rickshaw driver’s son’s success story: ત્રણ વાર નિષ્ફળતા મળી, પણ હાર ન માની, રિક્ષા ચાલકનો દીકરો આ રીતે બન્યો આસિસ્ટન્ટ ટેક્સ કમિશનર – rickshaw driver’s son became assistant tax commissioner in chhattisgarh

0


હાઈલાઈટ્સ:

  • બિલાસપુરના તખતપુરમાં રહેતા રિક્ષા ચાલક કુલદીપ કૈવર્તના દીકરા વિજયની સંઘર્ષની ગાથા
  • અભ્યાસની સાથો સાથ સિલાઈકામ કર્યુ, અભ્યાસનો ખર્ચ ઉપાડ્યો અને પરિવારને મદદ કરી
  • ત્રણ વાર નિષ્ફળતા મળી પણ વિજયે હાર ન માની અને આખરે આસિસ્ટન્ટ ટેક્સ કમિશનર બન્યો

બિલાસપુરઃ સફળ થવા માટે કોઈ પણ સાધાનથી જરૂરી સાધના હોય છે. જો તમે પૂરી ઈમાનદારીથી પ્રયાસ કરો છો તો તેનું સારૂ પરિણામ ચોક્કસ મળે છે. આવી જ એક સફળતાની સ્ટોરી છે વિજય કૈવર્ત. રિક્ષા ચાલકના આ દીકરાએ પોતાના પિતાની મહેનત અને પોતાના સંઘર્ષ તથા પ્રયાસોથી એવી સફળતા પ્રાપ્ત કરી છે કે જે તમામ લોકો માટે પ્રેરણારૂપ બની ગઈ. છત્તીસગઢ રાજ્યના બિલાસપુર જિલ્લામાં રહેતા વિજય કૈવર્તે પીએસસીમાં 21મો રેન્ક મેળવ્યો હતો. વિજયે પોતાનો અભ્યાસ પૂરો કરવા માટે લોકોના કપડાં પણ સિલ્યા. ઘરની આર્થિક સ્થિતિને જોતા તેણે સિલાઈ કામ સાથે અભ્યાસ પણ ચાલુ રાખ્યો અને હાર ન માની. એનું જ પરિણામ છે કે તે હવે આસિસ્ટન્ટ ટેક્સ કમિશનરના પદે પસંદગી પામ્યો છે.

વિજયના પિતા છે રિક્ષા ચાલક
બિલાસપુર જિલ્લાના તખતપુરમાં રહેતા રિક્ષા ચાલક કુલદીપ કૈવર્તના દીકરા વિજયની જીંદગી કોઈ ફાઈટરથી ઓછી નથી. વિજય ત્રણ વર્ષનો હતો ત્યારે જ તેની માતા મૃત્યુ પામી હતી. એપછી પિતાએ જ માતાની જવાબદારી નિભાવી તેને મોટો કર્યો. વિજયે ધોરણ આઠમા સુધીનો અભ્યાસ ગાયત્રી જ્ઞાન મંદિરમાં કર્યો. પછી 12મા ધોરણ સુધીનો અભ્યાસ બાલક હાઈસ્કૂલમાં કર્યો. વિજયનું કહેવું છે કે, જ્યારે તે ધોરણ પાંચમાં ભણતો હતો ત્યારે જ સિલાઈકામ શરૂ કરી દીધું હતું. એ પછી દુકાનમાં કામ કરવા લાગ્યો. જે પૈસા મળે તેનાથી અભ્યાસ કરતો. એ દરમિયાન સ્કોલરશીપ મળી. સીવી રમન યુનિવર્સિટીમાંથી મિકેનિકલ એન્જિનિયરિંગ કરીને ડિગ્રી મેળવી. એ પછી પણ સારી નોકરી ન મળી. પરંતુ અભ્યાસ કરવાનું છોડ્યુ નહીં. આ દરમિયાન સિલાઈકામ પણ ચાલુ રાખ્યું. જેથી કરીને તે પોતાના કોચિંગ ક્લાસનો ખર્ચ ઉપાડી શકે અને પરિવારને આર્થિક મદદ કરી શકે.

