paper of head clerk: ગૌણ સેવા ભરતી પરીક્ષા મુદ્દે વિવાદ, એક દિવસ અગાઉ હેડ ક્લાર્કનું પેપર લીક થયું હોવાનો આક્ષેપ – paper of head clerk was allegedly leaked a day before exam in himmatnagar

0


| I am Gujarat | Updated: Dec 13, 2021, 7:14 PM

રાજ્યમાં રવિવારે ગૌણ સેવા પસંદગી મંડળ દ્વારા આયોજિત હેડ ક્લાર્કની પરીક્ષાનું પેપર લીક થયું હોવાનો આક્ષેપ યુવા નેતા યુવરાજ સિંહ દ્વારા કરવામાં આવ્યો

 

પ્રતીકાત્મક તસવીર

હાઈલાઈટ્સ:

  • ગૌણ સેવા ભરતી પરીક્ષા મુદ્દે વિવાદ, એક દિવસ અગાઉ હેડ ક્લાર્કનું પેપર લીક થયું હોવાનો આક્ષેપ
  • 10થી 12 લાખમાં પેપર વેચાયું હોવાનો અને હિંમતનગરના ફાર્મ હાઉસમાંથી લીક થયું હોવાનો આક્ષેપ
  • પેપર લીકમાં પોલીસ કર્મચારીની સંડોવણી હોવાના આક્ષેપ પણ કરવામાં આવ્યા

અમદાવાદ: રાજ્યભરની વિવિધ સરકારી કચેરીઓમાં ખાલી પડેલી હેડ ક્લાર્કની 186 જગ્યા ભરવા માટે ગઈકાલે ગુજરાત ગૌણ સેવા પસંદગી મંડળ દ્વારા હેડ ક્લાર્કની પરીક્ષાનું આયોજન કરવામાં આવ્યું હતું. હેડ ક્લાર્કની પરીક્ષા માટે કુલ 2,41,400 ઉમેદવારોએ અરજી કરી હતી. ત્યારે હવે ગૌણ સેવા ભરતી પરીક્ષા મુદ્દે વિવાદ સર્જાયો છે. રવિવારના રોજ ગૌણ સેવા પસંદગી મંડળ દ્વારા યોજવામાં આવેલી હેડ ક્લાર્કની પરીક્ષાનું પેપર એક દિવસ પહેલા લીક થયું હોવાનો આક્ષેપ યુવા નેતા યુવરાજ સિંહે કર્યો છે.

મળતી માહિતી મુજબ, રાજ્યમાં રવિવારે ગૌણ સેવા પસંદગી મંડળ દ્વારા આયોજિત હેડ ક્લાર્કની પરીક્ષાનું પેપર લીક થયું હોવાનો આક્ષેપ યુવા નેતા યુવરાજ સિંહ દ્વારા કરવામાં આવ્યો છે. તેમણે જણાવ્યું હતું કે, ગૌણ સેવા મંડળની આ પરીક્ષાનું પેપર હિંમતનગરથી લીક થયું હતું. પેપર લીકમાં પોલીસ કર્મચારીની સંડોવણી હોવાના આક્ષેપ પણ કરવામાં આવ્યા છે. સાથે-સાથે રૂપિયા 10થી 12 લાખમાં હેડ ક્લાર્કનું પેપર વેચાયું હોવાનો પણ આરોપ કરાયો છે. અહીં નોંધનીય છે કે હેડ ક્લાર્કની 186 જગ્યા ભરવા માટે ગઈકાલે ગુજરાત ગૌણ સેવા પસંદગી મંડળ દ્વારા પરીક્ષાનું આયોજન કરવામાં આવ્યું હતું. જેમાં દોઢ લાખ ઉમેદવારોએ આ પરીક્ષા આપી હતી.
ઓમિક્રોને પહેલો ભોગ લીધો, યુકેમાં એક દર્દીનું મોત.. 63 દેશોમાં દેખાયો નવો વેરિયંટ
મળતી માહિતી મુજબ, ગુજરાત ગૌણ સેવા પસંદગી મંડળ દ્વારા ગઈકાલે હેડ ક્લાર્કની 186 જગ્યા માટે સ્પર્ધાત્મક પરીક્ષા આયોજિત કરવામાં આવી હતી. જેમાં રાજકોટ કેન્દ્રમાં આ પરીક્ષામાં નોંધાયેલા 37,189માંથી માત્ર 14,020 ઉમેદવારોએ જ પરીક્ષા આપી હતી. આ પરીક્ષામાં માત્ર 38 ટકા ઉમેદવારોએ જ હાજરી આપી હતી. શહેરના 156 પરીક્ષા કેન્દ્રો પર આ પરીક્ષા માટે કોવિડ-19ની ગાઈડલાઈન મુજબ બેઠક વ્યવસ્થા ગોઠવવામાં આવી હતી. આ પરીક્ષામાં ગણિત તેમજ ભાષાના પ્રશ્નો ફેરવી પૂછાતા અનેક ઉમેદવારો મૂંઝાયા હતા. જ્યારે જનરલ નોલેજના સવાલો સરળ પૂછવામાં આવ્યા હતા. આ સિવાય જામનગરમાં અલગ-અલગ કુલ 24 કેન્દ્ર પર આ પરીક્ષા લેવામાં આવી હતી. આ માટે 7237 પરીક્ષાર્થીઓ નોંધાયા હતા, જેમાંથી 3405 ઉમેદવારો હાજર રહ્યા હતા. જ્યારે 3832 પરીક્ષાર્થીઓ ગેરહાજર રહ્યા હતા.

આસપાસના શહેરોના સમાચાર

Gujarati News – I am Gujarat: ગુજરાત, દેશ, વિદેશ, શિક્ષણ, બિઝનેસ, મૂવી, જ્યોતિષ, ધર્મ, સ્પોર્ટ્સના લેટેસ્ટ સમાચાર ઉપરાંત વાયરલ ન્યૂઝ મેળવવા માટે ડાઉનલોડ કરો I am Gujaratની એપ

Web Title : paper of head clerk was allegedly leaked a day before exam in himmatnagar
Gujarati News from I Am Gujarat, TIL Network



Source link

What’s your Reaction?
+1
0
+1
0
+1
0
+1
0
+1
0
+1
0
+1
0

LEAVE A REPLY

Please enter your comment!
Please enter your name here