંગેની રજૂઆત કરવામાં આવી છે.

PM મોદીનું ટ્વિટર એકાઉન્ટ હેક, PMOએ કહ્યું- તે દરમિયાનની ટ્વિટને ઈગ્નોર કરો

રાજ્યના સંચાલક મંડળના પ્રમુખ દ્વારા વહેલી તકે અભ્યાસક્રમમાં કાપ મૂકવાની રજૂઆત કરાઈ છે. પરંતુ હજી સુધી ગુજરાત બોર્ડે અભ્યાસક્રમ ઘટાડાની સત્તાવાર જાહેરાત કરી નથી. તાજેતરમાં ગુજરાત બોર્ડે પરીક્ષાનો કાર્યક્રમ જાહેર કર્યો હતો. જેમાં અભ્યાસક્રમમાં કાપ મૂકવામાં આવશે નહીં તેમ જણાવાયું હતું.

રાજ્યમાં હાલ પ્રત્યક્ષ શિક્ષણ ચાલી રહ્યું છે અને 50 ટકા ક્ષમતા સાથે વિદ્યાર્થીઓને સ્કૂલે બોલાવાઈ રહ્યા છે. જેથી વિદ્યાર્થીઓ અઠવાડિયામાં ત્રણ દિવસ અભ્યાસ માટે સ્કૂલે જાય છે. આ સ્થિતિમાં સમગ્ર અભ્યાસક્રમ પૂર્ણ કરવો શક્ય ના હોવાથી સંચાલક મંડળે અભ્યાસક્રમમાં 30 ટકા ઘટાડાની માગ કરી છે. આ મુદ્દે મુખ્યમંત્રીને રજૂઆત કરાઈ હતી. જેની નોંધ શિક્ષણમંત્રીએ લઈ જે-તે વિભાગને યોગ્ય કાર્યવાહી કરવાની સૂચના આપી છે.



Source link

What’s your Reaction?
+1
0
+1
0
+1
0
+1
0
+1
0
+1
0
+1
0

LEAVE A REPLY

Please enter your comment!
Please enter your name here