5 year old girl teste positive in gandhinagar: જર્મનીથી પરત આવેલા ગાંધીનગરના પરિવારમાં 5 વર્ષની બાળકીનો રિપોર્ટ પોઝિટિવ – five year old girl from germany return family tested positive in ganghinagar

0


| TNN | Updated: Dec 14, 2021, 9:42 AM

કોરોનાના કોઈ લક્ષણો જણાતા ન હતા જોકે જર્મનીથી આવ્યા બાદ પાંચ દિવસ પછી આરટીપીસીઆર રિપોર્ટ પોઝિટિવ આવતા બાળકીના સેમ્પલ લઈને જીનોમ સિક્વન્સિંગ માટે મોકલાયા.

 

હાઈલાઈટ્સ:

  • કોઈ લક્ષણો જણાતા ન હતા પરંતુ રિપોર્ટમાં પોઝિટિવ આવતા બાળકીને ખાનગી હોસ્પિટલમાં સારવાર માટે દાખલ કરાઈ
  • બાળકીનો રિપોર્ટ પોઝિટીવ આવ્યા બાદ તેના માતા પિતા સહિત ચાર સભ્યોને ક્વોરન્ટાઈન કરીને મોનીટરીંગ શરૂ કરાયું.
  • અમદાવાદ બાદ હવે ગાંધીનગરમાં પણ ધીરે ધીરે કોરોના કેસ ફરી એકવાર વધી રહ્યા છે. ત્યારે વધુ સાવચેતીની જરુર છે.

અમદાવાદ/ગાંધીનગર: ગાંધીનગર શહેરના આરોગ્ય અધિકારીઓ ચિંતિત છે, કારણ કે જર્મનીથી હાલમાં જ પરત ફરેલી પાંચ વર્ષની બાળકીનો સોમવારે કોવિડ-19 ટેસ્ટ પોઝિટિવ આવ્યો હતો. બાળકી સુઘડ વિસ્તારમાં આવી હતી. ગાંધીનગર મ્યુનિસિપલ કોર્પોરેશન (જીએમસી) અધિકારીઓએ પોલીસને વિનંતી કરી છે કે શહેરમાં જાહેર મેળાવડા પર પ્રતિબંધ કરવામાં આવે. જોકે બાળકીમાં કોરોનાના કોઈ દ્રશ્ય લક્ષણો નથી, પરંતુ તેને શહેરની ખાનગી હોસ્પિટલમાં આઈસોલેટ કરવામાં આવી છે. આ સાથે તેના પરિવારને પણ પણ આઈસોલેટ કરવામાં આવ્યો છે.
ગુજરાતમાં સત્તાવાર કોરોના મૃત્યુઆંક 10,099 સામે 16,175 લોકોને વળતર ચૂકવાયું
“એ બાબતની હજુ સુધી પુષ્ટિ થઈ નથી કે બાળકી ઓમિક્રોન વેરિઅન્ટથી સંક્રમિત છે કે કેમ. રાજ્ય સરકાર કોવિડ સંક્રમણનું સ્વરૂપ જાહેર કરશે.” તેમ જીએમસીના આરોગ્ય અધિકારીએ જણાવ્યું હતું. અધિકારીએ ઉમેર્યું હતું કે છોકરી જર્મનીમાં તેના સંબંધીઓને મળવા ગઈ હતી અને ગયા બુધવારે પરત આવી હતી. જીએમસીના અધિકારીઓએ જણાવ્યું હતું કે તેના સેમ્પલ જીનોમ સિક્વન્સિંગ માટે મોકલવામાં આવ્યા છે. અમદાવાદમાં સોમવારના રોજ 18 કોવિડ-19 પોઝિટિવ કેસ નોંધાયા હતા, જે રવિવારે 10 કેસ કરતાં 80% વધીને નોંધાયા હતા. આ દિવસે ગુજરાતમાં 58 નવા કેસ નોંધાયા હોવાથી, દૈનિક કેસોમાં અમદાવાદનો 31% ભાગ છે. વલસાડમાં એક દર્દીના મૃત્યુ સાથે કોવિડ -19 ને કારણે મૃત્યુઆંક વધીને 10,099 થયો છે.
સાપ્તાહિક રાશિફળ 13થી 19 ડિસેમ્બર: 5 રાશિનું સૂતેલું નસીબ આ સપ્તાહમાં જાગી જશે
નવા પોઝિટિવ કેસમાં અમદાવાદ શહેરમાંથી 18, વડોદરા શહેરમાં 12, ભાવનગર શહેર અને કચ્છમાંથી 5-5, રાજકોટ શહેર અને નવસારીમાં 4-4, સુરત શહેર અને પાટણમાંથી 2-2 અને ગાંધીનગર શહેર તેમજ અમદાવાદ, ગાંધીનગરમાં ગીર સોમનાથ, રાજકોટ અને વડોદરા જીલ્લામાંથી 1-1 નવા કેસ નોંધાયા છે. રાજ્યમાં ગ્રામ્યની સામે શહેરો દૈનિક કેસોમાં 72% ભાગ ધરાવે છે. 56 દર્દીઓના ડિસ્ચાર્જ સાથે રાજ્યમાં એક્ટિવ કેસ 2 આંક ઘટીને 549 થઈ ગયા છે. જે ટોટલ એક્ટિવ કેસ પૈકી પાંચ દર્દી વેન્ટિલેટર પર છે. નિષ્ણાતોએ જણાવ્યું હતું કે સમગ્ર રાજ્યમાં ટેસ્ટ પોઝિટીવીટી રેટ 1% ની નીચે રહ્યો છે, પરંતુ વધુ પરીક્ષણો, ખાસ કરીને મુખ્ય ટ્રાન્ઝિટ પોઈન્ટ્સમાં હાથ ધરવામાં આવે તે કેસને વહેલી તકે ઓળખવા માટે જરૂરી છે. ગુજરાતમાં 24 કલાકમાં 2.56 લાખ લોકોને રસી અપાઈ છે, જે સાથે રસીકરણનો કુલ આંક 8.55 કરોડ થઈ ગયો છે.

આસપાસના શહેરોના સમાચાર

Gujarati News – I am Gujarat: ગુજરાત, દેશ, વિદેશ, શિક્ષણ, બિઝનેસ, મૂવી, જ્યોતિષ, ધર્મ, સ્પોર્ટ્સના લેટેસ્ટ સમાચાર ઉપરાંત વાયરલ ન્યૂઝ મેળવવા માટે ડાઉનલોડ કરો I am Gujaratની એપ

Web Title : five year old girl from germany return family tested positive in ganghinagar
Gujarati News from I Am Gujarat, TIL Network



Source link

What’s your Reaction?
+1
0
+1
0
+1
0
+1
0
+1
0
+1
0
+1
0

LEAVE A REPLY

Please enter your comment!
Please enter your name here