darubandhi in gujarat: સમયની સાથે દારૂબંધીમાં પણ પરિવર્તન આવી શકે છે: ભરતસિંહ – congress leader bharatsinh solanki says alcohol ban should be lifted if women of gujarat give permision

0


હાઈલાઈટ્સ:

  • અમદાવાદમાં આર જી પ્રીમિયર લીગના ઉદ્ઘાટન સમયે કોંગ્રેસના નેતા ભરતસિંહે છેડ્યો દારૂબંધીનો મુદ્દો.
  • તેમણે કહ્યું કે, ગુજરાતની મહિલાઓ મંજૂરી આપે તો દારૂબંધી હટાવવી જોઈએ.
  • સાથે જ તેમણે કહ્યું કે, હાલમાં ગુજરાતમાં કેટલી દારૂબંધી છે તે સૌ કોઈ જાણે છે.

અમદાવાદ: કોંગ્રેસના વરિષ્ઠ નેતા ભરતસિંહ સોલંકીએ આડકતરો ઈશારો કર્યો છે કે, કોંગ્રેસ આવે તો દારૂબંધી હટી શકે છે. તેમણે કહ્યું કે, સમય સાથે દારૂબંધીમાં પણ પરિવર્તન આવી શકે. સાથે જ તેમણે કહ્યું કે, ગુજરાતની જનતા અને મહિલાઓ મંજૂરી આપે તો દારૂબંધી હટાવવી જોઈએ.

અમદાવાદના ઓગણજમાં રાહુલ ગાંધી પ્રીમિયર લીગ ક્રિકેટ ટૂર્નામેન્ટના ઉદ્ધાટન સમયે ભરતસિંહે કહ્યું કે, ઠંડીમાં જમવાની વ્યવસ્થા તો અમે કરી છે, પરંતુ અન્ય વ્યવસ્થા થઇ શકે તેમ નથી. ઠંડી બહું છે પણ ગુજરાતમાં હાલ મનાઇ છે, માટે વ્યવસ્થા થઇ શકે નથી. તેમની આ વાત પર હાસ્યનું મોજું ફરી વળ્યું હતું. તેમણે એમ પણ ઉમેર્યુ હતું કે, યુગ પરિવર્તનની સાથે કદાચ ગુજરાતની પ્રજા જ્યારે આવું કંઇ ઇચ્છશે ત્યારે ગુજરાતની પ્રજાને એવો મોકો પણ મળશે, તે ભવિષ્યની માન્યતા મને લાગે છે. આમ આડકતરી રીતે અમારી સરકાર આવે તો દારૂબંધી હટાવવાનો તેમણે ઇશારો કર્યો હતો.

જર્મનીથી પરત આવેલા ગાંધીનગરના પરિવારમાં 5 વર્ષની બાળકીનો રિપોર્ટ પોઝિટિવ

જોકે તેઓએ કટાક્ષ પણ કર્યો હતો અને જણાવ્યું કે, હાલમાં ગુજરાતમાં દારૂબંધી છે. પરંતુ કેટલી બંધી છે તે તો સૌ કોઇ જાણે છે. ગુજરાતમાં બિનકાયદેસર રીતે જોઈએ તેટલો દારૂ મળે છે.જો દારૂ કાયદેસર રીતે વેચાતો હોત તો સરકારને ટેક્ષની પણ આવક થાત. જો કે હાલ તો ભાજપના મળતીયાઓ જ દારૂ વેચીને આર્થિક લાભ મેળવી રહ્યા છે. તેમણે કહ્યું કે, ‘ગુજરાતમાં ગેરકાયદેસર દારૂ વેચાય છે અને તે પણ ભાજપના નેતાઓના માથા નીચે. સરકારને ટેક્ષ રૂપી ફાયદો થઇ શકે અને વચ્ચે જે મળતિયાઓ પૈસા થાય છે તે ના ખાઈ શકે.. ઇન્દિરા ગાંધી એ જે વખતે દારૂબંધી કરી હતી તેનો મતલબ એ હતો કે ધનાઢ્ય લોકો દારૂ પીવે તો ચાલે પરંતુ મધ્યમ અને ગરીબ વર્ગના લોકો દારૂ પીવે તે ન ચાલે.’
સેનાના જવાને પત્ની અને દીકરીને તરછોડી મૂક્યા, હનીટ્રેપ બાબતે ચેતવણી આપી હતી
કોંગ્રેસના નેતાએ કહ્યું કે, દારૂબંધી અંગે 7 કરોડ ગુજરાતીઓમાં મારા એકલાનો મત નિર્ણાયક નથી. પણ દારૂબંધી વચ્ચે દારૂ વેચાય છે તે સૌ કોઇ જાણે છે.’ તેમણે કહ્યું કે, ગુજરાતમાં ગેરકાયદે રીતે જોઇએ તેટલો દારૂ મળે છે. સ્વાભાવિક રીતે લોકચર્ચામાં વાત છે. સરકારના ઓથા નીચે જ એમના મળતિયા અને બુટલેગરો દારૂ વેચે છે અને આર્થિક લાભ મેળવે છે. આ પૈસા સરકારમાં જમા થાય તો સરકારને ટેક્સની આવક થાય.

ઉલ્લેખનીય છે કે, રાજ્યમાં દારૂબંધીના કિસ્સાના ધજાગરા થતા હોવાના કિસ્સાઓ અવાર નવાર સામે આવે છે. રાજ્યમાં દારુબંધી હોવા છતાં લાખો રૂપિયાના દારુના મુદ્દામાલ સાથે બુટલેગરની ધરપકડ કરી હોવાનું સામે આવ્યું છે.

સુરત પાસે કેનાલમાં પડી કાર, પાંચ લોકોનો થયો ચમત્કારિક બચાવ



Source link

What’s your Reaction?
+1
0
+1
0
+1
0
+1
0
+1
0
+1
0
+1
0

LEAVE A REPLY

Please enter your comment!
Please enter your name here