કેમ દરરોજ 4,000 સ્ટેપ્સ ચાલવું જોઈએ?

સમાજમાં રહીને સક્ષમ વ્ચક્તિ બનોઃ પિતાની શીખામણ
વિજયના પિતા કુલદીપે પોતાના દીકરાને હંમેશા સારા સંસ્કાર આપ્યા. કહ્યું કે, સમાજમાં રહીને સક્ષમ વ્યક્તિ બનો. જેનાથી તમારી ઓળખ બને. પિતાની આ શીખામણ ધ્યાનમાં રાખીને ક્યારેય કઠોર પરિશ્રમ કરવાનું છોડ્યુ નહીં. પિતાની મહેનત જોઈને સિલાઈકામ શીખ્યો અને સાથે અભ્યાસ પણ ચાલુ રાખ્યો. વિજયે જણાવ્યું કે, સફળતા માટે તે માત્ર પરિશ્રમને જ જવાબદાર માને છે. વિજયના પિતાનું કહેવું છે કે, મેં મારા દીકરાને પ્યૂન કે ક્લાર્ક બનાવવાનું સપનું જોયું હતું. પંરતુ મારા દીકરાએ એ સપનાથી પણ આગળ કરી બતાવ્યું. જે આખા પરિવાર માટે ગર્વની વાત છે.

પાડોશી તહેસીલદાર કાકાએ આપ્યુ માર્ગદર્શન
વિજયે જણાવ્યું કે, 12માં ધોરણમાં બ્લોક ટોપર બન્યા બાદ પાડોશમાં રહેતા તહેસીલદાર રાકેશ કાકાએ તેને નવો રસ્તો બતાવ્યો. તેઓએ જ તેની હિંમત વધારી અને પીએસસીની તૈયારી કરવા માટે કહ્યું. ત્યારે જ વિજયે આગળ વધવા માટે મન બનાવી લીધુ હતું. આર્થિક તંગીના કારણે તેણે અનેક દુકાનોમાં કામ કર્યું. તેની બહેન અને બનેવી પણ હંમેશા અભ્યાસમાં સાથ આપતા અને આર્થિક મદદ કરતા.
PMના કાફલામાં ખાસ ડિવાઈસથી સજ્જ કાર, કેમ ખૂબ જ મહત્વની છે આ કાર?
નિષ્ફળતા બાદ પણ હાર ન માની
વિજયની પરીક્ષાનું જ્યારે પરિણામ આવ્યું ત્યારે પણ તે સિલાઈકામ કરતો હતો. આ દરમિયાન તેને ખબર પડી કે તે સીજીપીએસસી પરીક્ષામાં પાસ થયો છે. વિજય જણાવે છે કે, તે સિલાઈકામ કરવાની સાથે દરરોજ તે પાંચ કલાક સુધી વાંચન પણ કરતો. ત્રણ વાર તેણે પ્રયાસ કર્યો. મેઈન્સમાં તે રહી જતો હતો. ચોથી વખતે સફળતા મળી. વિજયનું કહેવું છે કે, પરિશ્રમનો કોઈ શોર્ટકટ નથી હોતો. પોતાના પિતા અને મહેનતના દમ પર તે આસિસ્ટન્ટ ટેક્સ કમિશનરની પોસ્ટ પર પસંદગી પામ્યો.

સેથામાં સિંદૂર, હાથમાં ચૂડો.. લગ્ન બાદ પહેલીવાર વિકી સાથે દેખાઈ કેટરિના



Source link

What’s your Reaction?
+1
0
+1
0
+1
0
+1
0
+1
0
+1
0
+1
0

LEAVE A REPLY

Please enter your comment!
Please enter your name here