TMKOC team at Niyati joshi’s reception: ‘જેઠાલાલ’ની પુત્રીના રિસેપ્શનમાં આવી TMKOCની ટીમ, ‘અનુપમા’ના ‘બા’એ પણ નવદંપતીને આપ્યા આશીર્વાદ – taarak mehta ka ooltah chashmah team attended dilip joshi’s daughter’s reception

0


હાઈલાઈટ્સ:

  • દિલીપ જોષીની દીકરીના રિસેપ્શનમાં હાજર રહ્યા ટીવી જગતના જાણીતા સિતારા.
  • ‘તારક મહેતા..’ સીરિયલના નવા-જૂના તમામ કલાકારોએ આપી હાજરી.
  • દીકરીની સંગીત સેરેમનીમાં દિલીપ જોષીએ ખૂબ ડાન્સ કર્યો હતો.

‘તારક મહેતા કા ઉલ્ટા ચશ્મા’ના જેઠાલાલ એટલે કે એક્ટર દિલીપ જોષીની દીકરી નિયતિના લગ્ન હાલમાં જ નાસિકમાં યોજાયા હતા. 8 ડિસેમ્બરે નાસિકમાં લગ્ન બાદ 11 ડિસેમ્બરે મુંબઈની ફાઈવ સ્ટાર હોટેલમાં નિયતિ અને યશોવર્ધનનું રિસેપ્શન યોજાયું હતું. જેમાં ‘તારક મહેતા કા ઉલ્ટા ચશ્મા’ની આખી ટીમ ઉપરાંત મનોરંજન ઈન્ડસ્ટ્રીની જાણીતી હસ્તીઓ સામેલ થઈ હતી.

દીકરીની સંગીત સેરેમનીમાં ઢોલના તાલે ગરબે ઘુમ્યા ‘જેઠાલાલ’, મહેમાન સાથે મળીને ગીત ગાયું

‘તારક મહેતા કા ઉલ્ટા ચશ્મા’ના ડાયરેક્ટર માલવ રાજદાએ નિયતિના રિસેપ્શનની કેટલીક તસવીરો શેર કરી છે. જેમાં માલવ ઉપરાંત પત્ની પ્રિયા આહુજા (રિટા રિપોર્ટ), કુશ શાહ (ગોલી), સમય શાહ (ગોગી), સોનુ (પલક સિદ્ધવાની) જોવા મળે છે. માલવે આ તસવીરો શેર કરતાં લખ્યું, “ગઈકાલે રાત્રે દિલીપ જોષીની દીકરી નિયતિના લગ્નમાં…નવદંપતીને ફરી એકવાર અભિનંદન અને સુખી લગ્નજીવનની શુભેચ્છા. મને લાગે છે કે વર-વધૂ કરતાં વધુ તસવીરો તો પ્રિયા આહુજા અને પલક સિદ્ધવાનીએ ક્લિક કરી હશે.”

પ્રિયા આહુજાએ પણ પોતાના ઈન્સ્ટાગ્રામ પર રિસેપ્શનની તસવીરો શેર કરી છે. જેમાં સમય, કુશ, માલવ અને પલક સાથે પ્રિયા પોઝ આપી રહી છે.

‘તારક મહેતા કા ઉલ્ટા ચશ્મા’ના ચશ્માના ફેન પેજ પર શોના બાકીના કલાકારોની તસવીરો પણ શેર કરવામાં આવી છે. જેમાં સુનૈના ફોજદાર, રાજ અનડકત, શૈલેષ લોઢા, ભવ્ય ગાંધી, તનુજ મહાશબ્દે, દયાશંકર પાંડે, જેનિફર મિસ્ત્રી, અમિત ભટ્ટ, મુનમુન દત્તા, ગુરુચરણ સિંહ સોઢી, તન્મય વેકરિયા વગેરેને જોઈ શકાય છે. દિલીપ જોષીએ દીકરીના રિસેપ્શનમાં ‘તારક મહેતા કા ઉલ્ટા ચશ્મા’ના નવા-જૂના તમામ કલાકારો અને ટીમના સભ્યોને આમંત્રિત કર્યા હતા.

