cds general bipin rawat last video: CDS રાવતનો જવાનોના નામે અંતિમ સંદેશ! કાર્યક્રમમાં વિડીયો જોઈ લોકો ભાવુક થયા – cds general bipin rawat’s last video message played at swarnim vijay parv

0


હાઈલાઈટ્સ:

  • ભારતીય સેના દ્વારા સીડીએસ જનરલ બિપિન રાવતનો અંતિમ વિડીયો જાહેર કરાયો
  • 7 ડિસેમ્બરના રોજ રેકોર્ડ કરવામાં આવ્યો હતો બિપિન રાવતનો અંતિમ વિડીયો
  • સ્વર્ણિમ વિજય પર્વને મનાવવા માટે બિપિન રાવતે દેશવાસીઓને અપીલ કરી હતી

ભારતના પ્રથમ ચીફ ઓફ ડિફેન્સ સ્ટાફ જનરલ બિપિન રાવત, તેમના પત્ની મધુલિકા રાવત, જનરલ બિપિન રાવતના રક્ષા સલાહકાર બ્રિગેડિયર એલએસ લિદ્દર સહિત 13 લોકોનાં 8 ડિસેમ્બર બુધવારના રોજ તમિલનાડુના કુન્નુરની નજીક બપોરે 12 વાગીને 22 મિનિટ પર ભયાનક હેલિકોપ્ટર દુર્ઘટનામાં દુઃખદ નિધન થયું હતું. તેમના નિધનથી આજે પણ દેશભરમાં શોકનો માહોલ છે. તેવામાં હવે બિપિન રાવતનો સ્વર્ણિમ વિજય પર્વના અવસરનો અંતિમ વિડીયો ઈન્ડિયન આર્મી દ્રારા શેર કરવામાં આવ્યો છે.

ઈન્ડિયન આર્મીએ રવિવારે 1.09 મિનિટે એક વિડીયો જાહેર કર્યો છે, જેમાં જનરલ બિપિન રાવત 1971ના યુદ્ધની 50મી વર્ષગાંઠના પ્રસંગે સશસ્ત્ર બળોનાં જવાનોને શુભકામનાઓ પાઠવી હતી. સેનાના સુત્રોએ જણાવ્યું કે, વિડીયો 7 ડિસેમ્બરની સાંજે રેકોર્ડ કરવામાં આવ્યો હતો. હેલિકોપ્ટર દુર્ઘટનામાં દુઃખદ નિધનના ફક્ત એક દિવસ પહેલાં પોતાના અંતિમ જાહેર સંદેશમાં ભારતના પ્રથમ ચીફ ઓફ ડિફેન્સ જનરલ બિપિન રાવતે કહ્યું હતું કે, આપણી સેનાઓ પર આપણને ગર્વ છે, આવો મળીને વિજય પર્વ મનાવીએ.

નાજુક છતાં સ્ટેબલ છે ગ્રુપ કેપ્ટન વરુણ સિંહની તબિયત, આખો દેશ કરી રહ્યો છે પ્રાર્થના

વિડીયો ક્લિપમાં જનરલ બિપિન રાવત 1971માં પાકિસ્તાનની સાથે થયેલ યુદ્ધમાં જીવ ગુમાવનાર ભારતીય સશસ્ત્ર બળોના જવાનોને ભાવભીની શ્રદ્ધાંજલિ આપી હતી અને દેશવાસીઓને યુદ્ધમાં વિજયની 50મી વર્ષગાંઠ મનાવવાની અપીલ કરી હતી. વિડીયોમાં જનરલ બિપિન રાવત કહે છે કે, હું સ્વર્ણિમ વિજય પર્વના અવસર પર ભારતીય સશસ્ત્ર બળોના તમામ વીર સૈનિકોને હાર્દિક શુભકામના પાઠવું છું. આપણે 1971ના યુદ્ધમાં જીતની 50મી વર્ષગાંઠના વિજય પર્વ તરીકે મનાવી રહ્યા છીએ.

સીડીએસ જનરલ બિપિન રાવતે પોતાના સંદેશના અંતમાં કહ્યું હતું કે, આપણી સેનાઓ પર અમને ગર્વ છે, આવો મળીને વિજય પર્વ મનાવીએ. વિડીયોને ઈન્ડિયા ગેટ પરિસરમાં વિજય પર્વના સમારોહના ઉદ્ઘાટન સમારોહમાં ચલાવવામાં આવ્યો હતો. આ કાર્યક્રમમાં રક્ષા મંત્રી રાજનાથ સિંહ અને દેશના ટોચના સૈન્ય અધિકારીઓએ ભાગ લીધો હતો. જ્યારે જનરલ રાવતનો અંતિમ વિડીયો ચાલી રહ્યો હતો તે ક્ષણ ખુબ જ ભાવુક કરી દે તેવી હતી. 16 ડિસેમ્બર 1971ના રોજ લગભગ 93 હજાર પાકિસ્તાની સૈનિકોને ભારતીય સેનાના સંયુક્ત બળો અને મુક્તિ વાહિનીની સમક્ષ આત્મસમર્પણ કરી દીધું હતું, જે બાદ બાંગ્લાદેશી સ્થાપનાનો માર્ગ મોકળો બન્યો હતો.



Source link

What’s your Reaction?
+1
0
+1
0
+1
0
+1
0
+1
0
+1
0
+1
0

LEAVE A REPLY

Please enter your comment!
Please enter your name here