subramanian swamy: પ્રધાનમંત્રી અને નાણામંત્રીને અર્થશાસ્ત્રનું જ્ઞાન નથી, બંને ઘમંડીઃ સુબ્રમણિયન સ્વામી – pm and finance minister have no knowledge of economics, both arrogant: subramanian swamy

0


હાઈલાઈટ્સ:

  • સુબ્રમણિયન સ્વામીએ ફરી એકવાર પીએમ મોદી પર કર્યો પ્રહાર
  • સ્વામીએ કહ્યું કે, પીએમ મોદી અને નાણામંત્રીને અર્થશાસ્ત્રનું જ્ઞાન નથી
  • પીએમ મોદી અને નાણામંત્રી બંને ઘમંડી હોવાનું પણ સ્વામીએ જણાવ્યું હતું

ભાજપના સાંસદ સુબ્રમણિયન સ્વામી પોતાના બેબાક નિવેદનોને કારણે હંમેશા ચર્ચામાં રહે છે. તેઓ અનેક વખત પ્રધાનમંત્રી નરેન્દ્ર મોદી સહિતનાં મંત્રીઓ સામે ધારદાર પ્રહાર કર્યાં છે. હાલમાં જ બિપિન રાવતના નિધનને લઈને પણ હેલિકોપ્ટર ક્રેશની દુર્ઘટનાને તેઓએ ષડયંત્ર ગણાવ્યું હતું. અને આજે ઉત્તર પ્રદેશના મથુરામાં એક કાર્યક્રમ દરમિયાન ભાજપ સાસંદ સુબ્રમણિયન સ્વામીએ પીએમ મોદી અને નિર્મલા સીતારમણ પર પ્રહાર કરતાં કહ્યું હતું કે, પ્રધાનમંત્રીની સાથે-સાથે નાણામંત્રીને પણ અર્થશાસ્ત્રનું જ્ઞાન નથી, પીએમ અને નાણામંત્રી બંને ઘમંડમાં છે.

પીએમ અને નાણામંત્રી બંને ઘમંડીઃ સુબ્રમણિયન સ્વામી

સુબ્રમણિયન સ્વામી સોમવારે ઉત્તર પ્રદેશના મથુરા જિલ્લાના બરસાનામાં એક હોસ્પિટલના ભૂમિપુજનના કાર્યક્રમમાં પહોંચ્યા હતા. અહીં મીડિયા સાથેની વાતચીતમાં ભાજપ સરકાર સામે પ્રહાર કરતાં સુબ્રમણિયન સ્વામીએ કહ્યું હતું કે, મોંઘવારી એટલા માટે વધી રહી છે, કેમ કે અર્થશાસ્ત્ર અંગે ન તો પીએમને કોઈ જાણકારી છે, ન તો નાણામંત્રીને. આ બંને બહુ જ ઘમંડી છે. તેઓ વિચારે છે કે તેઓ તમામ વસ્તુઓ જાણે છે. પણ હકીકતમાં તેઓ કાંઈ જાણતા નથી, જ્યારે મોંઘવારી દર સતત વધી રહ્યો છે, અને વિકાસ વૃદ્ધિદર 2016થી સતત ઘટતો જઈ રહ્યો છે.

થોડા દિવસો અગાઉ મોદી સરકારનું રિપોર્ટ કાર્ડ ટ્વીટ કર્યું હતું

ઉલ્લેખનીય છે કે, સુબ્રમણિયન સ્વામી નરેન્દ્ર મોદી સરકારની અનેક વાર ટીકાઓ કરી ચૂક્યા છે. થોડા દિવસો અગાઉ જ સુબ્રમણિયન સ્વામીએ ટ્વીટ કરીને મોદી સરકાર પર નિશાના સાધતા લખ્યું હતું કે, મોદી સરકારનું રિપોર્ટ કાર્ડઃ ઈકોનોમી- ફેઈલ, સીમા સુરક્ષા- ફેઈલ, વિદેશ નીતિ- અફઘાનિસ્તાનમાં અસફળતા- પેગાસસ મામલો, આંતરિક સુરક્ષા- કાશ્મીર મામલો.. કોણ છે જવાબદાર.

બિપિન રાવતના નિધન બાદ પીએમ મોદી પર કર્યો હતો કટાક્ષ

હાલમાં જ હેલિકોપ્ટર ક્રેશમાં પ્રથમ સીડીએસ બિપિન રાવતના નિધન બાદ સુબ્રમણિયન સ્વામીએ ઉચ્ચસ્તરીય તપાસની માગ કરતાં પીએમ મોદી ઉપર પણ કટાક્ષ કર્યો હતો. સ્વામીએ એક વિડીયોમાં કહ્યું હતું કે, ચીન આપણી સીમાની અંદર હતું, તેમ છતાં પીએમ દ્વારા તેનું નામ લેવામાં આવી રહ્યું ન હતું. આ સમયે જનરલ રાવતે સ્પષ્ટ શબ્દોમાં કહ્યું હતું કે પાકિસ્તાનથી વધારે ચીન આપણું દુશ્મન નંબર 1 છે. આ સાથે જ સુબ્રમણિયન સ્વામીએ હેલિકોપ્ટર ક્રેશમાં ચીનનો હાથ હોવાનો આરોપ લગાવ્યો હતો.



Source link

What’s your Reaction?
+1
0
+1
0
+1
0
+1
0
+1
0
+1
0
+1
0

LEAVE A REPLY

Please enter your comment!
Please enter your name here