wife deserted husband: પત્નીને કેનેડા મોકલવા પતિએ ખર્ચ્યા ₹30 લાખ, ત્યાં સ્થાયી થયા પછી ના બોલાવતાં નોંધાવી ફરિયાદ – husband files complaint against wife who settled in canada deserting him

0


હાઈલાઈટ્સ:

  • પતિએ ફરિયાદમાં જણાવ્યું કે, પત્નીને કેનેડા મોકલવા 30 લાખ રૂપિયા ખર્ચ્યા હતા.
  • પત્નીની ઈચ્છા કેનેડા જવાની હોવાથી પતિ અને તેના પરિવારે તેને મદદ કરી હતી.
  • મહિલાના માતાપિતાએ પણ ખાતરી આપી હતી કે તે ત્યાં જઈને પતિને બોલાવશે.

અમદાવાદ: સામાન્ય રીતે ભારતમાં એવી ફરિયાદો નોંધાતી જોવા મળી છે કે, પતિઓ પોતાની પત્નીઓને છોડીને વિદેશમાં સ્થાયી થઈ ગયા હોય. પરંતુ અહીં એક પતિએ પત્ની સામે તેને છોડીને વિદેશમાં જઈને વસી જવાની ફરિયાદ નોંધાવી છે. પતિની ફરિયાદ પ્રમાણે, તેણે પત્નીને કેનેડા મોકલવા માટે 30 લાખ રૂપિયા ખર્ચ્યા હતા પરંતુ હવે પત્ની તેને ત્યાં બોલાવતી નથી.

હલકી કક્ષાનું બાંધકામ કરનારા બિલ્ડર સામે ફરિયાદ, મકાન માલિકને વળતર આપવાનો RERAનો આદેશ

25 નવેમ્બરે ગાંધીનગર જિલ્લાના માણસા પોલીસ સ્ટેશનમાં આ FIR નોંધાઈ હતી. વિશ્વાસ પટેલે પોતાની પત્ની પલક પટેલ સામે વિશ્વાસઘાત અને છેતરપિંડીની ફરિયાદ નોંધાવી છે. વિશ્વાસ પટેલે ફરિયાદમાં જણાવ્યું કે, તેણે નવેમ્બર 2014માં પલક સાથે લગ્ન કર્યા હતા. પલકની ઈચ્છા કેનેડા જવાની હતી, જેથી વિશ્વાસ અને તેના પરિવારે IELTSની પરીક્ષા પાસ કરીને કેનેડા જઈ શકે તે માટે મદદ કરી હતી. પલક અને તેના પરિવારે વચન આપ્યું હતું કે, તેણી કેનેડા જઈને પતિને પણ ત્યાં બોલાવી લેશે.

પલક નવેમ્બર 2016માં કેનેડા ગઈ હતી. આ વર્ષની શરૂઆતમાં તેણે કેનેડાની નાગરિકતા લેવા માટે પ્રક્રિયા શરૂ કરી હતી. જેના માટે તેને પોલીસ ક્લિયરન્સ સર્ટિફિકેટ (PCC)ની જરૂર હતી. માણસા પોલીસે સમયસર જવાબ ના આપતાં તેની PCCની અરજી પેન્ડિંગ રહી હતી. જ્યારે પલકના પતિ અને સાસુ-સસરાને તેના કેનેડાની નાગરિકતા મેળવવાની પ્રક્રિયા વિશે જાણ થઈ ત્યારે તેમણે માણસા પોલીસ સ્ટેશનમાં ફરિયાદ નોંધાવી હતી. તેમણે ફરિયાદમાં જણાવ્યું કે, પલક તેના પતિને કેનેડા બોલાવતી નથી અને તેના ત્યાં જવા માટે તેમણે જે રૂપિયા ખર્ચ્યા હતા તે પણ પાછા નથી આપી રહી. આ રીતે પલક વિશ્વાસઘાત કર્યો છે. આ કેસમાં પલકનો સાથ આપવા બદલ તેના માતાપિતા સામે પણ ફરિયાદ નોંધાવામાં આવી છે.

PCC મેળવવાની પ્રક્રિયા લટકી પડતાં પલકે પોલીસની ઢીલી કામગીરી સામે ગુજરાત હાઈકોર્ટમાં ફરિયાદ કરી હતી. જે બાદ પોલીસે તાત્કાલિક તેને પોલીસ વેરિફિકેશન સર્ટિફિકેટ આપ્યું હતું. પલક કેનેડામાં સેટલ થઈ ગઈ છે અને તેની પાસે સમયની કમી હોવાથી તેણે ટોરેન્ટો સ્થિત ઈન્ડિયન એમ્બસીમાં ક્લીયરન્સની પ્રક્રિયા પૂરી કરવા માટે અરજી કરી હતી. 29 ઓક્ટોબરે હાઈકોર્ટે પ્રાદેશિક પાસપોર્ટ ઓફિસ અને કૉન્સલ જનરલ ઓફ ઈન્ડિયાને પીસીસીની પ્રક્રિયા 15 દિવસની અંદર પૂરી કરવાનો આદેશ આપ્યો જેથી પલકની કેનેડાની નાગરિકતા મેળવવાની પ્રક્રિયા આગળ વધારી શકે.

ગુજરાત બોર્ડે અભ્યાસક્રમમાં 30 ટકા ઘટાડો ના કરતાં વિદ્યાર્થીઓ પરેશાન, સંચાલક મંડળે કરી રજૂઆત

આ આદેશના 26 દિવસ પછી પણ પલકને પીસીસી મળ્યું નહોતું. બીજી તરફ માણસા પોલીસે પલક અને તેના માતાપિતા સામે છેતરપિંડી, વિશ્વાસઘાત અને ઉશ્કેરણીની ફરિયાદ નોંધી છે. પલકે એડવોકેટ નિલય પટેલ મારફતે હાઈકોર્ટમાં રજૂઆત કરી હતી કે, આરપીઓ અને કૉન્સલ જનરલને જાણીજોઈએને કોર્ટના આદેશની અવગણના કરવા બદલ સજા આપવામાં આવે. તેમણે આ આદેશ અવગણતાં પલકની સિટીઝનશીપ મેળવવાની પ્રક્રિયામાં વિલંબ થયો સાથે જ ત્યાંની પોલીસે પણ મોડું કરવા બદલ તેની પાસે ગુનો દાખલ કર્યો હતો. જસ્ટિસ એ.જે. દેસાઈ અને જસ્ટિસ એસ.જે. દવેએ ટોરેન્ટો સ્થિત આરપીઓ અને કૉન્સલ જનરલને નોટિસ ફટકારીને જવાબ માગ્યો છે. કોર્ટે તેમને પૂછ્યું છે કે, કોર્ટના આદેશની અવગણના કરવા બદલ તેમની સામે પગલાં શા માટે ન લેવામાં આવે તે જણાવે. તેમને 14 ડિસેમ્બર સુધીમાં જવાબ આપવાનું કહેવાયું છે.



Source link

What’s your Reaction?
+1
0
+1
0
+1
0
+1
0
+1
0
+1
0
+1
0

LEAVE A REPLY

Please enter your comment!
Please enter your name here