helicopter joy ride ahmedabad: જાન્યુ.થી શરૂ થશે જોય રાઈડ, શહેરના પ્રસિદ્ધ સ્થળોની હવાઈ સફર કરાવાશે – joy ride will begin in january air travel will be done to famous places of ahmedabad

0


અમદાવાદ: હવે અમદાવાદીઓ હેલિકોપ્ટરમાં બેસીને એરિયલ વ્યૂની મજા માણી શકશે. પ્રાપ્ત અહેવાલો અનુસાર અમદાવાદ સાબરમતી રિવરફ્રન્ટ પર હેલિકોપ્ટર જોય રાઈડની સેવા જાન્યુઆરી મહિનાના પ્રારંભથી જ શરૂ થઈ જશે તેવું જાણવા મળ્યું છે. ઉલ્લેખનીય છે કે, અમદાવાદના સાબરમતી રિવેરફ્રન્ટથી કેવડીયામાં આવેલ સ્ટેચ્યૂ ઓફ યુનિટી વચ્ચે સી પ્લેનની સેવા ગત ઓક્ટોબર મહિનામાં શરૂ કરવામાં આવી હતી. આ સેવા એક વર્ષમાં જ મુસાફરો ન મળતા બંધ કરી દેવાઈ છે. આમ સી-પ્લેનના ફિયાસ્કા બાદ હવે અમદાવાદમાં જો હેલિકોપ્ટરથી જોય રાઈડ શરૂ કરાશે. જો કે, આ પ્રોજેક્ટ પણ કેટલો કારગત નીવડે છે તે આગામી સમયમાં જોવાનું રહેશે.

અમદાવાદના પ્રસિદ્ધ સ્થળોની હવાઈ સફર
પ્રાપ્ત માહિતી અનુસાર આગામી મહિને વાયબ્રન્ટ સમિટના આયોજન પહેલા જોય રાઈડનો પ્રારંભ કરવાની તડામાર તૈયારી ચાલી રહી છે. સરકાર દ્વારા જોય રાઈડી ફાઈલ પર મંજૂરીની મહોર લગાવાય તેની રાહ જોવાઈ રહી છે. જોય રાઈડ શનિવાર અને રવિવારે બે દિવસ ઉડાન ભરશે. જેના માટે સાબરમતી રિવરફ્રન્ટ ખાતે સ્પોર્ટ્સ એરનામાં હેલિપેડ પણ બનાવી દેવાયું છે.

સૂત્રો પાસેથી પ્રાપ્ત માહિતી અનનુસાર જોય રાઈડમાં 8 મિનિટની સફર માટે બે હજાર અને જીએસટીનો ચાર્જ લેવામાં આવશે. ઉપરાંત જોય રાઈડમાં કોસ્ટ રિકવર માટે પ્રત્યેક દિવસે ઓછામાં ઓછા 70 મુસાફરો મળવા જરૂરી છે. આ જોય રાઈડમાં ઉપયોગમાં લેવાનાર સિંગલ એન્જિન બેલ 407 હેલિકોપ્ટરમાં એક કેપ્ટન, એક એન્જિનિયર સહિત પાંચ મુસાફરો બેસી શકશે. 8 મિનિટની જોય રાઈડમાં અમદાવાદના 11 સ્થળોની મુલાકાત કરાવાશે.

આ હશે જોય રાઈડનો રૂટ
મીડિયા રિપોર્ટ મુજબ સ્પોર્ટ્સ એરેના સાબરમતી રિવરફ્રન્ટથી પતંગ હોટલ-સાબરમતી રેલવે સ્ટેશન- સાબરમતી જેલ- નરેન્દ્ર મોદી સ્ટેડિયમ- અડાલજની વાવ- ધ બેલ્વેડ્રે ગોલ્ફ એન્ડ કન્ટ્રી ક્લબ- એસજીવીપી ઈન્ટરનેશનલ સ્કૂલૃ દૂરદર્શન ટાવર- ડ્રાઈવ ઈન સિનેમા થઈને સરદાર વલ્લભભાઈ પટેલ સ્ટેડિયમ સુધીના શહેરના પ્રસિદ્ધ 11 સ્થળો 8 મિનિટની જોય રાઈડમાં આવરી લેવામાં આવશે તેવું જાણવા મળ્યું છે.

હેલિકોપ્ટરથી એરિયલ વ્યૂ, કેટલો હશે ચાર્જ?
મીડિયા રિપોર્ટ મુજબ આ જોય રાઈડમાં બેસવા માટે વ્યક્તિદીઠ બે હજારની આસપાસ ટિકિટ રાખવામાં આવી છે. આ રાઈડની સેવા ફક્ત શનિ-રવિ ચાલુ રહેશે. જેથી વિકેન્ડમાં બુકિંગ પણ સારા મળી રહે. મુસાફરો પોર્ટલ પર ઓનલાઈન ટિકિટ બુક કરાવી શકશે. જેનું બુકિંગ પોર્ટલ પણ ટૂંક સમયમાં શરૂ થઈ જશે તેવું જાણવા મળ્યું છે.



Source link

What’s your Reaction?
+1
0
+1
0
+1
0
+1
0
+1
0
+1
0
+1
0

LEAVE A REPLY

Please enter your comment!
Please enter your name here