ફેનપેજ પર વધુ એક વિડીયો સામે આવ્યો છે જેમાં ‘તારક મહેતા કા ઉલ્ટા ચશ્મા’ના પ્રોડ્યુસર આસિત કુમાર મોદીને પણ રિસેપ્શનમાં જોઈ શકાય છે. આસિત કુમાર મોદી રિસેપ્શનમાં જ નહીં સંગીત સેરેમની અને લગ્નમાં પણ હાજર રહ્યા હતા.

‘તારક મહેતા કા ઉલ્ટા ચશ્મા’ની ટીમ સિવાય અભિનેતા કિકૂ શારદા પણ નિયતિ જોષીના રિસેપ્શનમાં ઉપસ્થિત રહ્યો હતો. એક્ટર અમિત ભટ્ટે કિકૂ શારદા સાથેની તસવીર શેર કરી હતી, જે નિયતિના રિસેપ્શનની છે.

alpna dilip

‘અનુપમા’ સીરિયલમાં બાનો રોલ કરતાં અભિનેત્રી અલ્પના બુચ પણ દિલીપ જોષીની દીકરીના રિસેપ્શનમાં ઉપસ્થિત રહ્યા હતાં. એક્ટ્રેસ હિમાની શિવપુરીને પણ દિલીપ જોષીએ આમંત્રણ આપ્યું હતું.

એક્ટર બખ્ત્યાર ઈરાની પણ પત્ની તન્નાઝ અને દીકરી સાથે નિયતિના રિસેપ્શનમાં સામેલ થયો હતો. બખ્ત્યારે ઈન્સ્ટાગ્રામ પર ઢગલાબંધ તસવીરો શેર કરી છે. જેમાં તેની સાથે એક્ટ્રેસ સરિતા જોષી, શેફાલી શાહ, ટીકૂ તલસાણિયાને જોઈ શકાય છે.

bhaktyar at dilip joshi

બખ્ત્યાર અને તનાઝ સ્ટેજ પર નવદંપતીને આશીર્વાદ અને શુભેચ્છા આપવા ગયા હતા. તેની પણ તસવીર શેર કરી છે. જેમાં દિલીપ જોષી, તેમની દીકરી અને જમાઈ ઉપરાંત અન્ય મહેમાનો સાથે તેઓ પોઝ આપતાં જોવા મળી રહ્યા છે.

વીણા નાગડાએ અંકિતા લોખંડેના હાથમાં મૂકી વિકીના નામની મહેંદી, ફ્રેન્ડ્સ સાથે ખૂબ કરી ધમાલ

થોડા દિવસ પહેલા જ નિયતિની સંગીત સેરેમની યોજાઈ હતી. જેમાં દિલીપ જોષી ખૂબ નાચ્યા હતા. જાણીતા મ્યૂઝિશિયન નૈતિક નાગડાના બેન્ડે નિયતિની સંગીત સેરેમનીમાં પર્ફોર્મ કર્યું હતું. ત્યારે નૈતિકે ઈન્સ્ટાગ્રામ પર દિલીપ જોષીની દીકરીની સંગીત સેરેમનીની ઝલક બતાવતો વિડીયો પણ શેર કર્યો છે.

જણાવી દઈએ કે, દિલીપ જોષીને સીરિયલ ‘તારક મહેતા કા ઉલ્ટા ચશ્મા’ દ્વારા દર્શકોનો અપાર પ્રેમ મળ્યો છે. જેઠાલાલનું પાત્ર તેઓ છેલ્લા 13 વર્ષથી ભજવી રહ્યા છે.





Source link

What’s your Reaction?
+1
0
+1
0
+1
0
+1
0
+1
0
+1
0
+1
0

LEAVE A REPLY

Please enter your comment!
Please enter your name here