cases of coronavirus: લગ્ન-ભોજન સમારંભોના કારણે ગુજરાતમાં કોરોનાના દર્દીઓ વધ્યા? – as per report cases of coronavirus increase in gujarat due to marriage functions

0


હાઈલાઈટ્સ:

  • છેલ્લા 24 કલાકમાં ગુજરાતમાં કોરોના વાયરસના નવા 71 કેસ નોંધાયા છે.
  • રાજ્યના આરોગ્ય વિભાગ દ્વારા કોરોનાનું ટેસ્ટિંગ 50 હજારથી વધારીને 70 હજાર સુધીનું કરી દેવાયું છે.
  • રાજ્યની હોસ્પિટલ્સને પણ સાધન-સગવડ સાથે સજ્જ રહેવા જણાવાયું છે.

અમદાવાદ: ગુજરાતમાં છેલ્લાં કેટલાંક દિવસથી દરરોજના કોરોનાના નવા કેસ 60થી 70 જેટલા નોંધાઈ રહ્યા છે. ત્યારે લગ્નની સિઝન હોવાના કારણે કોરોનાના કેસો વધ્યા હોવાનું મોટાભાગના દર્દીઓની કેસ હિસ્ટ્રી પરથી બહાર આવ્યું છે. અહીં નોંધનીય છે કે છેલ્લા 24 કલાકમાં ગુજરાતમાં કોરોના વાયરસના નવા 71 કેસ નોંધાયા છે. રાજ્યના આરોગ્ય વિભાગ દ્વારા કોરોનાનું ટેસ્ટિંગ 50 હજારથી વધારીને 70 હજાર સુધીનું કરી દેવાયું છે. રાજ્યની હોસ્પિટલ્સને પણ સાધન-સગવડ સાથે સજ્જ રહેવા જણાવાયું છે.

આરોગ્ય વિભાગના અધિક મુખ્ય સચિવ મનોજ અગ્રવાલે જણાવ્યું કે અત્યારે લગ્નની સિઝન ચાલી રહી છે ત્યારે આ પ્રસંગોમાં લોકોની હાજરી અને અવરજવર વધતા કોરોનાના કેસો વધી રહ્યા છે. લગ્ન પ્રસંગોમાં યોજાતા ભોજન કાર્યક્રમના કારણે સંક્રમણ ફેલાઈ રહ્યું છે. શહેર કે જિલ્લાના આરોગ્ય અધિકારીઓ પાસેથી કેસ ડિટેઈલ મગાવતા મોટાભાગના દર્દીઓની કેસ હિસ્ટ્રી લગ્ન પ્રસંગમાં જઈને આવ્યા હોય તે પછી કોરોના થયો હોય તેમ જણાઈ રહ્યું છે.

ગુજરાતમાં કોરોનાના કેસોમાં સતત વધારો, આજે નવા 71 દર્દી નોંધાયા

અહીં નોંધનીય છે કે છેલ્લા 24 કલાકમાં જામનગરમાં કોરોનાના નવા 15 કેસ નોંધાયા છે. જામનગરમાં ઓમિક્રોનના દર્દીઓની સારવાર કરી રહેલા નિષ્ણાતોનું કહેવું છે કે 72 વર્ષીય દર્દીમાં ઓમિક્રોનના લક્ષણોમાં ગળામાં સોજો, ઉધરસ અને નબળાઈ જેવા લક્ષણો સામેલ છે. આ વ્યક્તિ ઝિમ્બાબ્વેથી ગુજરાત આવ્યો હતો.

અમદાવાદના ઈન્ટરનેશનલ મેડિસિન સ્પેશિયાલિસ્ટ ડોક્ટર મહર્ષી દેસાઈએ જણાવ્યું હતું કે, આંતરરાષ્ટ્રીય અહેવાલો સૂચવે છે કે ચેપગ્રસ્ત દર્દીઓમાં ફેફસાંને અસર થતી નથી અથવા પ્રમાણમાં ઓછી છે, તે સૌથી મોટું પરિબળ છે જે તેને કોરોનાના ડેલ્ટા વેરિઅન્ટથી અલગ પાડે છે જેણે ગુજરાત સહિત સમગ્ર ભારતમાં વિનાશક બીજી લહેર લાવી હતી. અત્યાર સુધીના અભ્યાસ તે સંકેત આપી રહ્યા છે કે જો સામાન્ય વસ્તીમાં આ વેરિયન્ટ ફેલાશે તો તે ઝડપથી ફેલાઈ શકે છે. પરંતુ ડેલ્ટા વેરિયન્ટની તુલનામાં હોસ્પિટલમાં દાખલ થવાની જરૂરિયાત ઓછી રહેશે અને મૃત્યુનું પ્રમાણ પણ ઓછું રહેશે. જોકે, આપણે તેને હળવાશથી લેવું જોઈએ નહીં અને તેને ઉગતો જ ડામી દેવા શરૂઆતથી જ તકેદારીના પગલાં લેવા જોઈએ.



Source link

What’s your Reaction?
+1
0
+1
0
+1
0
+1
0
+1
0
+1
0
+1
0

LEAVE A REPLY

Please enter your comment!
Please enter your name here