pm modi account hack: PM મોદીનું એકાઉન્ટ હેકઃ આ વર્ષે સરકારી સંસ્થાઓ પર 30 હજારથી વધુ સાયબર હુમલાઓ – pm modi’s account hacked: more than 30,000 cyber attacks on government institutions this year

0


હાઈલાઈટ્સ:

  • પીએમ નરેન્દ્ર મોદીનું ટ્વિટર એકાઉન્ટ હેકનો મામલો
  • આ વર્ષે દેશમાં સરકારી સંસ્થાઓ પર 30 હજારથી વધારે સાયબર હુમલાઓ
  • વર્ષ 2020માં સરકારી સંસ્થાઓ પર 50 હજારથી વધારે સાયબર હુમલાઓ કરવામાં આવ્યા હતા

રવિવારે પીએમ નરેન્દ્ર મોદીનું ટ્વીટર એકાઉન્ટ થોડા સમય માટે હેક થઈ ગયું હતું અને હેકરે પોસ્ટ કરીને લખ્યું હતું કે, ભારતે બિટકોઈનને સત્તાવાર સ્વીકૃતિ આપી દીધી છે. જે બાદ પ્રાઈમ મિનિસ્ટર ઓફિસ દ્વારા જણાવવામાં આવ્યું હતું કે, ઘટનાના તરત જ બાદ આ મામલે ટ્વિટરનું ધ્યાન દોર્યા બાદ એકાઉન્ટને સુરક્ષિત કરી દેવામાં આવ્યું હતું. અને સાથે જણાવવામાં આવ્યું હતું કે, તેમના દ્વારા કરવામાં આવેલ કોઈપણ ટ્વીટની અવગણના કરજો.

જો કે, આ પ્રથમ વખત ન હતું કે, જ્યારે હેકર્સ દ્વારા મોટા નેતાં કે સરકારી સંસ્થાઓ પર સાયબર હુમલાઓ કરવામાં આવ્યા હતા. સપ્ટેમ્બર 2020માં તેઓની પર્સનલ વેબસાઈટનું હેન્ડલ હેક કરવામાં આવ્યું હતું. આ ઉપરાંત બિટકોઈનનું પ્રમોશન કરતી ટ્વીટ એક સ્કેમની લિંક હતી. ગત વર્ષે જુલાઈમાં હેકર્સ દ્વારા પશ્ચિમના દેશોની પ્રખ્યાત સેલિબ્રિટી જેમ કે અમેરિકાના પૂર્વ પ્રેસિડેન્ટ બરાક ઓબામા, હાલના પ્રેસિડેન્ટ જો બાઈડેન (તે સમયે ડેમોક્રેટ તરફથી પ્રેસિડેન્ટના ઉમેદવાર), એમેઝોનના ફાઉન્ડર જેફ બેઝોસ, માઈક્રોસોફ્ટના કો-ફાઉન્ટર બિલ ગેટ્સ અને ટેસ્લાના સીઈઓ એલન મસ્કનું એકાઉન્ટ પણ હેક કરવામાં આવ્યું હતું.

PM મોદીનું ટ્વિટર એકાઉન્ટ હેક, PMOએ કહ્યું- તે દરમિયાનની ટ્વિટને ઈગ્નોર કરો

પીએમ મોદીના ટ્વિટર એકાઉન્ટ હેકની આ ઘટના એવા સમયે સામે આવી છે જ્યારે ભારતે ક્રિપ્ટોકરન્સી સામે કડક વલણ અપનાવ્યું છે. સરકાર દ્વારા ક્રિપ્ટોકરન્સી સામે કડક કાયદો લાવવામાં આવશે તેવું પણ જણાવવામાં આવી રહ્યું છે. સેન્ટ્રલ ગર્વમેન્ટના ડેટા અનુસાર,આ વર્ષે ઓક્ટોબર સુધીમાં સરકારી સંસ્થાઓ પર 30 હજારથી વધારે સાયબર હુમલાઓ કરવામાં આવ્યા છે. જ્યારે વર્ષ 2020માં સરકારી સંસ્થાઓ પર 50 હજારથી વધારે હુમલાઓ કરવામાં આવ્યા હતા.

શુક્રવારે લોકસભામાં એક પ્રશ્નના જવાબમાં ઈલેક્ટ્રોનિક્સ અને ઈન્ફોર્મેશન ટેક્નોલોજી મંત્રાલયે લેખિતમાં સાયબર હુમલાઓ અંગેનો ડેટા જાહેર કર્યો હતો. કેન્દ્રીય મંત્રી રાજીવ ચંદ્રશેખરે લોકસભાને જણાવ્યું કે, ઈન્ટરનેટનો ઉપયોગ વધુમાં વધુ લોકો દ્વારા કરવામાં આવતાં સરકાર સાયબર હુમલાઓ અંગે જાગૃત છે. ઈન્ડિયન કમ્પ્યુટર ઈમરજન્સી રિસ્પોન્સ ટીમને ભારતમાં સાયબર હુમલાઓને ટ્રેક અને મોનિટર કરવા ફરજિયાત બનાવી દેવામાં આવ્યું છે.

આ સાથે તેઓએ જણાવ્યું કે, વર્ષ 2020 અને 2021માં 1158208 અને 1213784 સાયબર હુમલાઓ અંગે રિપોર્ટ કર્યો હતો. જેમાંથી 54314 અને 32736 સાયબર હુમલાઓ સરકારી સંસ્થાઓ પર કરવામાં આવ્યા હતા. આ ઉપરાંત સરકાર દ્વારા આવા હુમલાઓનો સામનો કરવા માટેનાં પગલાં અંગે પણ તેઓએ લોકસભાને જણાવ્યું હતું.



Source link

What’s your Reaction?
+1
0
+1
0
+1
0
+1
0
+1
0
+1
0
+1
0

LEAVE A REPLY

Please enter your comment!
Please enter your name here