ankita lokahnde mehendi ceremony: વીણા નાગડાએ અંકિતા લોખંડેના હાથમાં મૂકી વિકીના નામની મહેંદી, ફ્રેન્ડ્સ સાથે ખૂબ કરી ધમાલ – here is a sneak peak into ankita lokhande and vicky jain’s mehendi ceremony

0


હાઈલાઈટ્સ:

  • 11 ડિસેમ્બરે રાત્રે અંકિતા અને વિકી જૈનની મહેંદી સેરેમની યોજાઈ હતી.
  • સના મકબૂલ અને મહેશ શેટ્ટી જેવા ટીવીની દુનિયાના સિતારા મહેંદી સેરેમનીમાં હાજર રહ્યા.
  • 14 ડિસેમ્બરે અંકિતા અને વિકી લગ્નના બંધનમાં બંધાશે.

એક્ટ્રેસ અંકિતા લોખંડે પોતાના લોંગ ટાઈમ બોયફ્રેન્ડ વિકી જૈન સાથે લગ્ન કરવા જઈ રહી છે. વિકી અને અંકિતાના પ્રી-વેડિંગ ફંક્શન શરૂ થઈ ગયા છે. મુંબઈની જ એક હોટેલમાં કપલના લગ્ન અને પ્રી-વેડિંગ ફંક્શનનું આયોજન કરવામાં આવ્યું છે. 11 ડિસેમ્બરે રાત્રે અંકિતા અને વિકી જૈનની મહેંદી સેરેમની યોજાઈ હતી. જેમાં કપલના પરિવારજનો ઉપરાંત અંગત મિત્રો હાજર રહ્યા હતા.

મહેંદી સેરેમનીમાં કેટરિનાએ સસરા સાથે કર્યા ભાંગડા, વિકીએ ઘૂંટણિયે બેસીને કરી પ્રપોઝ!

જાણીતા મહેંદી આર્ટિસ્ટ વીણા નાગડાએ અંકિતા અને વિકીના હાથમાં મહેંદી મૂકી હતી. જેની તસવીરો અને વિડીયો સોશિયલ મીડિયા પર વાયરલ થઈ રહ્યા છે. અંકિતાએ મહેંદી સેરેમનીમાં પિંક રંગના આઉટફિટ પર પસંદગી ઉતારી હતી. જ્યારે વિકીએ પેસ્ટલ રંગનો કુર્તો પહેર્યો હતો. મહેંદી સેરેમનીમાં વિવિધ ગીતો વાગી રહ્યા હતા ત્યારે અંકિતા જોરજોરથી ગીતો ગાતી જોવા મળી હતી. અંકિતા અને વિકી બંનેને વીણા નાગડાએ મહેંદી મૂકી આપી હતી, જ્યારે અંકિતાની મમ્મી સહિતના પરિવારજનોને વીણાની ટીમે મહેંદી મૂકી હતી.

એક્ટ્રેસ સના મકબૂલ મહેંદી સેરેમનીમાં હાજર રહી હતી ત્યારે તેણે પણ વિકી જૈન સાથે મસ્તી કરતાં અને નાચતાં અનેક વિડીયો ઈન્સ્ટાગ્રામ સ્ટોરીમાં શેર કર્યા હતા. વિકી અને અંકિતાની મહેંદી સેરેમની નાચગાનથી ભરપૂર રહી હતી.

મહેંદી સેરેમની પહેલા પણ કોઈ મહારાષ્ટ્રીયન વિધિ પૂરી કરવામાં આવી હશે તેમ લાગી રહ્યું છે. વીણાએ અંકિતા સાથેની એક તસવીર શેર કરી છે જેમાં અંકિતા મરાઠી મુલગીના અવતારમાં ખૂબ સુંદર લાગી રહી છે. પીળા રંગની સાડીમાં અંકિતાના ચહેરા પર દુલ્હન બનવાની ખુશી દેખાઈ રહી છે. વીણાએ આ તસવીર શેર કરતાં અંકિતા અને વિકીને જીવનની નવી શરૂઆત માટે અભિનંદન પાઠવ્યા છે.

વીણાએ બીજી પણ એક તસવીર શેર કરી છે જેમાં તે અને અંકિતા સ્માઈલ કરીને કેમેરા સામે પોઝ આપી રહ્યા છે. વીણાએ તસવીર શેર કરતાં લખ્યું, ‘અંકિતા લોખંડેની મહેંદી સેરેમનીમાં.’

ankita vicky mehendi

વિકી અને અંકિતા બંનેને મહેંદી મૂકી આપ્યા પછી વીણાએ તેમની સાથે પોઝ આપ્યા હતા. અંકિતા અને વિકી તસવીરોમાં ખૂબ ખુશ દેખાઈ રહ્યા છે.

mahi ankita

સના મકબૂલ ઉપરાંત એક્ટ્રેસ માહી વિજ પણ અંકિતા-વિકીની મહેંદી સેરેમનીમાં સામેલ થઈ હતી. વીણા નાગડા સાથે સના અને માહીએ ફોટો પડાવ્યો હતો. સનાએ માહીની દીકરી તારાને તેડેલી છે.

યાદગાર રહ્યો ‘અનુજ’નો 40મો બર્થ ડે, ‘અનુપમા’ની ટીમ સાથે કેક કાપ્યા બાદ ઘરે પત્ની-મિત્રો સાથે કરી ઉજવણી

mahesh ankita vicky

અંકિતા લોખંડનો ખાસ ફ્રેન્ડ મહેશ શેટ્ટી પણ મહેંદી સેરેમનીમાં ઉપસ્થિત રહ્યો હતો ત્યારે તેણે પણ કપલ સાથેની તસવીરો શેર કરી છે. મહેશ અને અંકિતાએ સીરિયલ ‘પવિત્ર રિશ્તા 2’માં સાથે કામ કર્યું હતું. મહેશ શેટ્ટી સુશાંતનો પણ સારો મિત્ર હતો.

જણાવી દઈએ કે, અંકિતા અને વિકીની મહેંદી સેરેમની બાદ 12 ડિસેમ્બરે કપલ સગાઈ કરશે. 14 ડિસેમ્બરે અંકિતા અને વિકી લગ્નના બંધનમાં બંધાવાના છે. થોડા દિવસ પહેલા તેમનું રોયલ બ્લૂ રંગનું વેડિંગ કાર્ડ પણ સોશિયલ મીડિયામાં વાયરલ થયું હતું.





Source link

What’s your Reaction?
+1
0
+1
0
+1
0
+1
0
+1
0
+1
0
+1
0

LEAVE A REPLY

Please enter your comment!
Please enter your name here