delhi school boy found in ahmedabad: વસ્ત્રાપુર પોલીસને મળી આવેલા દિલ્હીના વિદ્યાર્થીના કેસમાં ચોંકાવનારો ખુલાસો – shocking revelation in case of delhi boy found by police in vastrapur

0


હાઈલાઈટ્સ:

  • ભણતરના ભારથી નાસીપાસ થયેલો દિલ્હીનો વિદ્યાર્થી સ્કૂલથી ભાગીને અમદાવાદ આવ્યો
  • ભણવાના મુદ્દે માતા-પિતાનું દબાણ હતું, મામાએ કહ્યું હતું કે, 90 ટકા તો લાવવા જ પડશે
  • જેથી તે સ્કૂલથી ભાગીને અમદાવાદ આવ્યો અને અપહરણ થયું હોવાનું જૂઠ્ઠાણું ચલાવ્યું હતું

અમદાવાદ: વસ્ત્રાપુર પોલીસ સ્ટેશન વિસ્તારમાં મળી આવેલા દિલ્હીની છોકરાના કેસમાં નવો ખુલાસો થયો છે. જેમાં વિદ્યાર્થીનું કોઈએ અપહરણ નહોતું કર્યું પરંતુ તે પોતે ભણતરના ભારને કારણે દિલ્હી સ્કૂલથી ભાગીને અમદાવાદ આવી ગયો હોવાનું સામે આવતા પોલીસ પણ ચોંકી ગઈ હતી. ઉલ્લેખનીય છે કે, છોકરો ગાયબ થઈ જતાં માતા-પિતાએ દિલ્હી પોલીસમાં અપહરણની ફરિયાદ નોંધાવી હતી. જો કે, છોકરો અમદાવાદમાં વસ્ત્રાપુર પોલીસની SHE ટીમને મળી આવતા દિલ્હી પોલીસ અને છોકરાના માતા-પિતાને જાણ કરાતા તેઓ અમદાવાદ આવ્યા હતા.

પ્રાપ્ત માહિતી અનુસાર માતા-પિતાને જોઈને ભાંગી પડેલા વિદ્યાર્થીએ સાચી વાત જણાવી હતી અને કબૂલાત કરી કે, ભણવાના મુદ્દે માતા-પિતાનું દબાણ હતું અને મામા કહેતા હતા કે, 90 ટકા તો લાવવા જ પડશે. જેને કારણે તે નાસીપાસ થયો અને સ્કૂલથી ભાગીને અમદાવાદ આવી ગયો હતો.

ઉલ્લેખનીય છે કે, શુક્રવારે વસ્ત્રાપુર પોલીસે સાલ હોસ્પિટલ પાસેથી એક છોકરાને ડરેલી હાલતમાં પોલીસ સ્ટેશન લઈ આવીને પૂછપરછ કરતા તેણે જણાવ્યું હતું કે, સ્કૂલથી પરીક્ષા આપીને ઘરે જતો હતો ત્યારે ચાર યુવકોએ તેનું અપહરણ કરીને ટ્રેનમાં અમદાવાદ લઈ આવ્યા હતા. જ્યાં તે કિડનેપર્સની નજર ચૂકવીને ભાગી ગયો હતો. ત્યારે વસ્ત્રાપુર પોલીસે છોકરાની તેના માતા-પિતા સાથે ફોન પર વાત કરાવી હતી અને મોડીરાતે દિલ્હી પોલીસ અને પરિવાર અમદાવાદ આવી પહોંચ્યો હતો.

માતા-પિતાને જોઈને છોકરાએ જણાવ્યું કે, ભણતરના મુદ્દે માતા-પિતાનું ખૂબ જ દબાણ હોવાને કારણે તે ઘર છોડીને ભાગી ગયો હતો અને અપહરણ થયું હોવાનું જૂઠ્ઠાનું ચલાવ્યું હતું. સમગ્ર મામલે પોલીસનું કહેવું છે કે, ઘણી વખત બાળકો પર માતા-પિતા ભણતર માટે ખોટું દબાણ કરતા હોય છે અને તેને કારણે બાળકો ઘણી વખત આવું પગલું ભરી દેતા હોય છે. જેથી બાળકોને પ્રેમપૂર્વક સમજાવવા જરૂરી છે.



Source link

What’s your Reaction?
+1
0
+1
0
+1
0
+1
0
+1
0
+1
0
+1
0

LEAVE A REPLY

Please enter your comment!
Please enter your name here