J & K: કોની લાપરવાહી? નિ:શસ્ત્ર હતા ટ્રેનિંગ કેમ્પ જઈ રહેલા જવાન, બસ પણ બુલેટપ્રૂફ નહોતી – jammu and kashmir bus attack soldiers didn’t have any weapon bus was not bulletproof

0


શ્રીનગર- જમ્મુ-કાશ્મીરમાં સોમવારે સાંજે થયેલા આતંકવાદી હુમલાને કારણે જવાનોની સુરક્ષાને લગતા પ્રશ્નો થઈ રહ્યા છે. બાઈક પર સવાર આતંકવાદીઓએ જવાનોથી ભરેલી બસ પર અંધાધુંધ ફાયરિંગ કરી અને ફરાર થઈ ગયા. આ હુમલામાં 3 જવાન શહીદ થઈ ગયા. આ ઘટનાને લાપરવાહીનું પરિણામ કહેવામાં આવે છે. પ્રાપ્ત જાણકારી અનુસાર બસ બુલેટપ્રુફ નહોતી અને જવાનો પાસે પણ હથિયાર નહોતા. ચોંકાવનારી વાત એ છે કે આ પ્રકારના હુમલાની સૂચના ગુપ્તચર એજન્સીઓએ આપી હતી.

નવી દિલ્હીના સૂત્રોએ કહ્યું કે, હુમલાથી એક દિવસ પહેલા શ્રીનગરમાં સુરક્ષાદળો પર હુમલાને લગતું એલર્ટ જાહેર કરવામાં આવ્યુ હતું. આતંકવાદીઓની હાજરી વિષે ગુપ્તચર એજન્સીઓએ જાણકારી આપી હતી. એજન્સી તરફથી કહેવામાં આવ્યુ હતું કે, આતંકવાદીઓ કોઈ પણ સમયે આ પ્રકારનો હુમલો કરી શકે છે.

શું કોંગ્રેસ હિન્દુ અને હિન્દુત્વના મુદ્દે ભાજપને ટક્કર આપી શકશે ખરી?

ઉલ્લેખનીય છે કે 13 ડિસેમ્બર 2001ના રોજ સંસદ પર હુમલો થયો હતો. આતંકવાદીઓએ સંસદ ભવન પરિસર પર હુમલો કર્યો હતો, જેમાં નવ લોકોનાં મૃત્યુ થયા હતા. સુરક્ષા દળોએ જવાબી કાર્યવાહીમાં પાંચ આતંકવાદીઓને ઢેર કર્યા હતા. સંસદ હુમલાની વર્ષી હોવાને કારણે પણ એલર્ટ જાહેર કરવામાં આવ્યુ હતું, તેમ છતાં આ ઘટનાને રોકી ના શકાઈ.

જમ્મુ-કાશ્મીર સરકારના એક અધિકારીએ કહ્યું કે, સિક્રેટ એજન્સી તરફથી સ્પષ્ટ જાણકારી આપવામાં નહોતી આવી, માટે અમે એલર્ટ નહોતા. નોંધનીય છે કે જે બસમાં જવાનોને લઈ જવામાં આવી રહ્યા હતા તે બુલેટપ્રૂફ નહોતી. સામાન્ય બસમાં તેઓ જઈ રહ્યા હતા. આ સિવાય તેમની પાસે કોઈ હથિયાર પણ નહોતા. તમામ નિ:શસ્ત્ર ટ્રેનિંગ કેમ્પ જઈ રહ્યા હતા. ઘટનામાં હાઈબ્રિડ આતંકવાદીઓ શામેલ હોવાની સંભાવના વ્યક્ત કરવામાં આવી રહી છે. જે પ્રકારે આતંકવાદીઓએ હુમલો કર્યો તેના પરથી કહી શકાય કે તેઓ પહેલા રેકી કરવા આવ્યા હશે. તેમને ખબર હશે કે જે બસથી જવાન જઈ રહ્યા છે તે બુલેટપ્રૂફ નથી.

કાશ્મીરમાં પોલીસની બસ પર આતંકવાદી હુમલામાં 2 જવાન શહીદ, 12 ઘાયલ
નોંધનીય છે કે આતંકવાદીઓને જવાનો નિશસ્ત્ર હોવાની જાણકારી પણ હશે. આતંકીઓને ખબર હતી કે જો તેઓ આ બસ પર નિશાન સાધશે તો સરળતાથી અનેક લોકોના જીવ લઈ શકશે. આ સિવાય અંધારાનો ફાયદો ઉઠાવીને ભાગી પણ શકશે.



Source link

What’s your Reaction?
+1
0
+1
0
+1
0
+1
0
+1
0
+1
0
+1
0

LEAVE A REPLY

Please enter your comment!
Please enter your name here