day night test: ટીમ ઈન્ડિયા દરેક સીરિઝમાં રમશે ડે-નાઈટ ટેસ્ટ મેચ! – pink ball test is the future says sourav ganguly

0


હાઈલાઈટ્સ:

  • ભારતીય ક્રિકેટ ટીમે અત્યાર સુધીમાં કુલ 3 ડે-નાઈટે ટેસ્ટ રમી છે.
  • ભારતીય ટીમ પહેલી ડે-નાઈટ ટેસ્ટ બાંગ્લાદેશ સામે કોલકાતામાં રમી હતી.
  • ભારતીય ટીમે 3માંથી બે ડે-નાઈટ ટેસ્ટ જીતી છે, જ્યારે એકમાં હાર સહન કરવી પડી છે.

નવી દિલ્હી: ભારતીય ક્રિકેટ કન્ટ્રોલ બોર્ડ (બીસીસીઆઈ)ના અધ્યક્ષ સૌરવ ગાંગુલીએ પિંક બોલ ટેસ્ટને ક્રિકેટના સૌથી લાંબા ફોર્મેટનું ભવિષ્ય જણાવ્યું છે. ટીમ ઈન્ડિયાના પૂર્વ કેપ્ટનનું માનવું છે કે, ગુલાબી દડાથી રમાતી ટેસ્ટ મેચ માટે વધુમાં વધુ દર્શકો મળશે.

ભારતે અત્યાર સુધીમાં 3 પિંક બોલ ટેસ્ટ મેચ રમી છે, જેમાંથી તેને 2માં જીત મળી છે અને એકમાં હારનો સામનો કરવો પડ્યો છે. ટીમ ઈન્ડિયાએ પોતાની પહેલી ડે-નાઈટ ટેસ્ટ મેચ 2019માં બાંગ્લાદેશ સામે કોલકાતાના ઐતિહાસિક ઈડન ગાર્ડનમાં રમી હતી. આ ટેસ્ટ મેચને ટીમ ઈન્ડિયાએ સવા બે દિવસમાં જ ઈનિંગ્સ અને 46 રનથી જીતી લીધી હતી.

સાઉથ આફ્રિકાના પ્રવાસની સાથે જ ખતમ થઈ જશે ઈશાંત શર્માનું કરિયર!

એક ન્યૂઝ ચેનલ સાથેની વાતચીતમાં ગાંગુલીએ કહ્યું કે, ‘તે ભવિષ્ય છે, ખાસ કરીને ટેસ્ટ ક્રિકેટમાં. તેનું કારણ એ છે કે તે લોકોને એક દિવસના કામ પછી ખેલમાં પાછા લાવે છે. એવું એટલા માટે કે લોકોની પાસે પાંચ દિવસની ટેસ્ટ મેચ જોવા માટે પોતાના ડેઈલી રૂટિનના કામમાંથી સમય નથી. મને એ દિવસ યાદ છે, જ્યારે ઈડન ગાર્ડનમાં મેચ રમાઈ હતી ત્યારે સ્ટેડિયમ દર્શકોથી ખચાચક ભરેલું હતું.’

ભારતે પોતાની ત્રણે ડે-નાઈટ ટેસ્ટ વિરાટ કોહલીની કેપ્ટનશિપમાં રમી છે. ટીમ ઈન્ડિયાએ બીજી પિંક બોલ ટેસ્ટ ઓસ્ટ્રેલિયા સામે રમી હતી. આ ટેસ્ટ મેચમાં ટીમ ઈન્ડિયા પહેલી ઈનિંગ્સમાં માત્ર 36 રન પર ઓલઆઉટ થઈ ગઈ હતી. તે ટીમ ઈન્ડિયાનો ટેસ્ટ ક્રિકેટનો સૌથી ઓછો સ્કોર હતો.
રવિ શાસ્ત્રીએ કર્યો ચોંકાવનારો ખુલાસો, કહ્યું- અમુક લોકો મને કોચ તરીકે જોવા માગતા ન હતા
ગાંગુલીના કહેવા મુજબ, ‘તમે તેને ઓસ્ટ્રેલિયા અને ન્યૂઝીલેન્ડમાં જોઈ શકો છો. તમે જોશો કે, ત્યાં સ્ટેન્ડ પૂરા ભરાયેલા હોય છે. આશા છે કે, ભારતમાં રમાનારી આગામી પિંક બોલ ટેસ્ટમાં પણ દર્શક સ્ટેન્ડમાં ભરેલા હશે.’

ભારતીય ટીમ થોડા દિવસ પછી સાઉથ આફ્રિકાના પ્રવાસે જવાની છે. પ્રવાસની શરૂઆત બોક્સિંગ ડે ટેસ્ટથી થશે. બીસીસીઆઈએ આગામી ટેસ્ટ સીરિઝમાં એક પિંક પોલ ટેસ્ટ રમવા પર ભાર આપ્યો છે. એમ પૂછવા પર કે શું પિંક બોલ ટેસ્ટને રેગ્યુલર કરવાની યોજના છે, તો તેના પર ગાંગુલીએ કહ્યું કે, ‘હા, ચોક્કસ, મને લાગે છે કે, બીસીસીઆઈમાં દરેક એવું જ માની રહ્યા છે.’

ચટાકેદાર ચટણી સાથે અહીંની કચોરી, સેવ-મમરા ના ખાધા હોય તેવો અમદાવાદી શોધવો મુશ્કેલ છે!



Source link

What’s your Reaction?
+1
0
+1
0
+1
0
+1
0
+1
0
+1
0
+1
0

LEAVE A REPLY

Please enter your comment!
Please enter your name here