happy birthday yuvraj singh: હેપ્પી બર્થ-ડે યુવરાજ સિંહઃ સફેદ બોલથી રમનારો ભારતનો સૌથી મોટો મેચ વિનર – happy birthday yuvraj singh a biggest match winner of indian cricket history in white ball format

0


કપિલ દેવે એકવાર કહ્યું હતું કે ભારતમાં અત્યાર સુધી માત્ર બે જ ડાબોડીઓ પેદા થયા છે. પ્રથમ સૌરવ ગાંગુલી અને બીજો યુવરાજ સિંહ. બાળપણમાં ‘ટોર્ચર’ સહન કરનાર યુવરાજ સિંહનો આજે જન્મદિવસ છે. આજે યુવીના 40માં જન્મદિવસ પર તેની કહાણી જણાવીશું. તેણે કેવી રીતે છ બોલમાં છ છગ્ગા માર્યા. ટીમ ઈન્ડિયાને બે-બે વર્લ્ડ કપ અપાવ્યા. ઉપરાંત મેદાનમાં લોહીની ઉલટીઓ કરી હતી અને કેન્સર સામેની લડાઈ લડી. આ કહાણી શરૂ થાય છે 12 ડિસેમ્બર 1981 એકલે કે આજથી 40 વર્ષ પહેલા પંજાબ-હરિયાણાની સંયુક્ત રાજધાની ચંદીગઢથી.

ક્રિકેટર નહીં સ્કેટર બનવા માંગતો હતો
પિતા યોગરાજ સિંહ પોતે ભારતીય ટીમ માટે રમી ચૂક્યા હતા. યુવીનો જન્મ થયો ત્યારે તેઓ કોઈ મેચ રમી રહ્યા હતા. દરમિયાન તેમને સમાચાર મોકલવામાં આવ્યા કે ઘરમાં એક છોકરાનો જન્મ થયો છે. યોગરાજ પણ ઈચ્છતા હતા કે દીકરો તેમણે જોયેલું સપનું પૂરું કરે. એટલે કે ભારતીય ક્રિકેટ ટીમના સ્ટાર બને. આશ્ચર્યની વાત એ છે કે યુવરાજ ક્યારેય ક્રિકેટર બનવા માંગતો ન હતો, તે ટેનિસ રમતો હતો અને રોલર સ્કેટિંગ કરતો હતો.

યુવરાજ પિતાની તપસ્યાનું પરિણામ
યુવીના પિતાએ પોતાનું આખું જીવન ક્રિકેટર બનવા માટે સમર્પિત કર્યું હતું. તેઓ ઘરે જ પ્રેક્ટિસ કરાવતા હતા. જ્યારે યુવરાજના બધા મિત્રો મસ્તી કરતા હતા, તેના પિતરાઈ ભાઈઓ ફેમિલી ફંક્શનમાં મોજ કરતા ત્યારે તે પ્રેક્ટિસમાં વ્યસ્ત રહેતો હતો. નાના યુવરાજને લાગતું હતું કે તેના પર અત્યાચાર થઈ રહ્યો છે, પરંતુ આજે તેનો રેકોર્ડ જોઈને કોઈ પણ કહી શકે છે કે બાળપણની આ મહેનત વ્યર્થ નથી ગઈ.

આ રીતે સપનાની સફર શરૂ થઈ
યુવરાજની પ્રતિભાને જોતા તેને 1995-96માં પંજાબની અંડર-16 ટીમમાં પસંદ કરવામાં આવ્યો હતો. ધીમે ધીમે જુનિયર ક્રિકેટમાં નામ ચાલવા લાગ્યું. વર્ષ 2000માં તેને અંડર-19 વર્લ્ડ કપમાં જગ્યા મળી હતી. ત્યારે પ્લેયર ઓફ ધ ટુર્નામેન્ટ યુવીની પરફ્રોર્મન્સને કારણે ભારત ચેમ્પિયન બન્યું હતું. અહીંથી તેના સપનાની સફર શરૂ થઈ. જે સપનું તેના પપ્પાએ ખુલ્લી આંખે જોયું હતું. તે જ વર્ષે તેને સિનિયર ટીમમાં તક મળી. ICC નોકઆઉટ ટ્રોફીમાં કેન્યા સામે ડેબ્યૂ કર્યું. લગભગ એક વર્ષ સુધી ટીમની અંદર અને બહાર રહ્યા પછી 2002 નેટવેસ્ટ ટ્રોફીની તે ફાઇનલ મેચ જેણે યુવરાજને યુવરાજ સિંહ બનાવી દીધો.

