metro brands gmp: Metro Brands: કેટલો ભરાયો IPO, ગ્રે માર્કેટ પ્રિમિયમ શું સૂચવી રહ્યું છે? – metro brands ipo current status of subscription and grey market premium

0


હાઈલાઈટ્સ:

  • શુક્રવારે ખૂલ્યો હતો મેટ્રો બ્રાન્ડ્સનો આઈપીઓ, 485-500 રુપિયા ઓફર પ્રાઈસ
  • 14 ડિસેમ્બરે અરજી કરવાની છેલ્લી તારીખ, જોકે ગ્રે માર્કેટમાં ખાસ ઉત્સાહ નહીં
  • લોંગ ટર્મ વ્યૂ સાથે આઈપીઓ ભરવાની એક્સપર્ટ્સની સલાહ

અમદાવાદ: રાકેશ ઝુનઝુનવાલાનું રોકાણ ધરાવતી મેટ્રો બ્રાન્ડ્સના આઈપીઓને ખાસ રિસ્પોન્સ નથી મળ્યો. શુક્રવારે આ આઈપીઓ ખૂલ્યો હતો. આજે તેનો બીજો દિવસ છે. જોકે, પ્રાપ્ત વિગતો અનુસાર પહેલા દિવસે આ આઈપીઓ માંડ 27 ટકા જેટલો જ ભરાયો હતો. આમ, રિટેઈલ ઈન્વેસ્ટર્સમાં આ આઈપીઓને ખાસ પ્રતિભાવ નથી મળ્યો. ફુટવેર રિટેઈલર એવી મેટ્રો બ્રાન્ડ્સ 295 કરોડ રુપિયાની ફ્રેશ ઈક્વિટી સાથે પ્રમોટર્સ અને અન્ય શેરહોલ્ડર્સના 2.14 કરોડ શેર્સ આઈપીઓ મારફતે માર્કેટમાં ડમ્પ કરી રહી છે.

485-500 રુપિયાની રેન્જમાં કંપનીએ પોતાના શેર્સ ઓફર કર્યા છે. 14 ડિસેમ્બરે આ આઈપીઓ બંધ થશે. જોકે, એક્સપર્ટ્સ તેના વધારે પડતા ઉંચા મૂલ્યાંકનને લઈને સવાલ ઉઠાવી રહ્યા છે. 13 ડિસેમ્બરે બપોરે 1 વાગ્યાની સ્થિતિએ આ આઈપીઓ માંડ 39 ટકા જેટલો ભરાયો હતો. બીજી તરફ, ગ્રે માર્કેટમાં પણ મેટ્રો બ્રાન્ડ્સનું પ્રિમિયમ ઘટી રહ્યું છે. આઈપીઓ પહેલા શેરદીઠ બોલાઈ રહેલું 80 રુપિયાનું પ્રિમિયમ હવે ઘટીને 25 રુપિયા સુધી પહોંચી ગયું છે. જાણકારોનું માનવું છે કે તેમાં હજુય ઘટાડો થઈ શકે છે.

ઝુનઝુનવાલાનો મોટો દાવ સફળ રહ્યો, આ શેરમાં બિગબુલ રુ. 6500 કરોડના પ્રોફિટમાં

કોરોના પહેલા કંપનીનું પર્ફોમન્સ સારું હતું. જોકે, માર્ચ 2020થી સ્થિતિ બદલાઈ હતી. લોકડાઉન દરમિયાન ફુટવેર સેગમેન્ટમાં ડિમાન્ડ સાવ ઘટી ગઈ હતી. જેના કારણે FY21માં કંપનીની આવક પર પણ સીધી અસર જોવા મળી હતી. મોટાભાગના એક્સપર્ટ્સ આ આઈપીઓને લોંગ ટર્મ વ્યૂ સાથે સબસ્ક્રાઈબ કરવાની ભલામણ કરી રહ્યા છે. તેમના મતાનુસાર કંપની પાસે ગ્રોથની સારી તક છે, તેમજ તેનો ફાઈનાન્શિયલ રેકોર્ડ પણ મજબૂત છે.

દેશના ઓર્ગેનાઈઝ્ડ ફુટવેર સેગમેન્ટની વાત કરીએ તો રિલેક્સો 13.9 ટકા માર્કેટ શેર સાથે ટોચ પર આવે છે. ત્યારબાદ 12.4 ટકાના માર્કેટ શેર સાથે મેટ્રો બ્રાન્ડ્સ બીજા અને 10.5 ટકાના માર્કેટ શેર સાથે મિર્ઝા ત્રીજા નંબરે છે. લિબર્ટીનો આ ક્ષેત્રમાં 9.5 ટકા હિસ્સો છે, જ્યારે ખાદીમ અને બાટા અનુક્રમે 8.1 અને 7.2 ટકા હિસ્સો ધરાવે છે. મેટ્રોના 134 શહેરોમાં 586 સ્ટોર્સ આવેલા છે. જ્યાં મોચી, વોકવે, દાવિન્સી, જે. ફોન્તિની જેવી તેની પોતાની ઉપરાંત ક્રોક્સ, સ્કેચર્સ, ક્લાર્ક્સ, ફિટફ્લોપ જેવી થર્ડ પાર્ટી બ્રાન્ડ્સનું પણ વેચાણ થાય છે.



Source link

What’s your Reaction?
+1
0
+1
0
+1
0
+1
0
+1
0
+1
0
+1
0

LEAVE A REPLY

Please enter your comment!
Please enter your name here