covavax: 6 મહિનામાં આવી જશે બાળકોની કોરોના રસી ‘Covavax’, અદાર પૂનાવાલાએ આપી ખુશખબર – covavax corona vaccine for 3 years and older then it may launc in 6 month

0


હાઈલાઈટ્સ:

  • ભારતમાં ચાલી રહેલા રસીકરણમાં 18 વર્ષ કે એથી વધુ ઉંમરના લોકોને રસી આપવામાં આવી રહી છે
  • દેશમાં બાળકો માટે કોરોના રસી શોધાઇ નથી, આ માટે અનેક કંપનીઓ રિસર્ચ કરી રહી છે
  • WHO મુજબ, નવો વેરિયન્ટ ઓમિક્રોન બાળકો માટે વધુ ખતરનાક સાબિત થઇ શકે છે

નવી દિલ્હીઃ વૈશ્વિક સ્તરે કોરોના વાયરસનો નવો વેરિયન્ટ ઓમિક્રોન ઝડપથી ફેલાઈ રહ્યો છે. જેની અસર ભારતમાં પણ જોવા મળી રહી છે. ઓમિક્રોનના ફેલાવા સામે દુનિયાભરની સરકારો અને આરોગ્ય સંસ્થાઓ રસીકરણને વેગ આપવા પર જોર આપી રહ્યા છે. એવામાં ભારતમાં બાળકો માટેની વેક્સીનને લઇને સારા સમાચાર આવ્યા છે. સીરમ ઇન્સ્ટીટ્યૂટ ઓફ ઈન્ડિયાના સીઈઓ અદાર પૂનાવાલાએ મંગળવારે બાળકોની કોરોના વેક્સીનને લઇને મહત્વનું નિવેદન આપ્યું છે. પૂનાવાલાએ જણાવ્યું છે કે, દેશમાં 3 વર્ષ કે એથી વધુ ઉંમરના બાળકો માટે કોરોના વેક્સીન આગામી 6 મહિનામાં લોન્ચ કરવામાં આવશે.

તેમણે વધુમાં જણાવ્યું કે, બાળકો માટે કોરોના વેક્સીન Covavaxનું ટેસ્ટિંગ ચાલી રહ્યું છે જે 3 વર્ષ કે એથી વધુ ઉંમરના બાળકોને કોવિડ-19 વિરુદ્ધ સુરક્ષા આપશે. તેમણે જણાવ્યું કે હજુ સુધી બાળકોમાં કોવિડના ગંભીર કેસ સામે આવ્યા નથી. Covavax અમેરિકા સ્થિત નોવાવેક્સ (Novavax)ની કોરોના રસીનું વર્ઝન છે.

આ પહેલા કેન્દ્રીય સ્વાસ્થ અને પરિવાર કલ્યાણ મંત્રી મનસુખ માંડવિયાએ લોકસભામાં કહ્યું હતું કે કોરોનાના નવા વેરિયન્ટ ઓમિક્રોન પર રસીની અસરને લઇને ટેસ્ટિંગ ચાલી રહ્યું છે અને એકવાર નિષ્ણાંતોના મંતવ્ય સામે આવી જાય એ પછી બૂસ્ટર ડોઝ પર નિર્ણય લેવાશે.

ઉલ્લેખનીય છે કે, હાલમાં ભારત સહિત દુનિયાના અનેક દેશોમાં ઓમિક્રોનના કેસ ઝડપથી સામે આવી રહ્યા છે. દક્ષિણ આફ્રિકામાં ઓમિક્રોનનો કાળો કહેર એની ચરમસીમાએ પહોંચી ગયો છે. વાયરસના નવા વેરિયન્ટને લઇને વિશ્વ આરોગ્ય સંગઠને પણ ચિંતા વ્યક્ત કરી છે. સંગઠનના હાલના રિપોર્ટ મુજબ દક્ષિણ આફ્રિકામાં ઓમિક્રોનથી સંક્રમિત બાળકોનું પ્રમાણ વધી રહ્યું છે. એવામાં ભારત જેવા વિકાસશીલ દેશમાં પણ ઓમિક્રોનને લઇને ચિંતા વ્યક્ત કરવામાં આવી રહી છે. કારણ કે દેશમાં ચાલી રહેલા રસીકરણમાં અત્યાર સુધી 18 વર્ષ અને એનાથી વધુ ઉંમરના તમામ લોકોને રસી આપવામાં આવી રહી છે. જ્યારે 18 વર્ષથી નીચેના બાળકો માટે હજુ સુધી રસી શોધાઇ નથી. જે ભારત અને ભારત જેવા અનેક દેશો માટે ચિંતાનો વિષય છે.

ઓમિક્રોનથી બાળકોને કેટલો ખતરો? WHOનો અહેવાલ અને વર્તમાન સ્થિતિ ચિંતાજનક
લગ્ન-પાર્ટીઓમાં જનારાને સંક્રમણનો વધુ ખતરો, વધુ ઝડપથી ફેલાઈ શકે છે ઓમિક્રોનનો ચેપWHOએ વ્યક્ત કરી ચિંતાઃ ઓમિક્રોનથી વધી શકે છે મૃત્યુઆંક અને હોસ્પિટલાઈઝેશન



Source link

What’s your Reaction?
+1
0
+1
0
+1
0
+1
0
+1
0
+1
0
+1
0

LEAVE A REPLY

Please enter your comment!
Please enter your name here