કમ્પલિટ ઓલરાઉન્ડર હતો યુવરાજ
2003 વર્લ્ડ કપમાં સામેલ યુવરાજ સિંહે ટૂર્નામેન્ટમાં બે અડધી સદી ફટકારી હતી. ટૂંક સમયમાં જ ટીમ ઈન્ડિયા તેના વિના અધૂરી લાગવા લાગી. યુવીની રમતમાં સતત સુધારો થઈ રહ્યો હતો. છ ફૂટ એક ઇંચ ઉંચો યુવરાજ લોઅર મિડલ ઓર્ડરમાં આવીને સારો ફિનિશર બન્યો. તે લાંબા-લાંબા છગ્ગા ફટકારતો હતો. માત્ર પાર્ટ ટાઈમ બોલિંગ જ નહીં પણ જ્યારે તક મળે ત્યારે વિકેટ પણ લેતો હતો, તેની પાસે શોટ્સની ભરમાર હતી. ફિલ્ડિંગમાં નબળી ટીમ ઈન્ડિયાને પણ ઝડપી ફિલ્ડર મળી ગયો હતો.

છ બોલમાં છ છગ્ગા
સમયનું ચક્ર ફરતું-ફરતું 2007 સુધી પહોંચ્યું. 50 ઓવરના વર્લ્ડ કપમાં શરમજનક રીતે બહાર થયેલી ટીમ ઈન્ડિયાએ આ વર્ષે પ્રથમ વખત યોજાનારી T20 વર્લ્ડ કપમાં રમવાનો ઈન્કાર કરી દીધો હતો. સિનિયર્સની ગેરહાજરીમાં યુવરાજને ખાતરી હતી કે તેને કેપ્ટનશિપ મળશે, પરંતુ ધોનીને તક મળી. ઈંગ્લેન્ડ સામે તેણે છ બોલમાં સતત છ છગ્ગા ફટકારીને ન માત્ર ઈતિહાસ રચ્યો હતો પરંતુ ભારતને કપ અપાવવામાં પણ મહત્વની ભૂમિકા ભજવી હતી.

વધુ એક લડાઈ લડવાની બાકી હતી
ભારતે 2011માં 50 ઓવરનો વર્લ્ડ કપ પણ જીત્યો હતો. અહીં પણ યુવી મેન ઓફ ધ ટુર્નામેન્ટ રહ્યો હતો. મેચ દરમિયાન લોહીની ઉલટી થઈ ત્યારે કોઈને ખબર ન હતી કે તે કેન્સર સામે લડી રહ્યો છે. પછી આ જીવલેણ રોગ પહેલા સ્ટેજ પર હતો, તેણે વિદેશ જઈને તેની સારવાર કરાવી. આ બીમારીએ તેને અંદરથી નબળો બનાવી દીધો હતો. દુનિયાને લાગતું હતું કે યુવી ક્યારેય પુનરાગમન કરી શકશે નહીં, પરંતુ ત્રણ વર્ષ અને 60 વનડે પછી 2017માં તેને વિરાટની કેપ્ટન્સીમાં તક મળી. કટકમાં ઈંગ્લેન્ડ સામે તેણે 127 બોલમાં 150 રન બનાવ્યા અને કારકિર્દીની સૌથી મોટી ઈનિંગ રમી હતી.

ભીની આંખો સાથે ક્રિકેટને અલવિદા કહ્યું
યુવરાજે તેની ઉંમર અને ફિટનેસને કારણે 19 જૂન 2019ના રોજ આંતરરાષ્ટ્રીય ક્રિકેટમાંથી નિવૃત્તિ લીધી હતી. 19 વર્ષની તેની શાનદાર કારકિર્દીમાં યુવીએ 304 ODI, 40 ટેસ્ટ અને 58 T20 ઈન્ટરનેશનલ રમી, જેમાં તેણે 11,000થી વધુ રન બનાવ્યા. આઈપીએલમાં કિંગ્સ ઈલેવન પંજાબ, સહારા પુણે વોરિયર્સ, મુંબઈ ઈન્ડિયન્સ, આરસીબી અને સનરાઈઝર્સ હૈદરાબાદમાં રમ્યો હતો. એક હકીકત એ પણ છે કે BCCIએ યુવરાજ સિંહની પ્રતિભા સાથે ન્યાય કર્યો નથી. 2007 અને 2011ના વર્લ્ડ ચેમ્પિયનને 2015 અને 2019ના વર્લ્ડ કપમાં રમવાની તક ના આપી.



Source link

What’s your Reaction?
+1
0
+1
0
+1
0
+1
0
+1
0
+1
0
+1
0

LEAVE A REPLY

Please enter your comment!
Please enter your name here