kashi vishvanath corridor: કાશી વિશ્વનાથ કોરિડોરનું પીએમ મોદી કરશે ઉદ્ઘાટન, રોશનીથી ઝગમગી ઉઠી નગરી – prime minister narendra modi to inaugurate kashi vishwanath dham corridor

0


હાઈલાઈટ્સ:

  • કાશી વિશ્વનાથ કોરિડોરના ઉદ્ઘાટન સમયે 3 હજાર જેટલા મહાનુભાવો રહેશે ઉપસ્થિત
  • કાશી વિશ્વનાથ મંદિરના ગર્ભગૃહમાં શિવર્ચનના મંત્રોચ્ચાર સાથે પીએમ કરશે ઉદ્ઘાટન
  • કાશી વિશ્વનાથ કોરિડોરના ઉદ્ઘાટન નિમિત્તે શિવ નગરીને રોશની અને ફૂલોથી શણગારાઈ

રાજીવ દીક્ષિત, લખનઉઃ વડાપ્રધાન નરેન્દ્ર મોદી 3 હજાર ધાર્મિક, આધ્યાત્મિક ગુરુઓ, દક્ષિણી શિવ સંપ્રદાયના પૂજારીઓ તેમજ મુખ્યમંત્રી યોગી આદિત્યનાથ અને ભાજપ શાસિત રાજ્યોના કેટલાક મુખ્યમંત્રીઓ સહિતના કેટલાક મહાનુભાવોની હાજરીમાં કાશી વિશ્વનાથ મંદિરના ગર્ભગૃહમાં શિવર્ચનના મંત્રોચ્ચાર સાથે સોમવારે શ્રી કાશી વિશ્વનાથ ધામ કોરિડોરનું ઉદ્ઘાટન કરશે.

કુન્નુર હેલિકોપ્ટર ક્રેશ: વીડિયોગ્રાફી કરનાર વ્યક્તિનો ફોન ફોરેન્સિક તપાસમાં મોકલાયો
’13મી ડિસેમ્બરનો દિવસ ઐતિહાસિક દિવસ છે. કાશીમાં એક વિશેષ કાર્યક્રમમાં, શ્રી કાશી વિશ્વનાથ ધામ પ્રોજેક્ટનું ઉદ્ઘાટન કરવામાં આવશે. આ કાશીની આધ્યાત્મિક ગતિમાં વધારો કરશે. હું આપ સૌને સોમવારે યોજાનારા કાર્યર્પમમાં સામેલ ખવા માચે આગ્રહ કરું છું’, તેમ વડાપ્રધાન મોદીએ ઉદ્ઘાટનની પૂર્વ સંધ્યાએ ટ્વીટ કર્યું હતું.

900 કરોડ રૂપિયાનો આ પ્રોજેક્ટ, જેમાં 400 મીટર લાંબો અને 75 મીટર પહોળો કોરિડોર છે, તે કાશી વિશ્વનાથ મંદિરને ગંગાના ત્રણ મુખ્ય ઘાટ સાથે જોડશે. યાત્રાળુઓને ઉચ્ચ શ્રેણીની સુવિધાઓ આપવા માટે અહીંયા 24 નવનિર્મિત બિલ્ડિંગ પણ છે. પીએમ પ્રોજેક્ટના પ્રથમ તબક્કાનું ઉદ્ઘાટન કરી રહ્યા છે.

‘કાશી માટે પીએમના વિઝનના પરિણામના રૂપમાં, કોરિડોર ગંગા અને મંદિર વચ્ચે તીર્થયાત્રાળુઓની મુશ્કેલી મુક્ત અવરજવરની સુવિધા આપે છે અને માત્ર વારાણસી જ નહીં, પરંતુ સમગ્ર પૂર્વાંચલ પ્રદેશના વિકાસનો માર્ગ મોકળો કરે છે, પ્રવાસના અને વેપારમાં વધારો કરે છે તેમજ અહીંયાના યુવાનો માટે રોજગારીની તકો ઉભી કરે છે’, તેમ કાશી વિશ્વનાથ મંદિરના એક અધિકારીએ જણાવ્યું હતું.

PM મોદીનું એકાઉન્ટ હેકઃ આ વર્ષે સરકારી સંસ્થાઓ પર 30 હજારથી વધુ સાયબર હુમલા
‘આ કોરિડોરના નિર્માણ પહેલા, કાશિ વિશ્વનાથ મંદિરમાં ગંગામાંથી સીધો પ્રવેશ થતો નહોતો અને ભક્તોએ મંદિર સુધી પહોંચવા માટે ભીડભાડવાળી ગલીઓમાંથી પસાર થવું પડતું હતું. કોરિડોર કાશીને તેના પ્રાચીન સાંસ્કૃતિક અને આધ્યાત્મિક વારસાને જાળવી રાખવા માટે નવી ઓળખ આપે છે’.

‘કાશી વિશ્વનાથ મંદિરના કોરિડોરના ઉદ્ઘાટન માટે પીએમ તેમજ અન્ય મહાનુભાવોની યજમામી કરવા માટે મંદિર, મંદિર ચોક તેમજ લલિત કાશી ઘાટથી મંદિર સુધીના 400 મીટરના કોરિડોરના વિસ્તાર સહિતની તમામ જરૂરી તૈયારીઓ પૂર્ણ કરી લેવામાં આવી છે’, તેમ ડિવિઝનલ કમિશનર તેમજ શ્રી કાશી વિશ્વનાથ સ્પેશિયલ એરિયા ડેવલપમેન્ટ બોર્ડના ચેરમેન દીપક અગ્રવાલે અમારા સહયોગી ટાઈમ્સ ઓફ ઈન્ડિયા સાથે વાતચીત કરતાં જણાવ્યું હતું.

સીએમ યોદી મેગા ઈવેન્ટની તૈયારીઓનું નિરીક્ષણ કરવા માટે વારાણસી પહોંચી ગયા છે. તમામ ઘાટ પર આગામી ત્રણ દિવસ સુધી દીવા પ્રગટાવવામાં આવશે. આ સિવાય ત્યાંના સ્થાનિકો પણ પોતાના ઘરોને રોશનીથી સજાવશે. પીએમ દ્વારા કરવામાં આવનારી ધાર્મિક વિધિઓ વિશે વાત કરતાં કાશી વિશ્વનાથ મંદિરના મુખ્ય પૂજારી શ્રીકાંત મિશ્રાએ કહ્યું હતું કે, ‘બોટ દ્વારા લલિત ઘાટ પહોંચ્યા બાદ, પીએમ મોદી ગંગાજળ લાવશે અને પગપાળા કાશી વિશ્વનાથ કોરિડોર જશે. પીએમ કાશી વિશ્વનાથ મંદિરના ગર્ભગૃહ પહોંચશે, જ્યાં ત્રણ પૂજારીઓ દ્વારા વૈદિક મંત્રોચ્ચારની વચ્ચે તેઓ કોરિડોરનું ઉદ્ઘાટન કરશે’.



Source link

What’s your Reaction?
+1
0
+1
0
+1
0
+1
0
+1
0
+1
0
+1
0

LEAVE A REPLY

Please enter your comment!
Please enter your name here