વાડજમાં બાઈકર્સ ગેન્ગનો ખુલ્લેઆમ આતંક, 20 વાહનોના કાચ ફોડ્યાં, યુવકને છરી મારી – bikers gang vandalize at least 20 vehicles in vadaj area on sunday night

0


હાઈલાઈટ્સ:

  • ગુનાખોરીનું હબ બની રહ્યા છે નારણપુરા-વાડજ વિસ્તાર.
  • વાડજમાં બાઈકર્સ ગેન્ગે 20 વાહનોના કાચ ફોડી કાઢ્યા.
  • અરાજક તત્વોએ ગેરેજ ચલાવતા એક યુવકને છરી પણ મારી.

અમદાવાદ- શહેરના અમુક વિસ્તારોમાં કાયદો અને વ્યવસ્થાની સ્થિતિ અત્યંત ખરાબ છે. આ વિસ્તારોમાં નારણપુરા-વાડજનો પણ સમાવેશ થાય છે. તાજેતરમાં જ વાડજ નિર્ણયનગર રોડ પર બાઈકર્સ ગેન્ગ દ્વારા આતંક મચાવવામાં આવ્યો હતો. આ અસામાજીક તત્વોએ નંદનવન વિસ્તારમાં એક યુવક પર છરીથી હુમલો કર્યો હતો. આટલુ જ નહીં, હાથમાં હથિયારો લઈને બૂમો પાડતા પાડતા રોડ પર નીકળ્યા હતા અને 20 વાહનોના કાચ ફોડી કાઢ્યા હતા. આ પ્રકારની ઘટનાને કારણે સમગ્ર વિસ્તારમાં ડરનો માહોલ વ્યાપી ગયો છે. ઘટનામાં હુમલાખોર રોહિત ઠાકોર અને તેની ગેંગ સંડોવાયેલી હોવાની જાણકારી મળતાં પોલીસે કાર્યવાહી શરુ કરી છે.

car break

તસવીર સૌજન્ય- યોગેશ ચાવડા

ઉલ્લેખનીય છે કે રવિવારની રાત્રે મોટી સંખ્યામાં લોકો પરિવાર સાથે બહાર આંટો મારવા નીકળતા હોય છે. લોકો પોતાના બાળકોને લઈને લટાર મારવા બહાર નીકળતા હોય છે. આ દરમિયાન આ પ્રકારે અસામાજીક તત્વો હાથમાં હથિયારો લઈને ચિચિયારી પાડતા બાઈક પર નીકળતાં તમામ લોકો હેબતાઈ ગયા હતા. એક ગેન્ગે સમગ્ર વિસ્તારને જાણે પોતાના તાબે કરી લીધો હતો. લોકો ઘરમાંથી બહાર નીકળતા પણ અચકાતા હતા. પ્રાપ્ત જાણકારી અનુસાર માથાભારે રોહિત ઠાકોર અને તેના પંદર સાથીઓ આ પ્રકારે બાઈક પર નીકળ્યા હતા. તેમના હાથમાં હોકી, દંડા, તલવાર અને છરીઓ જેવા હથિયાર હતા.

વાડજ-નિર્ણયનજર રોડ પર સ્થિત નંદનવન વસાહતમાં રહેતા અને ગેરેજ ચલાવતા એક યુવક પર આ લોકોએ હુમલો કર્યો હતો. તે વિસ્તારમાં પાર્ક કરેલી કાર અને રિક્ષાઓના કાચ પણ ફોડ્યા હતા. જે લોકો તેમને રોકવાનો પ્રયત્ન કરતા હતા તેમને પણ ડરાવવા-ધમકાવવાનો પ્રયત્ન કર્યો હતો. આ ગેન્ગને કારણે સમગ્ર વિસ્તારમાં સન્નાટો છવાઈ ગયો હતો. ગેન્ગ ત્યાંથી પસાર થઈ ગઈ પછી સ્થાનિકોએ હિંમત કરીને પોલીસ સ્ટેશનમાં ફરિયાદ નોંધાવી હતી. પોલીસ દ્વારા પ્રાપ્ત જાણકારી અનુસાર, રોહિત ઠાકોર વિરુદ્ધ અગાઉ પણ ગુના નોંધાયા છે. રહેણાંક વિસ્તારની શાંતિ ડહોળનારા તત્વો સામે કાર્યવાહી કરવાનું પોલીસે વચન આપ્યું છે.

car break1

તસવીર સૌજન્ય- યોગેશ ચાવડા

ઉલ્લેખનીય છે કે શહેરમાં આ પ્રકારના ગુનાઓ ઘણાં વધી ગયા છે જેમાં વાડજ-નારણપુરા પોલીસ સ્ટેશન વિસ્તારમાં તેનું પ્રમાણ વધારે છે. અહીં હત્યા, લૂંટ, મારમારી, દારૂ-જુગારનું દૂષણ પણ વધી ગયું છે. આ વિસ્તારની ક્રાઈમ લિસ્ટ ગાંધીનગર સુધી પહોંચી હતી. વરિષ્ઠ પોલીસ અધિકારીઓએ સ્થાનિક પોલીસને આ વિસ્તારોમાં વધારે સક્રિય બનીને કામ કરવાની તાકીદ કરી હતી.



Source link

What’s your Reaction?
+1
0
+1
0
+1
0
+1
0
+1
0
+1
0
+1
0

LEAVE A REPLY

Please enter your comment!
Please enter your name here